PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼ : ସୁନ୍ଦରଗଡ଼ ଟାଉନ ଥାନା ଅନ୍ତର୍ଗତ ରିଜେଣ୍ଟ ମାର୍କେଟ୍‌ ଅଞ୍ଚଳରେ ଏକ ସମ୍ପ୍ରଦାୟର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ, ଫାଙ୍କା ଗୁଳି ଚାଳନା କରି ୧୦ ଅଟକ
  • ||
  • ସୁନ୍ଦରଗଡ଼ : ସୁନ୍ଦରଗଡ଼ ଟେନ୍ସା ଗୀତାରାଣୀ ମାଇନ୍ସ ସମ୍ମୁଖରେ ଅଘଟଣ, ହାଇଓ୍ୱା ସହ ଜିଅନ୍ତା ଜଳିଗଲେ ଡ୍ରାଇଭର
  • ||
  • ବଡ଼ବିଲ : କେନ୍ଦୁଝର ଜିଲ୍ଲା ବାମେବାରୀ ଥାନା ବସନ୍ତପୁର ମାଝୀ ସାହିରେ ପୂର୍ବ ଶତ୍ରୁତାକୁ କେନ୍ଦ୍ର କରି ବିଭତ୍ସ ହତ୍ୟାକାଣ୍ଡ, କଟୁରୀରେ ହାଣି ମୁଣ୍ଡଗଣ୍ଡି ଅଲଗା କରିଦେଲା ଦୁର୍ବୃତ୍ତ
  • ||
  • ବାରିପଦା : ବାରିପଦା ଷ୍ଟେସନ ଠାରେ ଗଛ ପଡ଼ି ଇଲେକ୍ଟ୍ରିକ ତାର ଛିଡି ଅଟକିଲା ଟ୍ରେନ, ବିଳମ୍ବରେ ଚାଲିବ ଟ୍ରେନ
  • ||
  • ଭଦ୍ରକ : ସମ୍ଭାବ୍ୟ ବନ୍ୟା ଲାଗି ଛୁଟି ବାତିଲ, ମୁକାବିଲା ପାଇଁ ଓଡ୍ରାଫ-ଏନ୍‌ଡିଆରଏଫ୍‌-ଅଗ୍ନିଶମ ବାହିନୀ ପ୍ରସ୍ତୁତ
  • ||
  • ବାରିପଦା : ବିଶୋଇ ଥାନା ଲୋହାକାନି ଭୋଳ ବେଡା ଗ୍ରାମରେ ବିଳମ୍ୱିତ ରାତିରେ ଭୁଷୁଡିଲା ଘରର କାନ୍ଥ, ଚାଲିଗଲା ଦୁଇ ଭଉଣୀଙ୍କ ଜୀବନ
  • ||
  • ଲକ୍ଷ୍ନୌ : ଭୂକମ୍ପରେ ଥରିଲା ଲକ୍ଷ୍ନୌ ସମେତ ୟୁପିର କେତେକ ଜିଲ୍ଲା , କୌଣସି କ୍ଷୟକ୍ଷତି ହୋଇନଥିବା ସୂଚନା
  • ||
  • ପୁରୀ : ଶ୍ରଦ୍ଧାଳୁଙ୍କ ବେକରେ ବ୍ଲେଡ୍‌ ମାରି ସୁନା ଚେନ୍‌ ଲୁଟ ଉଦ୍ୟମ ଫେଲ୍, ଧରାପଡି ଛେଚା ଖାଇଲେ ୩ ଲୁଟେରା
  • ||
