ମାଲକାନଗିରି,୨୪।୧(ଆପ୍ର):ମାଲକାନଗିରି ଜିଲ୍ଲାର ହାର୍ଡକୋର ମାଓବାଦୀ ରଞ୍ଜୁ ଖିଲ (୪୦)ଓରଫ ଚାଣ୍ଟି ଓରଫ ବିଶ୍ଵନାଥଙ୍କୁ ଏନଆଇଏ ଗିରଫ କରିଛି। ତାଙ୍କୁ ଭୁବନେଶ୍ୱର ଅଫିସକୁ ଏନଆଇଏ ଆଣିଛି। ମାଓବାଦୀ ରଞ୍ଜୁ ଖିଲ ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳର ଜଣେ ହାର୍ଡକୋର ମାଓବାଦୀ। ସେ ଗତ ୨୦୧୨ ମସିହାରେ ୪ଜଣ ବିଏସଏଫ ଯବାନ ଙ୍କୁ ହତ୍ୟା କରିଥିଲା। ଏ ସମ୍ପର୍କରେ ଚିତ୍ରକୋଣ୍ଡା ଥାନାରେ ଏକ ମାମଲା ରୁଜୁ ହୋଇଥିଲା। ମଙ୍ଗଳବାର ମାଲକାନଗିରି କାଦଗୁମ୍ମା ଅଞ୍ଚଳରୁ ମାଲକାନଗିରି ପୁଲିସ   ସହାୟତାରେ ଭୁବନେଶ୍ବରରୁ ଏନଆଇଏର ଏକ ଟିମ ଆସି ରଞ୍ଜୁ ଓରଫ ବିଶ୍ଵ ନାଥଙ୍କୁ ଗିରଫ କରିଛି। ଅଧିକ ପଚରା ଉଚରା କରିବା ପାଇଁ ଭୁବନେଶ୍ବର ଏନଆଇ ଏ କାର୍ଯ୍ୟଳୟ କୁ ନେଇଥିବାର ମାଲକାନଗିରି ଏସପି ନିତେଶ ୱାଧନୀ ଗଣମାଧ୍ୟମ କୁ ସୂଚନା ଦେଇଛନ୍ତି।