ଗୋପାଳପୁର ୨୬/୪ : ଗୋପାଳପୁର ନିକଟସ୍ଥ ବକ୍ସିପଲ୍ଲୀ ପଞ୍ଚାୟତ ଅଫିସଠାରେ ଶିତଳାପଲ୍ଲୀ ସମ ହସ୍ପିଟାଲ୍ ପକ୍ଷରୁ ଏକ ମାଗଣା ସ୍ବାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଶିତଳାପଲ୍ଲୀ ସମହସ୍ପିଟାଲ ଡାଇରେକ୍ଟର ଦେବପ୍ରସାଦ ଦାସଙ୍କ ତତ୍ତ୍ଵାବଧାନରେ ଏହି କାର୍ଯ୍ୟକ୍ରମ ଆୟୋଜିତ  ହୋଇଥିଲା।  ଏଥିରେ ସ୍ଥାନୀୟ ସରପଞ୍ଚ ନାର୍ଶିମୁଲୁ , ସମିତି ସଭ୍ୟ ଜୟସେନ ସାହୁ, ଗୋପାଳପୁର ଅଞ୍ଚଳର ସମାଜସେବୀ ପଞ୍ଚୁ ବେହେରା, କରlପଲ୍ଲି ମଣ୍ଡଳର ସଭାପତି ଏମ୍.ସାଗର, ସୋମନାଥ ପାତ୍ର ପ୍ରମୁଖ ଉପସ୍ଥିତ ଥିଲେ।  ଗ୍ରାମାଞ୍ଚଳରେ ବସବାସ କରୁଥିବା ବ୍ୟକ୍ତିଙ୍କ ସ୍ବାସ୍ଥ୍ୟ ସମସ୍ୟା ଦୂର କରିବା ଏବଂ ଉତ୍ତମ ଚିକିତ୍ସା ବାବଦରେ ଅବଗତ କରାଇବା ସହ ସଚେତନତା କରିବା  ସ୍ବାସ୍ଥ୍ୟ ଶିବିରର ମୂଳ ଲକ୍ଷ୍ୟ ବୋଲି ଶିତଳାପଲ୍ଲୀ ସମହସ୍ପିଟାଲ ଡାଇରେକ୍ଟର ଦେବପ୍ରସାଦ ଦାସ କହିଛନ୍ତି।  

ଅନ୍ୟମାନଙ୍କ ମଧ୍ୟରେ ହସ୍ପିଟାଲ ସୁପରିଣ୍ଟେଣ୍ଡେଣ୍ଟ ଡ.ଅଯୋଧ୍ୟାନାଥ ପାଢ଼ୀ, ଡେପୁଟି ସୁପରିଣ୍ଟେଣ୍ଡେଣ୍ଟ ଡ.ପ୍ରୀୟଜିତ୍ ପାଣିଗ୍ରାହୀ, ମେଡିସିନ ବିଶେଷଜ୍ଞ ଡ଼.ସନ୍ଧ୍ୟାଶ୍ରୀ ପଣ୍ଡା , ପ୍ରସୂତି ଓ ସ୍ତ୍ରୀ ବିଶେଷଜ୍ଞ ଡ଼.ରିଶିକା ସେନ, ଚର୍ମ ରୋଗ ବିଶେଷଜ୍ଞ ଡ଼.ଶିବାଶିଷ ମହାପାତ୍ର, ନର୍ସିଂ ସୁପରିଣ୍ଟେଣ୍ଡେଣ୍ଟ ଅର୍ଚ୍ଚନା ତ୍ରୀପାଠୀ ପ୍ରମୁଖ ଉପସ୍ଥିତ ଥିଲେ। ଏହି ଶିବିରରେ ବକ୍ସିପଲ୍ଲୀ ପଞ୍ଚାୟତ ସମେତ ଆଖପାଖ ଅଞ୍ଚଳର ବହୁ ଜନସାଧାରଣ  ଡାକ୍ତରଙ୍କ ପରାମର୍ଶ  ନେବା ସହ  ସ୍ବାସ୍ଥ୍ୟ ପରୀକ୍ଷା କରି, ମାଗଣାରେ ଔଷଧ   ନେଇଥିଲେ। ଅସ୍ତ୍ରୋପ୍ରଚାର ମୁଖ୍ୟ ବିଷ୍ଣୁ ପାଣିଗ୍ରାହୀ , ନର୍ସିଂ ଇନଚାର୍ଜ ଶ୍ରାବଣୀ ଷଡ଼ଙ୍ଗୀ , ଦିନେଶ ପଟ୍ଟନାୟକ, ହସ୍ପିଟାଲ ମ୍ୟାନେଜର ସୁବ୍ରତ ପ୍ରଧାନ , କ୍ୟାମ୍ପ୍ କୋର୍ଡିନେଟର ,ଫାର୍ମାସୀ ଇନଚାର୍ଜଙ୍କ ସମେତ ବହୁ କର୍ମଚାରୀ ଉପସ୍ଥିତ ଥିଲେ।