  • ସମ୍ବଲପୁର : ୬୨୧.୦୨ ଫୁଟ୍‌କୁ ଖସିଲା ହୀରାକୁଦ ଜଳଭଣ୍ଡାର ଜଳସ୍ତର, ୨୦ ଗେଟ ଦେଇ ଚାଲିଛି ବନ୍ୟାଜଳ ନିଷ୍କାସନ
  • ||
  • ଭୁବନେଶ୍ୱର : ୨୧ରୁ ବନ୍ୟାଞ୍ଚଳ ଗସ୍ତ କରିବ ପିସିସି ଟିମ୍‌, ୨୩ ସୁଦ୍ଧା ଦେବେ ରିପୋର୍ଟ
  • ||
  • ବାଲିଗୁଡ଼ା : ଦାରିଙ୍ଗବାଡ଼ି ବ୍ଲକ ତିଲୋରୀ ପଞ୍ଚାୟତର ସିମନବାଡ଼ି ଗ୍ରାମ ନିକଟରେ ଥିବା ପୋଲର ପାର୍ଶ୍ଵ ରାସ୍ତା ଧସି ଯାଇଛି, ବସ୍ ଚଳାଚଳ ସମ୍ପୂର୍ଣ୍ଣ ଠପ୍
  • ||
  • କେନ୍ଦୁଝର : କେନ୍ଦୁଝର ଜିଲ୍ଲା ସଦର ବ୍ଲକ ମହାଦେଇଯୋଡ଼ା ପଞ୍ଚାୟତ ଟିକରପଡ଼ାରେ ଲଗାଣ ବର୍ଷାରେ କାନ୍ଥ ଭୁଷୁଡ଼ି ସ୍ତ୍ରୀ ମୃତ, ସ୍ୱାମୀ ଗୁରୁତର
  • ||
  • ଜୟପୁର/ଦିଲ୍ଲୀ : ମର୍ମନ୍ତୁଦ ସଡ଼କ ଦୁର୍ଘଟଣାରେ ଚାଲିଗଲା ୬ଶ୍ରଦ୍ଧାଳୁଙ୍କ ଜୀବନ : ୨୦ରୁ ଅଧିକ ଆହତ, ପ୍ରଧାନମନ୍ତ୍ରୀଙ୍କ ଶୋକପ୍ରକାଶ
  • ||
  • ନୂଆଦିଲ୍ଲୀ : ବାଙ୍କ ବିହାରୀ ମନ୍ଦିରରେ ବଡ଼ ଧରଣ ଅଘଟଣ, ମଙ୍ଗଳା ଆରତୀ ସମୟରେ ଦଳା ଚକଟାରେ ଦୁଇ ମୃତ
  • ||

ଟି-ଲିଙ୍କ୍‌: ଖସି ଗଲେ ସରକାରୀ ବାବୁ

ଭୁବନେଶ୍ୱର,୨୪ା୨(ବ୍ୟୁରୋ): ଦୁର୍ଦ୍ଦାନ୍ତ ଗ୍ୟାଙ୍ଗଷ୍ଟର ସୟଦ ଉସ୍ମାନ ଅଲ୍ଲୀ ଓରଫ ଟିଟୋଙ୍କୁ କ୍ରାଇମବ୍ରାଞ୍ଚର ସ୍ପେଶାଲ୍‌ ଟାକ୍ସ ଫୋର୍ସ (ଏସ୍‌ଟିଏଫ୍‌) ଟିମ୍‌ ତିନି ଥର ରିମାଣ୍ଡରେ ନେଇ ଜେରା କରିଥିଲା । ଏହି ସମୟରେ ନେତା, ମନ୍ତ୍ରୀ, ପୁଲିସ୍‌, ତହସିଲଦାର, ବିଡିଓ ଓ ଅନ୍ୟ ସରାକରୀ କର୍ମଚାରୀଙ୍କ ଲିଙ୍କ୍‌ ଥିବା ଏସ୍‌ଟିଏଫ୍‌ ଜାଣିବାକୁ ପାଇଥିଲା । ହେଲେ ସେମାନଙ୍କୁ ଜେରା କରି ପାରିଲା ନାହିଁ ଏସ୍‌ଟିଏଫ୍‌ । କାରଣ ଏସ୍‌ଟିଏଫ୍‌ର ମୁଖିଆଙ୍କ ବଦଳି ପରେ ତଦନ୍ତ ବି ଦିଗହରା ହୋଇଗଲା । ଏବେ ଲାଗୁଛି ଯେମିତି ଟିଟୋରର ଫାଇଲ୍‌ ଆଉ କେବେ ଖୋଲିବ ନାହିଁ, କି ସରକାରୀ ବାବୁମାନଙ୍କ ମୁଖା ଖୋଲିବ ନାହିଁ । ସବୁ ସରକାରୀ ବାବୁ ଖସିଗଲେ ।
