ହୃଦ୍ଘାତରେ ପୂର୍ବତନ ମିଷ୍ଟର ଇଣ୍ଡିଆଙ୍କ ପରଲୋକ, ସାଇଲେଣ୍ଟ ହାର୍ଟଆଟାକ୍ ହୋଇଥିବା କହିଲେ ଡାକ୍ତର
ନୂଆଦିଲ୍ଲୀ,୨୫/୦୫: ଜଣାଶୁଣା ବଡି ବିଲ୍ଡର ତଥା ପୂର୍ବତନ ମିଷ୍ଟର ଇଣ୍ଡିଆ ପ୍ରେମରାଜ ଅରୋରାଙ୍କ ବୁଧବାର ହୃଦ୍ଘାତରେ ପରଲୋକ ଘଟିଛି । ତାଙ୍କୁ ୪୨ ବର୍ଷ ହୋଇଥିଲା । ପ୍ରେମ୍ରାଜଙ୍କ ଏସିଡିଟି ସମସ୍ୟା ପରେ ଛାତିରେ ଯନ୍ତ୍ରଣା ହୋଇଥିଲା । ପରିବାର ଲୋକ ତାଙ୍କୁ ହସ୍ପିଟାଲ ନେଇଯାଇଥିଲେ । ହସ୍ପିଟାଲରେ ପହଞ୍ଚିବାର ୨୦ ମିନିଟ୍ ପୂର୍ବରୁ ତାଙ୍କର ମୃତ୍ୟୁ ଘଟିଥିଲା । ତାଙ୍କୁ ସାଇଲେଣ୍ଟ ହାର୍ଟଆଟାକ୍ ହୋଇଥିବା ଡାକ୍ତର କହିଥିଲେ ।
ପ୍ରେମରାଜଙ୍କ ବଡି ବିଲଡିଂ ସହିତ ସାମାଜିକ ସେବା ମଧ୍ୟ କରୁଥିଲେ। କୋଟାରେ ପ୍ରେମରାଜଙ୍କର ୩ ଟି ଜିମ୍ ଥିଲା। ସହରରେ ଅନେକ ବଡି ବିଲଡିଂ ପ୍ରତିଯୋଗିତା ଆୟୋଜନ କରୁଥିଲେ। ପ୍ରେମରାଜ ଅନେକ ପୁରସ୍କାର ଜିତି ଗୌରବ ଆଣିଥିଲେ। ପ୍ରେମରାଜଙ୍କ ପରିବାରରେ ବାପାମାଆ, ଭାଇ, ଭଉଣୀ, ପତ୍ନୀ ଏବଂ ୩ ପିଲାଙ୍କୁ ରହିଛିନ୍ତି। ଯେଉଁଥିରେ ପ୍ରେମରାଜଙ୍କ ଦୁଇଟି ଝିଅ ଓ ଗୋଟିଏ ପୁଅ। ତାଙ୍କ ମୃତ୍ୟୁ ପରେ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି। ପ୍ରେମରାଜଙ୍କ ପରିବାର ଦୁଃଖରେ ଭାଙ୍ଗିପଡିଛନ୍ତି।
