ଭୁବନେଶ୍ୱର, ୨୨/୦୬: ମୁମ୍ବାଇରେ ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ଅସ୍ତ୍ରୋପଚାର ସଫଳ। କୋକିଲାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲରେ ସରିଲା ସର୍ଭାଇକାଲ୍ ଆର୍ଥରାଇଟିସ୍ ଅପରେସନ୍। ସୂଚନା ଦେଲେ ଘରୋଇ ଡାକ୍ତର ରମାକାନ୍ତ ପଣ୍ଡାଙ୍କ । ଆସନ୍ତା ଦୁଇ ଦିନ ପାଇଁ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଅବଜରଭେସନରେ ରହିବେ। ୨୧ ତାରିଖରେ ହସ୍ପିଟାଲରେ ହୋଇଥିଲେ ଭର୍ତ୍ତି।
ଡାକ୍ତର ରମାକାନ୍ତ ପଣ୍ଡା କହିଛନ୍ତି ଯେ, ମହାପ୍ରଭୁ ଶ୍ରୀଜଗନ୍ନାଥଙ୍କ ଆଶୀର୍ବାଦରୁ ନବୀନ ପଟ୍ଟନାୟକଙ୍କ ସଫଳତା ସହ ଅପରେସନ ହୋଇଛି । ସବୁ ଭଲ ଅଛି । ଅବଜରଭେସନରେ ଦୁଇ ଦିନ ରହିବେ । ତାପରେ ରୁମ୍ରେ ୩ ଦିନ ରହି ହସ୍ପିଟାଲରୁ ଡିସଚାର୍ଜ ହେବେ । କୋକିଲାବେନ୍ ଧୀରୁଭାଇ ଅମ୍ବାନୀ ହସ୍ପିଟାଲର ସ୍ପାଇନ ସ୍ପେସିଆଲିଷ୍ଟ ବିଶେଷଜ୍ଞ ଡାକ୍ତର ରାଜଶେଖର ତାଙ୍କ ଅପରେସନ କରିଥିଲେ । ଏସିଆନ ହାର୍ଟ ଇନଷ୍ଟିଚ୍ୟୁଟ୍ର ବିଶେଷଜ୍ଞମାନେ ବି ଅପରେସନ ଥିଏଟର୍ରେ ଥିଲେ ।
ନବୀନ ପଟ୍ଟନାୟକ ଭଲ ଭାବେ କଥା ହୋଇ ପାରୁଛନ୍ତି । ସେ ପଚାରିଲେ ସବୁ ଠିକ ଥିଲା ତ । ଆମେ କହିଲୁ ସବୁ ଠିକ ଅପରେସନ ହୋଇଛି। ବୟସ ବଢିଲେ ସର୍ଭାଇକାଲ୍ ଆର୍ଥରାଇଟିସ୍ ହୁଏ । ତାଙ୍କୁ କଷ୍ଟ ହେଉଥିଲା । ତାକୁ ସ୍କ୍ରୁ ଦେଇ ଫିସ୍କ କରାଗଲା । ଆଉ କଷ୍ଟ ହେବନି । ଆଗ ଆନାସ୍ଥେସିଆ ଦେଇ ସଫା କରାଯିବ । ଦୁଇ ଘଣ୍ଟା ଧରି ଅପରେସନ ହୋଇଥିଲା । ସର୍ଜରୀ ପରେ ଛୋଟ ଷ୍ଟିଚ୍ ପଡିଥିଲା । ୫ ରୁ ୭ ଦିନ ପରେ ଷ୍ଟିଚ୍ ଖୋଲିବ ବୋଲି କହିଛନ୍ତି ।
