କଟକ,୦୭/୦୮: କଟକ ଶିଖରପୁର ନଦୀ କୂଳ ସାହିରେ ଅଘଟଣ । ଫ୍ୟାନ୍ରେ ଝୁଲି ଯୁବତୀଙ୍କ ଆତ୍ମହତ୍ୟା । ଯୁବତୀଙ୍କ ମୃତଦେହ ଉଦ୍ଧାର କଲା ଚାଉଳିଆଗଞ୍ଜ ଥାନା ପୁଲିସ । ଆତ୍ମହତ୍ୟାର କାରଣ ଅସ୍ପଷ୍ଟ ରହିଥିବା ବେଳେ ବ୍ଲାକ୍ମେଲିଂ ଯୋଗୁଁ ଯୁବତୀ ଜଣକ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । କାରଣ ଏହି ଘଟଣା ପୂର୍ବରୁ ଯୁବତୀଙ୍କର ଏକ ଭିଡିଓ ଭାଇରାଲ ହୋଇଥିଲା । ଯୁବତୀଙ୍କ ମୋବାଇଲ୍ ଜବତ କରି ଘଟଣାର ତଦନ୍ତ କରୁଛି ପୁଲିସ ।
ସେପଟେ ବୟଫ୍ରେଣ୍ଡଙ୍କ ବ୍ଲାକ୍ମେଲ ସହି ନପାରି ବୁଧବାର ପଟ୍ଟାମୁଣ୍ଡାଇ କାଠିଆପଡ଼ାର ଜଣେ ଛାତ୍ରୀ ଆତ୍ମାହୁତି ଦେଇଥିଲେ । ଘଟଣାର ଦିନକ ପରେ ବ୍ଲାକମେଲିଂକୁ ନେଇ ପୁଣି ଜଣେ ଯୁବତୀ ଆତ୍ମହତ୍ୟା କରିଛନ୍ତି । ଏହି ସମ୍ୱେଦନଶୀଳ ପ୍ରସଙ୍ଗ ଏବେ ଚର୍ଚ୍ଚାର ବିଷୟ ପାଲଟିଛି ।
