ପ୍ରମୂଖ ଖବର
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ଯୁବକଙ୍କୁ ହାଣିଲେ, ଥାନା ଦୁଆରେ ଫିଙ୍ଗିଲେ: ଜଣେ ଆକ୍ରମଣକାରୀ ଗିରଫ, ଅନ୍ୟମାନେ ଫେରାର..

ଭୁବନେଶ୍ୱର,୨୭/୦୫: ଇଟାର ଜବାବ ପଥରରେ ଦେଲା ଭଳି ହଣାହଣି କରି ଫେରାର୍‌ ହେଉଥିବା ଜଣେ ଯୁବକଙ୍କୁ ସଂଘବଦ୍ଧ ହୋଇ ହାଣି ପକାଇଲେ । ଗୁରୁତର ଯୁବକଙ୍କୁ ଟେକିନେଇ ଭରତପୁର ଥାନା ସମ୍ମୁଖରେ ଫିଙ୍ଗି ପଳାଇଲେ । ଭରତପୁର ଥାନା ପୁଲିସ ଆକ୍ରମଣର ଶିକାର ଯୁବକକୁ ନେଇ ହସ୍ପିଟାଲରେ ଚିକିତ୍ସା କରାଇ ଜେଲ୍‌ ପଠାଇଲା । ସେପଟେ ସଂପୃକ୍ତ ଯୁବକଙ୍କୁ ମରଣାନ୍ତକ ଆକ୍ରମଣ କରିବା ଅଭିଯୋଗରେ ତମାଣ୍ଡୋ ଥାନା ପୁଲିସ ଜଣେ ଅଭିଯୁକ୍ତକୁ ଗିରଫ କରିଛି । ତାଙ୍କ ନାମ ବିକାଶ ଓରଫ ଦିପ୍ତୀରଞ୍ଜନ ମୁଦୁଲି(୨୪) । ଘର ଭରତପୁର ଥାନା ଅନ୍ତର୍ଗତ ନୂଆଗାଁ ।

ପୁଲିସ ସୂଚନା ଅନୁଯାୟୀ, ଗତ ୧୯ ତାରିଖରେ ଶ୍ୟାମପୁରର କିଛି ଯୁବକ ଦାଦାବଟିକୁ ନେଇ ନୂଆଗାଁ ବଜାରରେ ଖଣ୍ଡା ବୁଲାଇବା ସହ ହଣାହଣି କରିଥିଲେ । ନୂଆଗାଁ ଯୁବକମାନେ ଏକାଠି ହେବା ବେଳକୁ ଆକ୍ରମଣକାରୀ ଶ୍ୟାମପୁରର ଯୁବକମାନେ ଫେରାର୍‌ ହୋଇ ଯାଇଥିଲେ । ଭରତପୁର ଥାନା ପୁଲିସ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରିବା ସହ ଆକ୍ରମଣକାରୀଙ୍କୁ ଗିରଫ କରିବା ପାଇଁ ତନାଘନା ଚଳାଇଥିଲା । ସେହି ରାତିରେ ଆକ୍ରମଣକାରୀଙ୍କ ମଧ୍ୟରୁ ଶ୍ୟାମପୁରର ଗୁଡ୍ଡୁ ଓରଫ ଅବିନାଶ ବେହେରା ପୁଲିସ ଗିରଫଦାରୀରୁ ବର୍ତ୍ତିବା ପାଇଁ ତାଙ୍କ ମାମୁଁଙ୍କ ସହ ବାଇକ୍‌ରେ ଫେରାର୍‌ ହୋଇ ଯାଉଥିଲେ । ଗୁଡ୍ଡୁ ଫେରାର୍‌ ହେଉଥିବା ସୂଚନା ପାଇ ନୂଆଗାଁର ୫/୬ ଜଣ ଯୁବକ ତାଙ୍କୁ ପିଛାକରି ତମାଣ୍ଡୋ ବେହେରା ଢ଼ାବା ସମ୍ମୁଖରେ ଅଟକାଇଥିଲେ । ଗୁଡ୍ଡୁଙ୍କୁ ସେମାନେ ବିଭିନ୍ନ ମାରଣାସ୍ତ୍ରରେ ଗୋଡ଼ାଇ ଗୋଡ଼ାଇ ହାଣି ପକାଇଥିଲେ । ପରେ ତାଙ୍କୁ ଟେକି ନେଇଥିଲେ । ଗୁଡ୍ଡୁଙ୍କୁ ସେମାନେ ଭରତପୁର ଥାନା ସମ୍ମୁଖରେ ପକାଇ ପଳାଇ ଆସିଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ଭରତପୁର ପୁଲିସ ଗୁଡ୍ଡୁଙ୍କୁ ହସ୍ପିଟାଲରେ ଭର୍ତ୍ତି କରିଥିଲା । ଭରତପୁର ଥାନା ମାମଲାରେ ପୁଲିସ ଗୁଡ୍ଡୁଙ୍କ ସହ ପିଣ୍ଟା ନାମକ ଶ୍ୟାମପୁରର ଅନ୍ୟଜଣେ ଯୁବକଙ୍କୁ ଗିରଫ କରି ଜେଲ୍‌ ପଠାଇଥିଲା ।

ସେପଟେ ଗୁଡ୍ଡୁଙ୍କୁ ମରଣାନ୍ତକ ଆକ୍ରମଣ ନେଇ ତାଙ୍କ ମା’ ସବିତା ବେହେରା ତମାଣ୍ଡୋ ଥାନାରେ ଅଭିଯୋଗ କରିଥିଲେ । ତମାଣ୍ଡୋ ଥାନା ପୁଲିସ ଏକ ହତ୍ୟା ଉଦ୍ୟମ ମାମଲା ରୁଜୁକରି ତଦନ୍ତ ଚଳାଇଥିଲା । ଗତକାଲି ରାତିରେ ପୁଲିସ ନୂଆଗାଁରେ ଚଢ଼ଉ କରି ବିକାଶଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଥିଲା । ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି । ଏହି ଆକ୍ରମଣରେ ସଂପୃକ୍ତ ନୂଆଗାଁର ଅନ୍ୟମାନଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.