PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ଇଡକୋ ସହକାରୀ ନିର୍ଦ୍ଦେଶକଙ୍କ ଘରେ ଭିଜିଲାନ୍ସ ରେଡ୍, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଟିଟିଲାଗଡ଼ : ସମ୍ଵଲପୁରୀ ଗୀତର ତାଳେତାଳେ ଝୁମିଲେ ଟିଟିଲାଗଡ଼ ଉପ-ଜିଲ୍ଲାପାଳ, ପାଦରେ ପାଦ ମିଶାଇ ନାଚିଲେ ରଙ୍ଗବତୀ
  • ||
  • କଣ୍ଟାବାଞ୍ଜି : ମୋଟର ସାଇକେଲ୍ ଓ ବଳଦ ମୁହାଁମୁହିଁ ଧକ୍କା, ଯୁବକ ମୃତ
  • ||
  • କଟକ : ଆଠଗଡ଼କୁ ସ୍ଥାନାନ୍ତର ହେଲା ଜଗତପୁରରେ ଟ୍ରାଙ୍କୁଲାଇଜ୍ କରାଯାଇଥିବା ହାତୀ
  • ||
  • ପୁରୀ : ହୋଟେଲରୁ ମହିଳାଙ୍କ ମୃତଦେହ ଉଦ୍ଧାର
  • ||

କୋହଲି ଓ ରୋହିତଙ୍କ ମଧ୍ଯରେ ଫାଟକୁ ନେଇ ମୁହଁ ଖୋଲିଲେ ଗମ୍ଭୀର, କହିଲେ ମୋତେ ଲାଗୁନି ଯେ ଆଉ…

ନୁଆଦିଲ୍ଲୀ ୨୪/୭: ବିଶ୍ୱ କପରେ ନ୍ଯୁଜିଲାଣ୍ଡଠୁ ସେମିଫାଇନାଲରେ ହାରି ଟୁର୍ଣ୍ଣାମେଣ୍ଟରୁ ବାହାରି ଯାଇଥିଲା ଟିମ୍ ଇଣ୍ଡିଆ । ଏବେ ଟିମର ଏକ ଖବରକୁ ନେଇ ଚର୍ଚ୍ଚା ଜୋର ଧରିଛି । କୁହାଯାଉଛି ବିରାଟ କୋହଲି ଓ ରୋହିତ ଶର୍ମାଙ୍କ ମଧ୍ଯରେ ମନାନ୍ତର ଚାଲିଛି । ଏହାଫଳରେ ଖେଳାଳୀଙ୍କ ଭିତରେ ମଧ୍ୟ ୨ଟି ଟିମ୍ ହୋଇଯାଇଛି ଏବଂ କିଛି ଖେଳାଳୀ କୋହଲିଙ୍କୁ ଏବଂ ଅନ୍ଯ କିଛି ରୋହିତ ଶର୍ମାଙ୍କୁ ସପୋର୍ଟ କରୁଥିବା ଶୁଣିବାକୁ ମିଳୁଛି । ତେବେ ପୂର୍ବତନ ଭାରତୀୟ ବ୍ଯଟ୍ସମ୍ଯାନ୍ ଗୌତମ ଗମ୍ଭୀର ଏହି ଗୁଜବକୁ ମାନିବାକୁ ମନା କରିଦେଇଛନ୍ତି  ।

ଗୌତମ ଗମ୍ଭୀର କହିଛନ୍ତି ଯେ ବିଶ୍ୱକପରେ ହାରିବା ପରେ ପ୍ରାୟ ଏମିତି କଥା ସାମ୍ନାକୁ ଆସିଥାଏ । ସାରା ଟୁର୍ଣ୍ଣାମେଣ୍ଟ ସମୟରେ ଏମିତି କିଛି ଦେଖିବାକୁ ମିଳିନାହିଁ । ଯଦି ପରେ ଏମିତି କିଛି ହୋଇଥାଏ ତେବେ ଭାରତୀୟ କ୍ରିକେଟ୍ ବୋର୍ଡ(ବିସିସିଆଇ)କୁ ଏହି ମାମଲାରେ ତୁରନ୍ତ ହସ୍ତକ୍ଷେପ କରିବା ଉଚିତ୍ । ଗମ୍ଭୀର କହିଛନ୍ତି ଯେ ‘ମୁଁ ଏହି ଖବର ପଢିଛି ଯେ ରୋହିତ ଓ କୋହଲି ସବୁ କିଛି ଠିକ୍ କରୁନାହାନ୍ତି । କିନ୍ତୁ ମୋତେ ଲାଗୁନି ଯେ କୋହଲି ଓ ରୋହିତଙ୍କ ମଧ୍ଯରେ ମନାନ୍ତର ଚାଲିଛି, କାରଣ ଉଭୟ ପରିପକ୍ୱ ଖେଳାଳୀ ଏବଂ ଅନେକ ବର୍ଷ ହେଲାଣି ଖେଳି ଆସୁଛନ୍ତି । କିନ୍ତୁ ଯଦି ଏହା ସତ ହୋଇଥାଏ ତେବେ ବିସିସିଆଇକୁ ଏହି ସମ୍ବନ୍ଧରେ ଆଲୋଚନା କରିବା ଉଚିତ୍ । ମାମଲା ପାରଦର୍ଶୀ ହେବା ଉଚିତ୍ ଏବଂ ଏଥିପାଇଁ ଏକ ବୟାନ ଜାରି ହେବା ଉଚିତ୍ ।‘ ଆପଣଙ୍କୁ କହିରଖୁଛୁ ସେମିଫଇନାଲରେ ୧୮ ରନର ଅନ୍ତରରେ ହାରିବା ପରେ ଭାରତୀୟ ଖେଳାଳୀଙ୍କୁ ନେଇ ଅନେକ ପ୍ରକାର ଆଲୋଚନା ଆରମ୍ଭ ହୋଇଯାଇଥିଲା ।