ଜର୍ମାନ ମହିଳାଙ୍କ ଜଲୱା, ‘ଝୁମେ ଜୋ ପଠାନ’ ଗୀତରେ ଥିଏଟର୍ ମଝିରେ ନାଚିଲେ

ନୂଆଦିଲ୍ଲୀ ୨୮/୦୧: ଶାହରୁଖ-ଦୀପିକା ଷ୍ଟାରର୍ ‘ପଠାନ’ ବକ୍ସ ଅଫିସରେ କମାଲ ଦେଖାଇଛି। ଫିଲ୍ମର କାହାଣୀ ବ୍ୟତୀତ ଗୀତଗୁଡ଼ିକୁ ମଧ୍ୟ ଖୁବ୍ ପସନ୍ଦ କରାଯାଉଛି। ଫିଲ୍ମର ଟାଇଟଲ୍ ଗୀତ ରିଲିଜ୍ ହେବାପରଠୁ ଟ୍ରେଣ୍ଡିଂରେ ରହିଆସିଛି। ବର୍ତ୍ତମାନ ଫିଲ୍ମ ରିଲିଜ୍ ହେବା ପରେ ସିନେମାଘରେ ‘ଝୁମେ ଜୋ ପଠାନ୍’ ଗୀତରେ ଲୋକମାନେ ଝୁମୁଥିବା ଦେଖିବାକୁ ମିଳୁଛି। ଏଥି ମଧ୍ୟରେ ଜଣେ ଜର୍ମାନ ମହିଳା ଥିଏଟରରେ ଏହି ଗୀତରେ ନାଚୁଥିବାର ନଜର ଆସିଛନ୍ତି।

ୟୁଟ୍ୟୁବରେ ଜଣେ ବିଦେଶୀ ମହିଳାଙ୍କ ଡ୍ୟାନ୍ସ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ସେ ‘ଝୁମେ ଜୋ ପଠାନ’ ଗୀତରେ ନାଚୁଛନ୍ତି। ଭିଡିଓଟି ଏକ ଥିଏଟରରୁ ଆସିଛି। । ମହିଳା ଜଣଙ୍କ ଜର୍ମାନର ବୋଲି କୁହାଯାଉଛି। ସେ ଅବିକଳ ଶାହରୁଖ ଏବଂ ଦୀପିକାଙ୍କ ପରି ଡ୍ୟାନ୍ସ ଷ୍ଟେପ୍ କରୁଥିବା ନଜର ଆସିଛନ୍ତି। ତେବେ ଅନେକ ସୋସିଆଲ ମିଡିଆ ୟୁଜର୍ସ ଏହି ଭିଡିଓଟିକୁ ଖୁବ୍ ପସନ୍ଦ କରୁଛନ୍ତି। କମେଣ୍ଟ ଦେଇ ନିଜର ମତାମତ ଜଣାଉଛନ୍ତି।