ନୂଆଦିଲ୍ଲୀ,୦୭/୧୦: ଶୁକ୍ରବାର ପୁଣିଥରେ ସୁନା ଓ ରୁପା ମୁଲ୍ୟରେ ବୃଦ୍ଧି ହୋଇଛି। ଏଚଡିଏଫସି ସିକ୍ୟୁରିଟିସ୍ ମୁତାବକ ଟଙ୍କାର ମୁଲ୍ୟ ହ୍ରାସ ଭିତରେ ସୁନା ଦର ୧୦ ଗ୍ରାମ ପ୍ରତି ୩୭ ଟଙ୍କା ବୃଦ୍ଧି ହୋଇଥିବା କୁହାଯାଉଛି। ଯାହାଫଳରେ ଜାତୀୟ ରାଜଧାନୀ ଦିଲ୍ଲୀରେ ୧୦ ଗ୍ରାମ ସୁନାର ମୁଲ୍ୟ ୫୨,୩୦୦ ଟଙ୍କାରେ ପହଞ୍ଚିଛି। ଗୁରୁବାର ୧୦ ଗ୍ରାମ ପ୍ରତି ସୁନାର ମୁଲ୍ୟ ୫୨,୨୬୩ ଟଙ୍କା ରହିଥିଲା। ଏହା ସହିତ ରୁପା ମୁଲ୍ୟରେ ମଧ୍ୟ ବୃଦ୍ଧି ହୋଇଥିବା ଦେଖିବାକୁ ମିଳିଥିଲା।
ଏଚଡିଏଫସି ସିକ୍ୟୁରିଟିସରେ ରୁପା ମୁଲ୍ୟରେ କେଜି ପ୍ରତି ୩୧୧ ଟଙ୍କା ବୃଦ୍ଧି ପାଇଥିଲା। ଫଳରେ ଏକ କେଜି ରୁପାର ମୁଲ୍ୟ ୬୨,୦୨୨ ଟଙ୍କାରେ ପହଞ୍ଚିଛି। ଏହାପୂର୍ବରୁ ଏକ କେଜି ରୁପାର ମୁଲ୍ୟ ଥିଲା ୬୧,୭୧୧ ଟଙ୍କା। ଆମେରିକା ଡଲାର ତୁଳନାରେ ଆଜି ଭାରତୀୟ ମୁଦ୍ରା ୪୩ ପଇସା କମିଯାଇ ୮୨.୩୨ ପଇସା ହୋଇଛି। ଯାହାକି ପୂର୍ବରୁ ଏକ ଡଲାର ତୁଳନାରେ ୮୧.୮୯ ପଇସା ରହିଥିଲା।
