ନୂଆଦିଲ୍ଲୀ,୧୧/୦୨: ସିବିଡିଟି ଅର୍ଥାତ୍ ସେଣ୍ଟ୍ରାଲ ବୋର୍ଡ ଅଫ୍ ଡାଇରେକ୍ଟ ଟାକ୍ସେସ୍ (କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ) ଆୟକର ନିୟମ ୨୦୨୬ ର ଏକ ଡ୍ରାଫ୍ଟ ପ୍ରକାଶ କରିଛି। ଏହି ଡ୍ରାଫ୍ଟରେ ଆୟକର ନିୟମକୁ ସରଳ ଏବଂ ସ୍ପଷ୍ଟ କରିବା ପାଇଁ କୁହାଯାଇଛି। ଡ୍ରାଫ୍ଟରେ ଅନେକ ଗୁରୁତ୍ୱପୂର୍ଣ୍ଣ ପ୍ରସ୍ତାବ ରହିଛି ଯାହା ସାଧାରଣ କରଦାତାଙ୍କୁ ସିଧାସଳଖ ପ୍ରଭାବିତ କରିବ।
ଡ୍ରାଫ୍ଟ ଅନୁଯାୟୀ, ଏକ ଆର୍ଥିକ ବର୍ଷରେ ୧୦ ଲକ୍ଷ ଟଙ୍କା କିମ୍ବା ତା'ଠାରୁ ଅଧିକ ଜମା କିମ୍ବା ଉଠାଣ ପାଇଁ ପାନ୍ କାର୍ଡ ପ୍ରଦାନ କରିବା ବାଧ୍ୟତାମୂଳକ କରାଯାଇଛି। ବର୍ତ୍ତମାନ, ଏହି ନିୟମ ଗୋଟିଏ ଦିନରେ ୫୦ ହଜାର ଟଙ୍କା ଜମା ପାଇଁ ପ୍ରଯୁଜ୍ୟ, ଏହାକୁ ପରିବର୍ତ୍ତନ କରିବାକୁ ପ୍ରସ୍ତାବ ରଖାଯାଇଛି। ଯାନବାହାନ କ୍ରୟ ନିୟମରେ ମଧ୍ୟ ପରିବର୍ତ୍ତନ ପାଇଁ ପରାମର୍ଶ ଦିଆଯାଇଛି। ପ୍ରସ୍ତାବ ଅନୁଯାୟୀ, ୫ ଲକ୍ଷ ଟଙ୍କା କିମ୍ବା ତା'ଠାରୁ ଅଧିକ ମୂଲ୍ୟର କାର କିମ୍ବା ଦୁଇଚକିଆ ଯାନ କିଣିବା ପାଇଁ ପାନ୍ ବାଧ୍ୟତାମୂଳକ ହେବ। ବର୍ତ୍ତମାନ, ଯେକୌଣସି ମୂଲ୍ୟର ଯାନ କିଣିବା ପାଇଁ ପାନ୍ କାର୍ଡ ପ୍ରଦାନ କରିବା ବାଧ୍ୟତାମୂଳକ ରହିଛି।
ଅଧିକ ପଢ଼ନ୍ତୁ: ଟଙ୍କା କଟିବା ପରେ ଟ୍ରେନ୍ ଟିକେଟ୍ ନମିଳିଲେ କ’ଣ କରିବେ ? ଆଇଆରସିଟିସି କହିଲା କିପରି ବୁଡିବନି ଟଙ୍କା
ନୂତନ ଆୟକର ଆଇନରେ ଅନେକ ପରିବର୍ତ୍ତନ:
ଡ୍ରାଫ୍ଟରେ ହୋଟେଲ, ରେଷ୍ଟୁରାଣ୍ଟ ଏବଂ ଅନ୍ୟାନ୍ୟ କାର୍ଯ୍ୟକ୍ରମରେ ଦେୟ ସୀମାକୁ ବର୍ତ୍ତମାନର ୫୦ ହଜାର ଟଙ୍କାରୁ ରୁ ଏକ ଲକ୍ଷ ଟଙ୍କାକୁ ବୃଦ୍ଧି କରିବାର ପ୍ରସ୍ତାବ ମଧ୍ୟ ରହିଛି। ରିଅଲ୍ ଇଷ୍ଟେଟ୍ କାରବାରର ସୀମାକୁ ବୃଦ୍ଧି କରିବାର ମଧ୍ୟ ପ୍ରସ୍ତାବ ରହିଛି। ଡ୍ରାଫ୍ଟ ଅନୁଯାୟୀ, ୨୦ ଲକ୍ଷ କିମ୍ବା ତା'ଠାରୁ ଅଧିକ ମୂଲ୍ୟର ସମ୍ପତ୍ତି କିଣିବା, ବିକ୍ରୟ କରିବା କିମ୍ବା ଉପହାର ଦେବା ପାଇଁ ପାନ୍ କାର୍ଡ ପ୍ରଦାନ କରିବା ବାଧ୍ୟତାମୂଳକ ହେବ। ବର୍ତ୍ତମାନ, ଏହି ସୀମା ୧୦ ଲକ୍ଷ ଟଙ୍କା ରହିଛି।
