ରେକର୍ଡ ସ୍ତରରେ ସୁନା ଦର, ଆସନ୍ତା ସପ୍ତାହରେ ୬୦,୦୦୦ ଡେଇଁପାରେ

ମୁମ୍ବାଇ,୧୯/୦୩: ମଲ୍‌ଟି କମୋଡିଟି ଏକ୍ସଚେଞ୍ଜରେ ୧୦ ଗ୍ରାମ ପିଛା ୨୪ କ୍ୟାରେଟ୍‌ଯୁକ୍ତ ସୁନା ୫୯,୪୨୦ ଟଙ୍କା ଛୁଇଁଛି । ଆମେରିକା ଏବଂ ୟୁରୋପରେ ବ୍ୟାଙ୍କ ସଂକଟ ମଧ୍ୟରେ ଆଗାମୀ ସପ୍ତାହରେ ମଧ୍ୟ ବୁଲିୟନ ବଜାରରେ ଉତ୍ସାହ ଜାରି ରହିବ ଏବଂ ସୁନା ୬୦,୦୦୦ ଟଙ୍କା ପାର୍‌ କରିପାରେ । କମୋଡିଟି ଏବଂ କରେନ୍ସି ଏକ୍ସପର୍ଟ ଅନୁଜ ଗୁପ୍ତା ଏହି ଅନୁମାନ କରିଛନ୍ତି । ସ୍ୱସ୍ତିକା ଇନ୍‌ଭେଷ୍ଟମେଣ୍ଟ ଲିମିଟେଡ୍‌ର ବରିଷ୍ଠ କମୋଡିଟି ରିସର୍ଚ୍ଚ ବିଶ୍ଳେଷକ ନିର୍‌ପେନ୍ଦ୍ର ଯାଦବ କହିଛନ୍ତି ଯେ, ଚଳିତ ସପ୍ତାହରେ ସୁନା ଦରରେ ଅସ୍ଥିରତା ଦେଖାଦେଇପାରେ ।