ନୂଆଦିଲ୍ଲୀ,୦୯/୦୨; ଯେଉଁମାନେ ଆଣ୍ଡ୍ରଏଡ୍ ସ୍ମାର୍ଟଫୋନ୍ ବ୍ୟବହାର କରୁଛନ୍ତି ସେମାନେ ବିପଦ ଖଣ୍ଡା ଝୁଲୁଛି । ଗୁଗୁଲ୍ ନିଶ୍ଚିତ କରିଛି ଯେ ୪୦% ରୁ ଅଧିକ ଅର୍ଥାତ ୧୦୦ କୋଟି ଆଣ୍ଡ୍ରଏଡ୍ ଫୋନ୍ ଏବେ ମାଲୱେର୍ ଏବଂ ସ୍ପାଏୱାୟାର ଆକ୍ରମଣର ଶିକାର ହୋଇପାରନ୍ତି । ଆଣ୍ଡ୍ରଏଡ୍ ୧୨ କିମ୍ବା ପୁରୁଣା ଭର୍ସନ ଚଲାଉଥିବା ଆଣ୍ଡ୍ରଏଡ୍ ଫୋନ୍ଗୁଡ଼ିକ ଆଉ ସୁକ୍ୟୁରିଟି ଅପଡେଟ୍ ପାଉନାହାଁନ୍ତି, ତେଣୁ ଏପରି ଆଣ୍ଡ୍ରଏଡ୍ ସ୍ମାର୍ଟଫୋନ୍ ବ୍ୟବହାର କରୁଥିବା ଲୋକମାନେ ବିପଦରେ ଅଛନ୍ତି । ଯଦି ଆପଣ ମଧ୍ୟ ଏହି ଆଣ୍ଡ୍ରଏଡ୍ ସ୍ମାର୍ଟଫୋନ୍ ବ୍ୟବହାର କରୁଛନ୍ତି, ତେବେ ଆପଣ ସାଇବର ଆକ୍ରମଣର ଶିକାର ହୋଇପାରନ୍ତି । ଏ ବିପଦକୁ ମୁକୁଳିବାକୁ କଣ କରିବେ ସେ ନେଇ ଗୁଗ୍ଲ ପରାମର୍ଶ ଦେଇଛି ।
ମାତ୍ର ୫୭.୯ ପ୍ରତିଶତ ଡିଭାଇସ୍ ନୂଆ ଭର୍ସନ- ଫୋର୍ବସର ଏକ ରିପୋର୍ଟ ଅନୁଯାୟୀ, ଆଣ୍ଡ୍ରଏଡ୍ ବିତରଣରୁ ଜଣାପଡିଛି ଯେ ,କେବଳ ୫୭.୯ ପ୍ରତିଶତ ଡିଭାଇସ୍ ଆଣ୍ଡ୍ରଏଡ୍ ୧୩ କିମ୍ବା ତା’ପରର ସଂସ୍କରଣ ଚଲାଉଛି । ଡିସେମ୍ବର ସୁଦ୍ଧା, ନୂଆ ସଂସ୍କରଣ, ଆଣ୍ଡ୍ରଏଡ୍ ୧୬, କେବଳ ୭.୫ ପ୍ରତିଶତ ସ୍ମାର୍ଟଫୋନରେ ବ୍ୟବହୃତ ହେଉଥିଲା। ଆଣ୍ଡ୍ରଏଡ୍ ୧୫ ପ୍ରାୟ ୧୯.୩ ପ୍ରତିଶତ ଫୋନ୍ରେ, ଆଣ୍ଡ୍ରଏଡ୍ ୧୪ ପ୍ରାୟ ୧୭.୨ ପ୍ରତିଶତ ଫୋନ୍ରେ ଏବଂ ଆଣ୍ଡ୍ରଏଡ୍ ୧୩ ପ୍ରାୟ ୧୩.୯ ପ୍ରତିଶତ ଡିଭାଇସ୍ରେ ଥିଲା । ଏହାର ଅର୍ଥ ହେଉଛି ଯେ ବହୁ ସଂଖ୍ୟକ ଫୋନ୍ ଏବେ ବି ଆଣ୍ଡ୍ରଏଡ୍ ୧୨ କିମ୍ବା ତା’ପରର ସଂସ୍କରଣ ଚଲାଉଛି । ଏହା ମାଲୱେର୍ ଏବଂ ସ୍ପାଏୱେୟାର ଆଟାକରେ ଆସିପାରନ୍ତି ।
