ଆଇପିଏଲ ୨୦୨୩: ଉଦ୍ଘାଟନି ମ୍ୟାଚ୍ରେ ଟସ୍ ଜିତି ବୋଲିଂ ନିଷ୍ପତ୍ତି ନେଲା ଗୁଜରାଟ ଟାଇଟନ୍ସ
ଅହମ୍ମଦାବାଦ,୩୧/୦୩: କ୍ରିକେଟ ମହାକୁମ୍ଭ ଆଇପିଏଲ ୨୦୨୩ର ଉଦ୍ଘାଟନୀ ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ୩୧ମାର୍ଚ୍ଚରେ ଆଉ କିଛି ସମୟ ମଧ୍ୟରେ ଖେଳାଯିବ। ପ୍ରଥମ ମୁକାବିଲାରେ ମୁହାଁମୁହିଁ ହେବେ ଚେନ୍ନାଇ ସୁପରକିଙ୍ଗସ୍ ଓ ଗୁରୁରାଟ ଟାଇଟନ୍ସ। ତେବେ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଛି ଗୁଜରାଟ ଟାଇଟନ୍ସ। ତେବେ ପ୍ରଥମ ମ୍ୟାଚରେ ଶେଷଥରର ଚାମ୍ପିଆନ୍ ଗୁଜରାଟ ଟାଇଟାନ୍ସ ସହିତ ୪ଥର ଚାମ୍ପିଆନ୍ ଚେନ୍ନାଇ ସୁପର କିଙ୍ଗସ୍ ମଧ୍ୟରେ ଲଢେଇ ହେବାକୁ ଯାଉଛି। ଉଦଘାଟନୀ ମ୍ୟାଚରେ କ୍ୟାପଟେନ୍ କୁଲ୍ଙ୍କ ଉପରେ ସମସ୍ତଙ୍କ ନଜର ରହିଛି । ସେପଟେ ଫର୍ମରେ ଥିବା ହାର୍ଦ୍ଦିକ୍ ପାଣ୍ଡିଆ ମଧ୍ୟ ପୁଣି ଥରେ ଜଲ୍ଓ୍ବା ଦେଖାଇବା ପାଇଁ ସମସ୍ତ ପ୍ରସ୍ତୁତି କରିଛନ୍ତି ।
ଚେନ୍ନାଇର ଚୂଡାନ୍ତ ଏକାଦଶ:
ଏମ ଏସ ଧୋନି (କ୍ୟାପଟେନ), ଡେଭନ୍ କନଓ୍ବେ, ରୁତୁରାଜ ଗାଇକୱାଡ, ବେନ୍ ଷ୍ଟୋକ୍ସ, ଅମ୍ବାତି ରାୟୁଡୁ, ମୋଇନ୍ ଅଲି, ଶିବମ ଦୁବେ, ରବିନ୍ଦ୍ର ଜାଡେଜା, ମିଚେଲ୍ ସାଣ୍ଟନର୍, ଦୀପକ ଚହର, ରାଜଭାରଦାନ ହଙ୍ଗରଗେକର
ଗୁଜରାଟ ଟାଇଟନ୍ସର ଚୁଡ଼ାନ୍ତ ଏକାଦଶ:
ହାର୍ଦ୍ଦିକ ପାଣ୍ଡ୍ୟା (କ୍ୟାପଟେନ), ରିଦ୍ଧିମାନ ସାହା, ଶୁବମାନ ଗିଲ, କେନ ୱିଲିୟମସନ, ବିଜୟ ଶଙ୍କର, ରାହୁଲ ତେୱାଟିଆ, ରସିଦ ଖାନ, ମହମ୍ମଦ ଶାମି, ଜୋଶୁଆ ଲିଟିଲ, ୟଶ ଦିନଲ, ଅଲଜାରୀ ଜୋସେଫ
