ପୁରୀ, ୧୨/୧୧ : ଶ୍ରୀମନ୍ଦିର ଦର୍ଶନ ବ୍ୟବସ୍ଥାରେ ଚରମ ବିଶୃଙ୍ଖଳା। ସିଂହଦ୍ଵାର ସମ୍ମୁଖରେ ଦର୍ଶନ ପାଇଁ ଭକ୍ତଙ୍କ ପ୍ରବଳ ଠେଲାପେଲା। ବ୍ୟାରିକେଡରେ ପ୍ରବେଶ କରିବା ପରିବର୍ତ୍ତେ ସିଂହଦ୍ଵାର ସମ୍ମୁଖରେ ପ୍ରବେଶ କରିବା ପାଇଁ ଚେଷ୍ଟା କରିଛନ୍ତି। ଫଳରେ ଭିଡ଼ ଭିତରେ ଛୋଟ ପିଲା ଓ ବୟସ୍କ ବ୍ୟକ୍ତି କଲବଲ ହୋଇଛନ୍ତି। ଏଭଳି ଅବ୍ୟବସ୍ଥା ପାଇଁ ପୋଲିସ ସୁରକ୍ଷା ବ୍ୟବସ୍ଥାକୁ ଲୋକେ ଦାୟୀ କରିଛନ୍ତି।
ଆଜି ମହା କାର୍ତ୍ତିକ ମାସର ଦ୍ଵିତୀୟ ପଞ୍ଚୁକ ହୋଇଥିବାରୁ ବଡ଼ଦେଉଳରେ ପ୍ରବଳ ଭିଡ଼ ଜମିଛି। ମହାପ୍ରଭୁଙ୍କ ଦର୍ଶନ ପାଇଁ ଲୋକେ ଭିଡ଼ ଜମାଇଛନ୍ତି। ଭିଡ଼ ଏପରି ଜମିଛି ଯେ, ଲୋକମାନେ ବ୍ୟାରିକେଡରେ ଯିବା ପରିବର୍ତ୍ତେ ସିଂହଦ୍ଵାର ସମ୍ମୁଖରେ ପ୍ରବେଶ କରିବା ପାଇଁ ଚେଷ୍ଟା କରିଛନ୍ତି। ଭିଡ଼ ନିୟନ୍ତ୍ରଣ କରିବାରେ ପୋଲିସର ସୁରକ୍ଷା ବ୍ୟବସ୍ଥା ଫେଲ୍ ମାରିଛି। ଫଳରେ ଲୋକଙ୍କ ମଧ୍ୟରେ ଠେଲାପେଲା ହୋଇଛି।