ଏସ୍‌ଟିଏଫ୍‌ ଠାରୁ ମିଳିଥିବା ସୂଚନା ମୁତାବକ, ରାଜନଗରରେ ଅଲି ୱାଟର ରିସୋର୍ସର ୭ କୋଟି ଟଙ୍କାର ଟେଣ୍ଡର ନେଇଥିଲେ ପ୍ରେମାନନ୍ଦ ଲେଙ୍କା ନାମକ ଜଣେ ଠିକାଦାର । ଏହି ସମୟରେ ଟିଟୋ ଧମକ ଦେଇ ତାଙ୍କଠାରୁ ୭୦ ଲକ୍ଷ ଟଙ୍କା ବଟି ନେଇଥିଲେ । ତା’ ପୁଣି ଜଣେ ବିଡିଓଙ୍କ ମଧ୍ୟସ୍ଥିରେ । ଏ ବାବଦରେ ଏସ୍‌ଟିଏଫ୍‌ ଖୋଳତାଡ ଆରମ୍ଭ କଲା । ଯେତେବେଳେ ବିଡିଓଙ୍କ ନାଁ ଆସିଲା ତା’ ପରେ ସବୁ ବନ୍ଦ ହୋଇଗଲା । ଏମିତିକି ଠିକାଦାର ବି ସେ ବିଷୟରେ କିଛି ମୁହଁ ଖୋଲିଲେନି । କେବଳ ଏହି ଘଟଣା ନୁହେଁ, କେନ୍ଦ୍ରାପଡା, ଜଗତସିଂହପୁର ଓ ଯାଜପୁର ଅଞ୍ଚଳକୁ ସେ ନିଜ ହାତମୁଠାରେ ରଖିବାରେ ସକ୍ଷମ ହୋଇଥିଲେ ଟିଟୋ ଗ୍ୟାଙ୍ଗ । ଉକ୍ତ ୩ ଜିଲ୍ଲାରେ ଟିଟୋ ନାଁ ଶୁଣିଲେ ଛୋଟରୁ ବଡ ଠିକାଦାରଙ୍କ ଛାତି ଥରୁଥିଲା । ଟିଟୋ ଯେଉଁ କାମ କରିବାକୁ ଚାହୁଁଥିଲା, ସେହି କାମକୁ ସେ ହାତେଇବାରେ ସକ୍ଷମ ହେଉଥିଲା । ଏଥିରୁ ସେ କୋଟି କୋଟି ଟଙ୍କା ରୋଜଗାର କରୁଥିଲା । ଟିଟୋ କାମ କରୁଥିବା ବେଳେ ତା’ ସହଯୋଗୀଙ୍କ ନାମରେ କାମର ଟେଣ୍ଡର ନିଆଯାଉଥିଲା । ସେମାନଙ୍କୁ ସହଯୋଗ କରୁଥିଲେ ତିନିଟି ଜିଲ୍ଲାର ସରକାରୀ ଅଫିସର । କେଉଁ ଅଫିସ୍‌ର ଟିଟୋକୁ ସହଯୋଗ କରୁଥିଲେ ସେମାନଙ୍କ ତାଲିକ କରିଥିଲେ ଏସ୍‌ଟିଏଫ୍‌ । ଜେରା କରିବା ପାଇଁ ସମନ ମଧ୍ୟ ହୋଇଥିଲା । ହେଲେ ସବୁ ଫୁସ୍‌ ହୋଇଗଲା । କ’ଣ ହେଲା କେଜାଣି କୌଣସି ସରାକରୀ କର୍ମଚାରୀଙ୍କୁ ତଦନ୍ତ ପରିସଭୁକ୍ତ କରାଗଲା ନାହିଁ । କିନ୍ତୁ ସରକାରୀ ବାବୁଙ୍କ ଲିଙ୍କ୍‌ ବିଷୟରେ ଜାଣିବା ପାଇଁ ଭିଜିଲାନ୍ସ ଛାନଭିନ ଆରମ୍ଭ କଲା ।
