ନୂଆଦିଲ୍ଲୀ: ଭାରତୀୟ ଅର୍ଥବ୍ୟବସ୍ଥା ପାଇଁ ଏକ ଖୁସି ଖବର ଏବେ ସାମ୍ନାକୁ ଆସିଛି । ନଭେମ୍ବର ୨୦୨୪ ରେ ଭାରତର ଜିଏସଟି (ଦ୍ରବ୍ୟ ଏବଂ ସେବା କର) ସଂଗ୍ରହ ୮.୫% ବୃଦ୍ଧି ହୋଇ ୧.୮୨ ଲକ୍ଷ କୋଟିରେ ପହଞ୍ଚିଛି । ବଢୁଥିବା ଜିଏସ୍ଟି ସଂଗ୍ରହର ଅର୍ଥ ହେଉଛି ଭାରତୀୟ ଅର୍ଥନୀତିର ଶକ୍ତି ଏବଂ ଅର୍ଥନୈତିକ କାର୍ଯ୍ୟକଳାପରେ ବୃଦ୍ଧି । ଅର୍ଥ ମନ୍ତ୍ରଣାଳୟ ଦ୍ବାରା ପ୍ରକାଶିତ ତଥ୍ୟ ଅନୁଯାୟୀ ନଭେମ୍ବରର ଏହି ସଂଗ୍ରହ ଏପ୍ରିଲରୁ ନଭେମ୍ବର ମଧ୍ୟରେ ମୋଟ ଜିଏସଟି ସଂଗ୍ରହକୁ ୧୪.୫୭ ଲକ୍ଷ କୋଟି ଟଙ୍କା ନେଇଛି।

ଗତ ମାସରେ ଅର୍ଥାତ୍ ଅକ୍ଟୋବର ୨୦୨୪ରେ, ଜିଏସଟି ସଂଗ୍ରହରେ ୯% ବୃଦ୍ଧି ରେକର୍ଡ କରାଯାଇଥିଲା । ଅକ୍ଟୋବର ପାଇଁ ମୋଟ ସଂଗ୍ରହ ୧.୮୭ ଲକ୍ଷ କୋଟି ଟଙ୍କା ଥିଲା, ଯାହା ଆଜି ପର୍ଯ୍ୟନ୍ତ ଦ୍ୱିତୀୟ ବୃହତ୍ତମ ସଂଗ୍ରହ ଥିଲା । ଘରୋଇ ବିକ୍ରିରେ ବୃଦ୍ଧି ଏବଂ ଉତ୍ତମ ଅନୁପାଳନ ଏଥିରେ ଏକ ଗୁରୁତ୍ୱପୂର୍ଣ୍ଣ ଅବଦାନ ଥିଲା । 

ଏବେ ଆସନ୍ତୁ ଜାଣିବା କେତେ ହୋଇଥିଲା ଅକ୍ଟୋବରର ସଂଗ୍ରହ...

କେନ୍ଦ୍ରୀୟ ଜିଏସ୍ଟି (CGST):, ୮୩୩୮୨୧ କୋଟି ଟଙ୍କା

ରାଜ୍ୟ ଜିଏସ୍ଟି (SGST):, ୮୪୧୮୬୪ କୋଟି ଟଙ୍କା

ଇଣ୍ଟିଗ୍ରେଟେଡ୍ ଜିଏସ୍ଟି (IGST): ₹ ୯୯,୧୧୧ କୋଟି ଟଙ୍କା

ସୂଚନାଥାଉକି, ବର୍ଦ୍ଧିତ ଜିଏସ୍ଟି ସଂଗ୍ରହ ସରକାରଙ୍କୁ ବିକାଶ କାର୍ଯ୍ୟରେ ଅଧିକ ବିନିଯୋଗ କରିବାର ସୁଯୋଗ ଦେଇଥାଏ । ଏହା ସଡକ, ସ୍ୱାସ୍ଥ୍ୟ ଏବଂ ଶିକ୍ଷା ପରି ମୌଳିକ ସେବାରେ ଉନ୍ନତି ଆଣିବାରେ ସାହାଯ୍ୟ କରିଥାଏ । ଅଧିକ ଜିଏସ୍ଟି ସଂଗ୍ରହ ଦର୍ଶାଏ ଯେ ଅର୍ଥନୀତିରେ ଚାହିଦା ଏବଂ ବ୍ୟବହାର ବୃଦ୍ଧି ପାଉଛି । କମ୍ପାନୀ ଗୁଡିକର ବିକ୍ରୟ ଏବଂ ସେବାରେ ଅଭିବୃଦ୍ଧିର ଏହା ମଧ୍ୟ ଏକ ପ୍ରମାଣ । ତଥାପି, ଜିଏସ୍ଟି ସଂଗ୍ରହ ବୃଦ୍ଧି ମଧ୍ୟ ମୁଦ୍ରାସ୍ଫୀତିର ସଙ୍କେତ ହୋଇପାରେ । ପ୍ରାୟତ କମ୍ପାନୀ ଗୁଡିକ ଗ୍ରାହକଙ୍କ ଉପରେ ଟିକସ ଭାର ବହନ କରନ୍ତି, ଯାହା ମୂଲ୍ୟ ବୃଦ୍ଧି କରିଥାଏ ।