ଗୁଗଲ୍ ଦେଲା ପରାମର୍ଶ- ରିପୋର୍ଟ ଅନୁଯାୟୀ, ୨୦୨୧ କିମ୍ବା ତା’ପୂର୍ବରୁ ଲଞ୍ଚ ହୋଇଥିବା ଡିଭାଇସଗୁଡ଼ିକ ସବୁଠାରୁ ଅଧିକ ପ୍ରଭାବିତ ହୋଇଛି । ଯଦି ସେମାନେ Android 13 କିମ୍ବା ତା’ପରର ସଂସ୍କରଣ ଚଲାଇ ପାରିବେ ନାହିଁ, ତେବେ ଗୁଗଲ୍ ବ୍ୟବହାରକାରୀମାନଙ୍କୁ ସେମାନଙ୍କର ଫୋନ୍ ଅପଡେଟ୍ ନକରିବାକୁ ଅନୁରୋଧ କରିଛି । ନୂଆ ସଫ୍ଟୱେର୍ ସହିତ ମଧ୍ୟମ-ରେଞ୍ଜ ଡିଭାଇସଗୁଡ଼ିକ ମଧ୍ୟ ପୁରୁଣା ଫ୍ଲାଗସିପ୍ ଫୋନ୍ ତୁଳନାରେ ଭଲ ସୁରକ୍ଷା ଦିଏ । Google Play Protect ୟୁଜରଙ୍କ ସୁରକ୍ଷା ପାଇଁ Android 7 ଏବଂ ନୂଆ ସଂସ୍କରଣରେ ମାଲୱେର ପାଇଁ ସ୍କାନିଂ ଜାରି ରଖିଛି । ଏହା ସିଷ୍ଟମ-ସ୍ତରୀୟ ସୁରକ୍ଷା ପ୍ୟାଚ୍ଗୁଡ଼ିକୁ ବଦଳାଇ ପାରିବ ନାହିଁ, ଯାହା ଆଟାକ୍କୁ ରୋକିବା ପାଇଁ ଗୁରୁତ୍ୱପୂର୍ଣ୍ଣ ।
ଏହା ବି ପଢନ୍ତୁ...ଆଧାର କାର୍ଡ ହଜିଯାଇଛି କି ? ୨ ମିିନିଟ୍ରେ ଏହି ଆପ୍ରେ ଡାଉନ୍ଲୋଡ କରନ୍ତୁ ନୂଆ, ବିନା ଡକ୍ୟୁମେଣ୍ଟରେ ହୋଇଯିବ କାମ
ଫୋନଟି କେଉଁ ଭର୍ସନର ଦେଖନ୍ତୁ- ଆପଣଙ୍କ ଫୋନର ସେଟିଂସକୁ ଯାଆନ୍ତୁ ଏବଂ ତା’ପରେ " ଅପଡେଟ୍ ଫୋନ''କୁ ଯାଇ Android ସଂସ୍କରଣ ଯାଞ୍ଚ କରନ୍ତୁ । Android 12 କିମ୍ବା ପୁରୁଣା ଫୋନ୍ଗୁଡ଼ିକୁ ଅପଗ୍ରେଡ୍ କରାଯାଇପାରିବ ନାହିଁ । ଏହି ଫୋନ୍ଗୁଡ଼ିକୁ ବଦଳାଇବା ଭଲ । Android 13 ଥିବା ଏକ ମଧ୍ୟମ-ରେଞ୍ଜ ଡିଭାଇସ୍ ମଧ୍ୟ ପୁରୁଣା ଫ୍ଲାଗସିପ୍ ଡିଭାଇସ୍ଗୁଡ଼ିକ ତୁଳନାରେ ଅଧିକ ସୁରକ୍ଷିତ ।ଅପଡେଟ୍ ହୋଇନଥିବା ସ୍ମାର୍ଟଫୋନ୍ଗୁଡ଼ିକ ପାସୱାର୍ଡ ଚୋରି କରିବା, ମେସେଜ୍ଗୁଡ଼ିକୁ ଅଟକାଇବା, ବ୍ୟାଙ୍କିଂ ଆପ୍ଗୁଡ଼ିକୁ ଆକ୍ସେସ୍ କରିବା ଏବଂ ଖାଲି ଆକାଉଣ୍ଟ୍ ପାଇଁ ବ୍ୟବହାର କରାଯାଇପାରିବ । ତେଣୁ ଗୁଗୁଲ ୟୁଜରମାନଙ୍କୁ ବ୍ୟକ୍ତିଗତ ଡାଟାକୁ ସୁରକ୍ଷିତ ରଖିବା ପାଇଁ ତୁରନ୍ତ ଏକ ଅପଡେଟ୍ ହୋଇଥିବା ଫୋନ୍କୁ ସ୍ୱିଚ୍ କରିବାକୁ ପରାମର୍ଶ ଦେଉଛି ।