ଯେବେଠୁ ଇ-ଟେଣ୍ଡର ହୋଇଛି ସେବେ ଠାରୁ ଟିଟୋ ଗିରଫ ପର୍ଯ୍ୟନ୍ତ ସବୁ କାଗଜ ପତ୍ର ଯାଞ୍ଚ କରି ଭିଜିଲାନ୍ସ ଜାଣିବାକୁ ପାଇଥିଲା ଟିଟୋକୁ ସହଯୋଗ କରୁଥିବା ଅଫିସରମାନେ କିଛି ତ୍ରୁଟି ରଖି ନାହାନ୍ତି । ଇ-ଟେଣ୍ଡର ପୂର୍ବରୁ ଯେଉଁ ବ୍ୟବସ୍ଥାରେ ଟେଣ୍ଡର ହେଉଥିଲା ତା’ର ଯଦି ଭିଜିଲାନ୍ସ ଯାଞ୍ଚ କରିଥାନ୍ତା ତା’ ହେଲେ ଗଣ୍ଡା ଗଣ୍ଡା ସରକାରୀ ବଡ଼ବାବୁମାନେ ଧରାପଡ଼ିଥାନ୍ତେ । ଇ-ଟେଣ୍ଡର ପୂର୍ବରୁ ଥିବା ନିୟମ ଟିଟୋ ଗ୍ୟାଙ୍ଗକୁ ବେଶ ସୁହାଉଥିଲା । ସେତେବେଳେ ଟିଟୋର ଲୋକମାନେ ଟେଣ୍ଡର ବାକ୍ସ ପାଖରେ ଜଗି ରହୁଥିଲେ । ଯିଏ ଟେଣ୍ଡର ପକାଉବାକୁ ଆସୁଥିଲା ତା’କୁ ଧମକ ଚମକ ଦେଉଥିଲେ । କେହି ଟେଣ୍ଡର ପକାଉ ନଥିଲେ । ଫଳରେ ସବୁ ଟେଣ୍ଡର ଟିଟୋ ଓ ତା’ର ଲୋକମାନେ ନେଉଥିଲେ । ଭିଜିଲାନ୍ସ ଯଦି ସେ ବିଷୟରେ ଚିନ୍ତାକରି ପୁଣି ତଦନ୍ତ କରନ୍ତା ତା’ ହେଲେ କିଛି ତଥ୍ୟ ହାସଲ୍‌ କରନ୍ତା ।
ବଡ଼କଥା ହେଉଛି ଏବେ ଟିଟୋ ମାମଲାରେ ଏସ୍‌ଟିଏଫ୍‌ ତଦନ୍ତରେ ସାମ୍ନାକୁ ଆସିଥିଲେ ନେତା, ମନ୍ତ୍ରୀ, ତହସିଲଦାର, ବିଡ଼ିଓ ପୁଲିସ୍‌ ଓ ଅନ୍ୟ ସରକାରୀ ଠକିଦାରମାନେ । ଏ ସବୁ ଜଣାପଡ଼ିବା ପରେ ଏହି ମାମଲାରେ ତଦନ୍ତ ଆଗକୁ ଗଲା ନାହିଁ । ଏବେ ଏହି ମାମଲା ବନ୍ଦ । ପୂର୍ବ ଭଳି ଏବେ ବି ଟିଟୋର ଦବଦବା ବଜାୟ ରହିଛି । ସେପଟେ ଟିଟୋ ଜାମିନରେ ଆସିବାକୁ ଲାଗିପଡ଼ିଛି ।