PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ବିଶ୍ୱ ପିତୃ ଦିବସ; ପୂଜା ପାଇଲେ ୫୦ ଅଲୋଡ଼ା ବାପା

ଭୁବନେଶ୍ୱର, ୧୬ ।୬(ବ୍ୟୁରୋ): ପରିବାର ଅଛନ୍ତି । ହେଲେ ଏମାନେ ଅଲୋଡ଼ା ଓ ଉପେକ୍ଷିତ । ବାର୍ଦ୍ଧକ୍ୟର ବୋଝ ତଳେ ଜର୍ଜରିତ । ଦିନେ କୁନି କୁନି ହାତ ଧରି ଚାଲିବା ଶିଖାଉଥିବା ଏହି ହାତ ଆଜି ଅଲୋଡା । ସାରା ବିଶ୍ୱ ପିତୃ ଦିବସ ପାଳି କେକ୍‌ କାଟି ଉତ୍ସବ କରୁଥିବା ବେଳେ ଏମାନେ ଆଜି ସ୍ୱେଚ୍ଛାସେବୀ ସଙ୍ଗଠନର ସ୍ନେହ ଆଦରରେ ଆଶ୍ରିତ । ଏମିତି ୫୦ ଜଣ ବାପାଙ୍କୁ ଏକାଠି କରି ଆଜି ରାଜଧାନୀର ସ୍ୱେଚ୍ଛାସେବୀ ସଙ୍ଗଠନ ‘ପତିତ ଉଦ୍ଧାର ସମିତି’ ପାଳିଛି ବିଶ୍ୱ ପିତୃ ଦିବସ । ଅଲୋଡ଼ା ହୋଇପଡିଥିବା ବାପାମାନଙ୍କୁ ଦେଇଛି ସମ୍ମାନ ଓ ଆଦର

ପିତୃ ପୂଜନରୁ ଆରମ୍ଭ ହୋଇଥିଲା ସକାଳ । କ୍ୟାପିଟାଲ୍‌ ହସ୍ପିଟାଲ ପଛପଟେ ଥିବା ରାତ୍ରି ଆଶ୍ରୟସ୍ଥଳରେ ଏକାଠି ହୋଇଥିଲେ ସମସ୍ତ ବୟସ୍କ । ମୁଣ୍ଡରେ ସ୍ନେହ, ସୌହାର୍ଦ୍ଧ୍ୟର ଟିକା ପିନ୍ଧାଇ, ପାଦ ଛୁଇଁ ଅନୁଷ୍ଠାନର କର୍ମକର୍ତ୍ତା ପାଳିଥିଲେ ବିଶ୍ୱ ପିତୃଦିବସ । ପରେ ପରେ ସମସ୍ତେ ଏକାଠି ହୋଇ କେକ୍‌ କାଟିଥିଲେ । ଏହି ଅବସରରେ ସାୱତ୍‌ କ୍ରିପାଳୁ ଗୃହାନୀ ମିଶନ ତରଫରୁ ଏକ ସଂତ୍‌ସଂଗ କାର୍ଯ୍ୟକ୍ରମର ଆୟୋଜନ କରାଯାଇଥିଲା ।

ଏ ବାବଦରେ ସାରଥୀ ଦତ୍ତ(୬୫) କହନ୍ତି ବହୁତ ଦୁଃଖ କଷ୍ଟରେ ମୁଁ ମୋ ପିଲାମାନଙ୍କୁ ପାଳିଥିଲି । ଆଜି ସେମାନେ ସମସ୍ତେ ସ୍ୱାବଲମ୍ବୀ । ହେଲେ ମୁଁ ଅଲୋଡ଼ା । ଆଜିକୁ ତିନି ବର୍ଷ ହେବ ମୋତେ ମୋ ପିଲାମାନେ ଘରୁ ବାହାର କରିଦେଲେ । ପଚାରିବା ତ ଦୂରର କଥା, ଭାବିଲେନି ବି ମୁଁ ସେମାନଙ୍କ ବିନା କେମିତି ଚଳିବି । ମୋ ଝିଅ, ଜ୍ୱାଇଁ ବାଙ୍ଗାଲୋରରେ ଭଲ ଚାକିରି କରୁଛନ୍ତି । ସେମାନଙ୍କ କହିବା କଥା ମୁଁ ଘରକୁ ଫେରିଲେ ସେମାନଙ୍କ ପରିବାରରେ ଅଶାନ୍ତି ବଢ଼ିବ । ସେମାନେ ମୋତେ ଘରକୁ ଫେରାଇ ନେବାକୁ ଚାହୁଁନାହାଁନ୍ତି କି ମୁଁ ବି ଆଉ ଫେରିବାକୁ ଚାହୁଁନି । ଏଠି ମୋତେ ମୋ ପରିବାର ମିଳିଯାଇଛି ।

ତାଙ୍କ ଭଳି ରାତି ଆଶ୍ରୟ ସ୍ଥଳରେ ଆମେ ଭେଟିଥିବା ଆଉ ଜଣେ ବାପା ହେଲେ ଉଗ୍ରସେନ ସାହୁ । ପୁରୀର ଉଗ୍ରସେନଙ୍କ ଦୁଇ ପୁଅ, ଜଣେ ଝିଅ । ମୂଲ ଲାଗି ପରିବାର ଚଳାଉଥିଲେ ଉଗ୍ରସେନ । ନିଜ ପାଇଁ ପୁରୀରେ ଘର ବି ଖଣ୍ଡେ କରିଥିଲେ । ଝିଅ ବିବାହ ବେଳକୁ ପୁଅମାନେ ଟଙ୍କା ନ ଦେବାରୁ ବାଧ୍ୟହୋଇ ଘର ବିକି ଦେଲେ । ପରବର୍ତ୍ତୀ ସମୟରେ ପୁଅମାନେ ତାଙ୍କୁ ଘରୁ ବାହାର କରିଦେବା ସହ ଉଗ୍ରସେନଙ୍କ ସ୍ତ୍ରୀଙ୍କୁ ତାଙ୍କ ବାପ ଘରେ ଛାଡ଼ି ଦେଲେ । ପରିବାରର ଏହି ନିଷ୍ପତ୍ତିକୁ ସହଜରେ ହଜମ କରିପାରିଲେନି ଉଗ୍ରସେନ । ଘର ଛାଡି ବଡ଼ ଦାଣ୍ଡରେ ଆସି ଭିକ ମାଗିଲେ । ପରବର୍ତ୍ତୀ ସମୟରେ ପିଲାମାନଙ୍କୁ ଅସୁବିଧା ହେବ ବୋଲି ଭାବି ଭୁବନେଶ୍ୱର ପଳାଇ ଆସିଲେ । ଏବେ ସେ କ୍ୟାପିଟାଲ ହସ୍ପିଟାଲ ପଛପଟେ ଥିବା ରାତ୍ରୀ ଆଶ୍ରୟ ସ୍ଥଳରେ ଆଶ୍ରିତ । ଆଜିର ଉତ୍ସବ ସମ୍ପର୍କରେ ଉଗ୍ରସେନ କହନ୍ତି ପରିବାର ସିନା ଅଲୋଡ଼ା କରିଦେଲା । ହେଲେ ଆଜି ମୁଁ ଖୁସି, ଅନୁଷ୍ଠାନର କର୍ମକର୍ତ୍ତାଙ୍କ ଗହଣରେ । ଏମାନେ ଆମକୁ କେବଳ ସ୍ନେହ ଆଦର କରୁ ନାହାଁନ୍ତି । ବରଂ ଖାଇବାକୁ ବି ଦେଉଛନ୍ତି ।