କୋଣାର୍କ,୧୩/୦୭: ସୂର୍ଯ୍ୟମନ୍ଦିର ସୁରକ୍ଷା ଓ ସଂରକ୍ଷଣ ନେଇ ଏଏସଆଇ ପକ୍ଷରୁ ତପ୍ତରତା ଦେଖିବାକୁ ମିଳିଛି । ସୂର୍ଯ୍ୟମନ୍ଦିରରେ ଆଇଆଇଏମଡି ଓ ଖଣିଜ ସାମଗ୍ରୀ ପ୍ରଯୁକ୍ତି ପ୍ରତିଷ୍ଠାନର ୮ଜଣିଆ ବିଶେଷଜ୍ଞ ଦଳ ଅନୁଧ୍ୟାନ କରିଛନ୍ତି । ଏହି ବିଶେଷଜ୍ଞ ଦଳ ନାଟ୍ୟ ମନ୍ଦିର, ଜଗମୋହନ, ଗର୍ଭଗୃହ, ସୂର୍ଯ୍ୟମନ୍ଦିର ଚତୁଃପାର୍ଶ୍ଵ ବୁଲି ଦେଖିଥିଲେ । କ୍ୟାମେରାରେ ଫଟୋ ଉତ୍ତୋଳନ କରିବା ସହିତ କାରୁକାର୍ଯ୍ୟ ପୂର୍ଣ୍ଣ ପ୍ରସ୍ତରରେ ରହିଥିବା କଳା ଆସ୍ତରଣର ନମୁନା ସଂଗ୍ରହ କରି ନେଇଥିଲେ । ଏହା ପରୀକ୍ଷା ପାଇଁ ଯାଇଥିବା ଜଣାପଡିଛି । ଖୁବଶୀଘ୍ର ସୂର୍ଯ୍ୟମନ୍ଦିର କାରୁକାର୍ଯ୍ୟ ପୂର୍ଣ୍ଣ ପ୍ରସ୍ତର ପ୍ରତି ବିଶେଷ ଧ୍ୟାନ ଦିଆଯାଇ ଏହି କଳା ଆସ୍ତରଣ ସଫା କରାଯିବ । ବିଶେଷଜ୍ଞ ଦଳଙ୍କ ସହିତ ପୁରୀ ସର୍କଲ ସୁପରିଟେଣ୍ଡେଟ ଡ଼ଃ. ଡି.ବି ଗଡ଼ନାୟକ ପ୍ରମୁଖ ଉପସ୍ଥିତ ଥିଲେ।
ସୂଚନାଯୋଗ୍ୟ,ଗତ ମେ ୨୪ତାରିଖରେ ଏଏସଆଇ ଡିଜିଙ୍କ ସମେତ ୧୫ଜଣିଆ ବିଶେଷଜ୍ଞ ଦଳ ସୂର୍ଯ୍ୟମନ୍ଦିର ଗର୍ଭଗୃହରୁ ବାଲି କଢ଼ା ପ୍ରକ୍ରିୟା, ମନ୍ଦିର ସଂରକ୍ଷଣ ଆଦି ସମୀକ୍ଷା କରିଥିଲେ।
