PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ସିଏମ୍ ପଦରୁ ଉଦ୍ଧବ ଠାକରେଙ୍କ ଇସ୍ତଫା ପରେ କଣ ରହିଛି ବିଜେପିର ପ୍ଲାନ୍? ଫଡନବୀସ-ସିନ୍ଦେ ମେଣ୍ଟ ସରକାର ଗଠନ ନେଇ ଜୋରଦାର ଚର୍ଚ୍ଚା
  • ||
  • ‘ଦେଶରୁ କଂଗ୍ରେସ ମୂଳପୋଛ ହୋଇଯିବା ଉଚିତ, ଖାସ୍‌ ସେହି ଦଳ ପାଇଁ ଦୁଇଦୁଇ ଥର ପ୍ରଧାନମନ୍ତ୍ରୀ ହେଲେଣି ମୋଦି’: ଅସଦୁଦ୍ଦିନ ଓଓ୍ବେସୀ
  • ||
  • ମମିତା ମେହେର ହତ୍ୟା ମାମଲାରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ମିଳିଲା ଅନ୍ତରୀଣ ଜାମିନ
  • ||
  • ଅଗଷ୍ଟ ୬ରେ ଉପରାଷ୍ଟ୍ରପତି ନିର୍ବାଚନ, ଜୁଲାଇ ୧୭ ନାମାଙ୍କନର ଶେଷ ତାରିଖ : ଭାରତୀୟ ନିର୍ବାଚନ କମିଶନଙ୍କ ପକ୍ଷରୁ ବିଧିବଦ୍ଧ ଭାବେ ପ୍ରକାଶ ପାଇଲା ବିଜ୍ଞପ୍ତି
  • ||
  • ଡାବୁଗାଁ ବ୍ଲକ ଅନ୍ତର୍ଗତ ଯବାଗୁଡ଼ା ଗ୍ରାମରେ ପ୍ରେମୀଯୁଗଳଙ୍କ ଆତ୍ମହତ୍ୟା
  • ||
  • ପରକୀୟା ପ୍ରୀତି ସନ୍ଦେହ କରି ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କଲା ସ୍ବାମୀ
  • ||
  • ଭୁବନେଶ୍ୱର : ରାଜ୍ୟରେ ପୁଣି ବଢ଼ିଲା କରୋନା ମାମଲା, ୨୪ ଘଣ୍ଟାରେ ୧୬୧ କରୋନା ପଜିଟିଭ୍
  • ||
  • ନୟାଗଡ଼ : ଟ୍ରକ୍‌କୁ ପଛପଟୁ ପିଟିଲା କାର୍, ୮ ଆହତ
  • ||
  • କଟକ : ଭିଜିଲାନ୍ସ ପଞ୍ଝାରେ ସହକାରୀ ଯନ୍ତ୍ରୀ, ଏକକାଳୀନ ୪ଟି ସ୍ଥାନରେ ଚାଲିଛି ରେଡ୍
  • ||
  • ପାଟଣା : ଦୁଇ ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଲୁଟେରା, ଝିଅ ବାହାଘର ପାଇଁ ରଖିଥିଲେ ସୁନାଗହଣା
  • ||
  • ମାଲକାନଗିରି : ବିଜାପୁରରେ ମାଓ ହିଂସା, ପୋଲିସ ଇନଫର୍ମର ସନ୍ଦେହରେ ସରପଞ୍ଚଙ୍କୁ ଗଳା କାଟି ହତ୍ୟା
  • ||

ଡବ୍ଲ୍ୟୁଟିଓକୁ ରାଜ୍ୟପାଳଙ୍କ ଅନୁରୋଧ: ବିଶ୍ୱ ବଜାରରେ ପହଞ୍ଚାଅ ଏସ୍‌ଏଚ୍‌ଜି ସାମଗ୍ରୀ

ଭୁବନେଶ୍ୱର,୨୨ା୬(ବ୍ୟୁରୋ): ଓଡ଼ିଶାର ସ୍ୱୟଂସହାୟକ ଗୋଷ୍ଠୀ (ଏସ୍‌ଏଚ୍‌ଜି) ଦ୍ୱାରା ଉତ୍ପାଦିତ ସାମଗ୍ରୀକୁ ବିଶ୍ୱ ବଜାରରେ ପହଞ୍ଚାଅ । ପ୍ରମୁଖ ଆନ୍ତର୍ଜାତିକ ବଜାରରେ ସେମାନଙ୍କ ସାମଗ୍ରୀ ପ୍ରଦର୍ଶନ କରାଅ । ସାରା ବିଶ୍ୱର ଲୋକଙ୍କ ଦ୍ୱାରା ଓଡ଼ିଶା ଏସ୍‌ଏଚ୍‌ଜି ସାମଗ୍ରୀ ଲୋକପ୍ରିୟ ହୋଇପାରିବ । ରାଜ୍ୟପାଳ ପ୍ରଫେସର ଗଣେଶୀ ଲାଲ୍‌ ଶନିବାର ବିଶ୍ୱ ବାଣିଜ୍ୟ ସଂଗଠନ (ଡବ୍ଲ୍ୟୁଟିଓ)କୁ ଏଭଳି ଅନୁରୋଧ କରିଛନ୍ତି ।

