ଗଞ୍ଜାମ,୧୨/୦୫: ଗଞ୍ଜାମ ଜିଲ୍ଲା ଚିକିଟି ବ୍ଲକ ଅନ୍ତର୍ଗତ ସୁନାପୁର ଗ୍ରାମପଞ୍ଚାୟତର ପାତିସୁନାପୁରରେ ଠାକୁରାଣୀ ଯାତ୍ରା କରିବାକୁ କେନ୍ଦ୍ରକରି ଗ୍ରାମରେ ଅଶାନ୍ତି । ରବିବାର ରାତିରେ ଠାକୁରାଣୀ ଯାତ୍ରା ଚାଲିଥିବା ବେଳେ ପୁଣି ଆରମ୍ଭ ହୋଇଛି ଗଣ୍ଡଗୋଳ । ଗଣ୍ଡଗୋଳକୁ ଆୟତ୍ତ କରିବା ବେଳେ ପୁଲିସ ଉପରେ ଆକ୍ରମଣ କଲେ ଲୋକେ । ଅପ୍ରିତିକର ପରିସ୍ଥିତିକୁ ଏଡେଇବା ପାଇଁ ଗ୍ରାମରେ ୧୬୩ ଧାରା ବଳବତ୍ତର ଓ ୫ ପ୍ଲାଟୁନ ପୁଲିସ ମୁତୟନ କରାଯାଇଛି ।
ସୂଚନା ମୁତାବକ, ରବିବାର ରାତିରେ ଠାକୁରାଣୀ ଯାତ୍ରା ଚାଲିଥିଲା । ଏହି ସମୟରେ ପୁଣି ଆରମ୍ଭ ହୋଇଛି ଗଣ୍ଡଗୋଳ । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା କରିଥିଲା । ଗଣ୍ଡଗୋଳକୁ ଆୟତ୍ତ କରିବା ବେଳେ ପୁଲିସ ଉପରେ ଆକ୍ରମଣ କରିଥିଲେ ସ୍ଥାନୀୟଲୋକେ । ଏହାପରେ ପୁଲିସ ମୃଦୁ ଲାଠିଚାଳନା କରିଥିଲା । ଏହି ଘଟଣା ପରେ ଅପ୍ରିତିକର ପରିସ୍ଥିତିକୁ ଏଡେଇବା ପାଇଁ ଗାଁରେ ୧୬୩ ଧାରା ବଳବତ୍ତର କରାଯାଇଛି । ଏହା ସହ ସୁରକ୍ଷା ପାଇଁ ୫ ପ୍ଲାଟୁନ ପୁଲିସ ମୁତୟନ କରାଯାଇଛି ।
