କେନ୍ଦୁଝର ସଦର,୧୪/୨ : କେନ୍ଦୁଝର ଷ୍ଟାଡିୟମଠାରେ କେନ୍ଦୁଝର ଏବଂ ଭଦ୍ରକ ଜିଲ୍ଲା ସିଡ୍ସ କର୍ମଚାରୀଙ୍କ ବନ୍ଧୁତାପୂର୍ଣ୍ଣ କ୍ରିକେଟ୍ ମ୍ୟାଚ୍ ଅନୁଷ୍ଠିତ ହୋଇଯାଇଛି । ପ୍ରଥମେ କେନ୍ଦୁଝର ଏକାଦଶ ବ୍ୟାଟିଂ କରି ନିର୍ଦ୍ଧାରିତ ୧୫ ଓଭରରେ ୮ ୱିକେଟ୍ ହରାଇ ୧୧୭ ରନ ସଂଗ୍ରହ କରି ବିଜୟ ଲକ୍ଷ ଧାର୍ଯ୍ୟ କରିଥିଲା। ଜବାବରେ ବିପକ୍ଷ ଦଳ ଭଦ୍ରକ ଏକାଦଶ ୧୧୮ ରନର ବିଜୟ ଲକ୍ଷ୍ୟକୁ ପିଛା କରି ୧୧.୪ ବଲରେ ଚାରି ୱିକେଟ୍ ହରାଇ ୧୧୮ ରନ କରିବା ସହିତ ୬ୱିକେଟରେ ବିଜୟୀ ହୋଇଛି।
ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବେ ଝୁମ୍ପୁରା ବଜାରର ଅଗ୍ରଣୀ ବିହନ ବିକ୍ରେତା ରଂଜନ କୁମାର ଗୁପ୍ତା ଯୋଗଦେଇ ବିଜୟୀ ଦଳ ଭଦ୍ରକକୁ ନଗଦ ୧୦ହଜାର ୧ଟଙ୍କା ସହ ଟ୍ରଫି ଏବଂ ପରାଜିତ ଦଳ କେନ୍ଦୁଝରକୁ ନଗଦ ୫ ହଜାର ଟଙ୍କା ସହ ଟ୍ରଫି ଏବଂ ଭଦ୍ରକ ଏକାଦଶ ପକ୍ଷରୁ ସଞ୍ଜୟ ପାଣିଗ୍ରାହୀ ୩୦ରନ ବ୍ୟାଟିଂ କରିଥିବାରୁ ମ୍ୟାନ ଅଫ ଦି ମ୍ୟାଚ୍ ବିବେଚିତ ହୋଇଥିବାବେଳେ ବେଷ୍ଟ ଫିଲ୍ଡର ଭାବେ ଭଗବାନ ମହାନ୍ତ ପୁରସ୍କୃତ ହୋଇଛନ୍ତି ।
କେନ୍ଦୁଝର ସିଡ୍ସ ସଂଘ ନିହାର ରଞ୍ଜନ ଦାସ, ସୁଧାଂଶୁ ବିଶ୍ଵାଳ, ସାରଦା ପ୍ରସାଦ ନାୟକ, ସତ୍ୟନାରାୟଣ ସାହୁ ପ୍ରତାପ ନାୟକଙ୍କ ମିଳିତ ସହଯୋଗରେ ବନ୍ଧୁତାପୂର୍ଣ୍ଣ କ୍ରିକେଟ୍ ମ୍ୟାଚ୍ ଆୟୋଜିତ ହୋଇଥିବାବେଳେ ଆଗକୁ ଓଡ଼ିଶାର ବିଭିନ୍ନ ଜିଲ୍ଲାକୁ ଏପରି କ୍ରିକେଟ ମ୍ୟାଚ୍ ଅନୁଷ୍ଠିତ ହେବ ବୋଲି ଆୟୋଜକଙ୍କ ନିକଟରୁ ସୂଚନା ମିଳିଛି।
