ସୁନ୍ଦରଗଡ଼ ୧୨।୧ : ତଳସରା ଥାନା ଅନ୍ତର୍ଗତ ତୁମୁଲିଆ ପେଟ୍ରୋଲ ପମ୍ପ ନିକଟରେ ଏକ ଟ୍ରକ୍ ରେ ହଠାତ୍ ନିଆଁ ଲାଗିଯାଇ ହୁତୁ ହୁତୁ ହୋଇ ଜଳିଯାଇଛି। ଉପସ୍ଥିତି ବୁଦ୍ଧି ଖଟାଇ ଟ୍ରକ ଚାଳକ ଗାଡ଼ି କୁ ଛିଡ଼ା କରି ଗାଡିରୁ ଡେଇଁ ନିଜ ଜୀବନ ବଞ୍ଚାଇଛନ୍ତି ।
ଗାଡ଼ିଟି ଛତିଶଗଡ଼ ପଟୁ ବାଲିସଙ୍କରା ଦେଇ ରାଉରକେଲା ଯାଉଥିଲା। ଗାଡିରେ ଥିବା କୋଇଲାରେ ହଠାତ ନିଆଁ ଲାଗି ଯାଇଥିଲା । ଟ୍ରକ ଡ୍ରାଇଭର ଗାଡିକୁ ଛିଡା କରି ଡେଇଁ ପଡିଥିଲେ। ପରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଘଟଣାର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନଥିବା ବେଳେ, ସଟସର୍କିଟ ଯୋଗୁଁ ନିଆଁ ଲାଗିଥିବା ଅନୁମାନ କରାଯାଉଛି । ଏହି ଘଟଣା ଯୋଗୁଁ କଛି ସମୟଧରି ରାସ୍ତା ଜାମ ହୋଇଥିବା ଦେଖିବାକୁ ମିଳିଥିଲା। ଅଗ୍ନିଶମ ବିଭାଗର ଚେଷ୍ଟାରେ ଏହା କେବଳ ଟ୍ରକ୍ ଇଞ୍ଜିନ ପର୍ଯ୍ୟନ୍ତ ସୀମିତ ରହିଛି। ନିଆଁ ଆୟତ ହେବା ପରେ ଯାତାୟାତ ସ୍ଵାଭାବିକ ହୋଇଥିଲା।