ନରସିଂହପୁର,୩୦/୦୪: ଆକ୍ସନ୍ ମୋଡ଼ରେ କଟକ ଜିଲ୍ଲା ନରସିଂହପୁର ପଶ୍ଚିମ ବନ ବିଭାଗ । ନିଜିଗଡ଼ ବାଲିସାହି ଗ୍ରାମରେ ଜଣେ ଘରେ ବ୍ୟକ୍ତିଙ୍କରେ ଚୋରା ଶାଗୁଆନ କାଠ ଥିବା ସୂଚନା ମିଳିବାପରେ ଚଢ଼ାଉ କରାଯାଇଥିଲା। ଘରୁ ତାଲା ଭାଙ୍ଗି ୩୯ ସିଫ୍ଟ( CFT) ଶାଗୁଆନ କାଠ ଜବତ କରିଥିଲା ବନ ବିଭାଗ।
ସୂଚନା ଅନୁଯାୟୀ, ନିଜିଗଡ଼ ବାଲିସାହି ଗ୍ରାମରେ ଚୋରା ଶାଗୁଆନ କାଠ ଥିବା ନେଇ ବନ ବିଭାଗକୁ ବିଶ୍ୱସ୍ତ ସୂତ୍ରରୁ ଖବର ମିଳିଥିଲା। ପରେ ବନ ବିଭାଗ ଅଧିକାରୀଙ୍କ ସହିତ ବନ ବିଭାଗ କର୍ମଚାରୀ ଶୁକ୍ରବାର ଦିନ ନିଜିଗଡ଼ ବାଲିସାହି ଗ୍ରାମରେ ଚଢ଼ାଉ କରିଥିଲେ । ଚଢ଼ାଉ ସମୟରେ ଘର ତାଲା ପଡିଥିବାରୁ ତହସିଲଦାରଙ୍କ ଉପସ୍ଥିତିରେ ଘର ତାଲା ଭାଙ୍ଗି ଯାଇଥିଲା। ଘର ଭିତରୁ ଚୋରା ଶାଗୁଆନ କାଠ ଜବତ କରିଥିଲେ । ଜବତ କାଠକୁ ନରସିଂହପୁର ବନ ବିଭାଗ କାର୍ଯ୍ୟାଳୟକୁ ଅଣାଯାଉଥିଲା । ଜବତ କାଠ ୩୮ ସିଫ୍ଟ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି।