ଏହି ପ୍ରସ୍ତାବରେ ବୀମା ନିୟମାବଳୀରେ ପରିବର୍ତ୍ତନ ମଧ୍ୟ ଅନ୍ତର୍ଭୁକ୍ତ। ଡ୍ରାଫ୍ଟରେ କୁହାଯାଇଛି ଯେ ଯେକୌଣସି ବୀମା କମ୍ପାନୀରେ ଆକାଉଣ୍ଟ ଖୋଲିବା ପାଇଁ ପାନ୍ କାର୍ଡ ପ୍ରଦାନ କରିବା ବାଧ୍ୟତାମୂଳକ ହେବ। ବର୍ତ୍ତମାନ, ଏହି ନିୟମ ୫୦ ହଜାର ଟଙ୍କା କିମ୍ବା ତା'ଠାରୁ ଅଧିକ ପ୍ରିମିୟମ୍ ପାଇଁ ପ୍ରଯୁଜ୍ୟ।
ଟିକସମୁକ୍ତ ଶିକ୍ଷା ଭତ୍ତା ବୃଦ୍ଧି ପାଇଁ ପ୍ରସ୍ତାବ:
ଘର ଭଡ଼ା ଭତ୍ତା (HRA) ସହିତ ଜଡ଼ିତ ନିୟମରେ ମଧ୍ୟ ପରିବର୍ତ୍ତନ ପାଇଁ ପରାମର୍ଶ ଦିଆଯାଇଛି। ଡ୍ରାଫ୍ଟ ଅନୁଯାୟୀ, ମେଟ୍ରୋ ସହରଗୁଡ଼ିକର ତାଲିକାକୁ ବିସ୍ତାର କରାଯାଇଛି। ପୂର୍ବରୁ ଏହି ତାଲିକାରେ ଦିଲ୍ଲୀ, ମୁମ୍ବାଇ, ଚେନ୍ନାଇ ଏବଂ କୋଲକାତା ଅନ୍ତର୍ଭୁକ୍ତ ଥିଲା, କିନ୍ତୁ ଏବେ ଏଥିରେ ବେଙ୍ଗାଲୁରୁ, ପୁଣେ, ହାଇଦ୍ରାବାଦ ଏବଂ ଅହମ୍ମଦାବାଦକୁ ଯୋଡ଼ିବାର ପ୍ରସ୍ତାବ ଦିଆଯାଇଛି।
ଏହା ବ୍ୟତିତ ଡ୍ରାଫ୍ଟରେ ପିଲାମାନଙ୍କ ପାଇଁ ଟିକସମୁକ୍ତ ଭତ୍ତା ସୀମା ବୃଦ୍ଧି କରିବାକୁ ମଧ୍ୟ କୁହାଯାଇଛି। ପିଲାମାନଙ୍କ ପାଇଁ ଟିକସମୁକ୍ତ ଶିକ୍ଷା ଭତ୍ତା ପ୍ରତି ପିଲା ପାଇଁ ୧୦୦ ରୁ ୩,୦୦୦ ଟଙ୍କାକୁ ବୃଦ୍ଧି କରିବାର ପ୍ରସ୍ତାବ ଅଛି। ପିଲାମାନଙ୍କ ହଷ୍ଟେଲ ଭତ୍ତା ପାଇଁ ସୀମା ବୃଦ୍ଧି କରିବାର ମଧ୍ୟ ଯୋଜନା ଅଛି। ଡ୍ରାଫ୍ଟ ଅନୁଯାୟୀ, ପ୍ରତି ପିଲା ପାଇଁ ଏହାକୁ ବର୍ତ୍ତମାନର ୩୦୦ ରୁ ୯,୦୦୦ ଟଙ୍କାକୁ ବୃଦ୍ଧି କରିବାର ପ୍ରସ୍ତାବ ଅଛି।
ପ୍ରମେୟ ପୃଷ୍ଠାର ପ୍ରମୁଖ ଖବର: ରାଜନାଥ ସିଂହଙ୍କ ଅନୁରୋଧ; 'ବ୍ୟାଟଲ୍ ଅଫ୍ ଗଲୱାନ୍' ରେ ରାତାରାତି କ'ଣ ଯୋଡ଼ିଲେ ସଲମାନ ?