ଡବ୍ଲ୍ୟୁଟିଓ ଭୁବନେଶ୍ୱର ସେଣ୍ଟର ପକ୍ଷରୁ ଜୁନ୍‌ ୨୨କୁ ବିଶ୍ୱ ବାଣିଜ୍ୟ ଦିବସ ପାଳନ କରାଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ରାଜ୍ୟପାଳ କହିଛନ୍ତି, ଓଡ଼ିଶା ନିଜ ଖାଦ୍ୟ ସାମଗ୍ରୀ ଜରିଆରେ ବିଶ୍ୱର ଯେକୌଣସି ରାଷ୍ଟ୍ରରେ ବ୍ୟବସାୟ ସମ୍ପ୍ରସାରଣ କରିବାର କ୍ଷମତା ରଖିଛନ୍ତି । କିନ୍ତୁ ଏଥିପାଇଁ ଓଡ଼ିଆ ସାମଗ୍ରୀକୁ ବିଶ୍ୱ ବଜାରରେ ପ୍ରଦର୍ଶନ କରିବାର ସୁଯୋଗ ମିଳିବା ଉଚିତ । ପ୍ରଫେସର ଗଣେଶୀ ଲାଲ୍‌ କହିଛନ୍ତି, କୌଣସି ଶିଳ୍ପ ପାଇଁ ଏକ ଭିଜନ ଓ ନିର୍ଦ୍ଦିଷ୍ଟ ନୀତି ରହିବା ଦରକାର । ଓଡ଼ିଆମାନେ ବିଶ୍ୱକୁ ବଜାର ନୁହଁ, ପରିବାର ବୋଲି ବିଚାର କରନ୍ତି । ଏଣୁ ଚୀନ୍‌ ଓ ଆମେରିକା ଭଳି ଆନ୍ତର୍ଜାତିକ ବଜାରରେ ଓଡ଼ିଶାର ଏସ୍‌ଏଚ୍‌ଜିଗୁଡ଼ିକର ସାମଗ୍ରୀକୁ ପ୍ରଦର୍ଶିତ କରାଅ । ନିଜର ସ୍ୱତନ୍ତ୍ର ସାମଗ୍ରୀ ଜରିଆରେ ସେମାନେ ବିଶ୍ୱବାସୀଙ୍କ ମନ ଜିଣିପାରିବେ ଓ ବ୍ୟବସାୟ ସୁଦୃଢ଼ କରିପାରିବେ ।

ଏମ୍‌ଏସ୍‌ଏମ୍‌ଇ ମନ୍ତ୍ରୀ କ୍ୟାପ୍‌ଟେନ୍‌ ଦିବ୍ୟଶଙ୍କର ମିଶ୍ର କହିଛନ୍ତି, ରାଜ୍ୟ ସରକାର ଓଡ଼ିଶାରେ ଏକ କ୍ଷୁଦ୍ର ଓ ମଧ୍ୟମ ବାଣିଜ୍ୟ ଅନୁକୂଳ ଇକୋସିଷ୍ଟମ ସୃଷ୍ଟି ପାଇଁ ପ୍ରତିବଦ୍ଧ । ଏମ୍‌ଏସ୍‌ଏମ୍‌ଇ ସ୍ଥାପନ ପାଇଁ ଏଠାରେ ମାନବସମ୍ବଳ, ଦକ୍ଷତାଠାରୁ ଆରମ୍ଭ କରି ସବୁକିଛି ରହିଛି । ଓଡ଼ିଶାର ସିଙ୍ଗଲ୍‌ ୱିଣ୍ଡୋ କ୍ଲିୟରାନ୍ସ ବ୍ୟବସ୍ଥା ଦେଶରେ ସର୍ବୋତ୍ତମ । ଓଡ଼ିଶାକୁ ଏକ ରପ୍ତାନିଶୀଳ ରାଜ୍ୟରେ ପରିଣତ କରିବାକୁ ରାଜ୍ୟ ସରକାର ପ୍ରଚେଷ୍ଟା କରୁଛନ୍ତି । ଏ ଅବସରରେ ଅନ୍ୟମାନଙ୍କ ମଧ୍ୟରେ ଡବ୍ଲ୍ୟୁଟିଓ ଭୁବନେଶ୍ୱର ଅଧ୍ୟକ୍ଷ କ୍ୟାପଟେନ୍‌ ସୋମେଶ ବାତ୍ରା, ଇପିକଲ୍‌ ପରିଚାଳନା ନିର୍ଦ୍ଦେଶକ ଡ. ନୀତିନ୍‌ ଜାୱଲେ, ଏମ୍‌ଏସ୍‌ଏମ୍‌ଇ ସଚିବ ଏଲ୍‌ ଏନ୍‌ ଗୁପ୍ତା ପ୍ରମୁଖ ଉପସ୍ଥିତ ଥିଲେ ।

ସମ୍ବନ୍ଧିତ ଖବର