ଭୁବନେଶ୍ୱର, ୦୧/୦୫: କେନାଲରେ ମାଛ ଧରିବା ପଡିଲା ମାହାଙ୍ଗା । ଜାଲରେ ମାଛ ଧରୁଥିବା ବେଳେ ସାହେବ କେନାଲରେ ବୁଡି ଜଣେ ମତ୍ସ୍ୟଜୀବୀଙ୍କ ମୃତ୍ୟୁ ହୋଇଛି । ମୃତକ ହେଲେ ରମ୍ଭା ଥାନା ଅଧିନ ପୋଡ଼ମପେଟା ଗ୍ରାମର ସିଏଚ ଗୁରେୟା । ଗଞ୍ଜାମ ଜିଲ୍ଲା ଛତ୍ରପୁର ଅଞ୍ଚଳରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ପ୍ରତ୍ୟେକ ଦିନ ଭଳି ଆଜି ଭୋର ୩ଟାରେ ସାହେବ କେନାଲରେ ମାଛ ଧରିବାକୁ ଯାଇଥିଲେ । ହେଲେ ଆଉ ଘରକୁ ଫେରି ନଥିଲେ । ଘରକୁ ଫେରିବାକୁ ବିଳମ୍ୱ ହେବାରୁ ସକାଳୁ ପରିବାର ଲୋକେ କେନାଲ ପାଖକୁ ଯାଇ ଖୋଜା ଖୋଜି କରିଥିଲେ । ସେଠାରେ ତାଙ୍କ ମୃତଦେହ ଦେଖିବାକୁ ପାଇଥିଲେ । ଏହି ଘଟଣା ପରେ ଗାଁରେ ଶୋକର ଛାୟା ଖେଳିଯାଇଛି ।
