ଝଜ୍ଜର: ହରିୟାଣାର ଝଜ୍ଜର ଜିଲ୍ଲାରେ ରବିବାର ଦିନ ଏକ ୩.୧ ମାଗ୍ନିଚ୍ୟୁଡ୍ ଭୂମିକମ୍ପ ଅନୁଭୂତ ହୋଇଛି। ନ୍ୟାସନାଲ ସେଣ୍ଟର ଫର ସିସ୍ମୋଲୋଜି (ଏନସିଏସ) ଅନୁଯାୟୀ, ଏହି ଭୂମିକମ୍ପ ସ୍ଥାନୀୟ ସମୟ ସକାଳ ୧୦:୩୮ରେ ଘଟିଥିଲା। ଯାହାର କେନ୍ଦ୍ରସ୍ଥଳ ଝଜ୍ଜରଠାରେ ୧୦ କିଲୋମିଟର ଗଭୀରତାରେ ଥିଲା। ଏହି ଘଟଣାରେ କୌଣସି ଧନଜୀବନର କ୍ଷତି ହୋଇନଥିବା ଜଣାପଡ଼ିଛି।
ଗତ ଏକ ମାସ ମଧ୍ୟରେ ଝଜ୍ଜର ଅଞ୍ଚଳରରେ ଏହା ଚତୁର୍ଥ ଭୂମିକମ୍ପ। ଏହା ପୂର୍ବରୁ ଜୁଲାଇ ଓ ଅଗଷ୍ଟ ମାସରେ ସମାନ ତୀବ୍ରତାର ତିନୋଟି ଭୂମିକମ୍ପ ରେକର୍ଡ କରାଯାଇଥିଲା। ବିଶେଷଜ୍ଞମାନେ କହିଛନ୍ତି ଯେ ଏହି କ୍ଷୁଦ୍ର ଭୂମିକମ୍ପ ଅଞ୍ଚଳରେ ଟେକ୍ଟୋନିକ ଗତିବିଧିକୁ ସୂଚାଇ ପାରେ। ତେବେ ଏହି ଭୂ-କମ୍ପରେ ବଡ଼ କ୍ଷତିର କାରଣ ହେବାର ସମ୍ଭାବନା କମ୍ ରହିଛି।
ସ୍ଥାନୀୟ ପ୍ରଶାସନ ଲୋକମାନଙ୍କୁ ସତର୍କ ରହିବାକୁ ଓ ଭୂମିକମ୍ପ ସମୟରେ ସୁରକ୍ଷା ନିୟମ ପାଳନ କରିବାକୁ ପରାମର୍ଶ ଦେଇଛି। ଅଧିକ ତଥ୍ୟ ପାଇଁ ଅଧିକାରୀମାନେ ପରିସ୍ଥିତି ଉପରେ ନଜର ରଖିଛନ୍ତି।
