ଜୟପୁର : ରାଜସ୍ଥାନରେ ପାଣିପାଗ ଭୟଙ୍କର ରୂପ ଧାରଣ କରିଛି। ପାକିସ୍ତାନ ସୀମା ନିକଟବର୍ତ୍ତୀ ଅଞ୍ଚଳରେ ପବନ ପ୍ରଚଣ୍ଡ ରୂପ ଧାରଣ କରିଛି। ଏହା ଏତେ ଭୟଙ୍କର ହୋଇ ଯାଇଛି କି ଭାରତୀୟ ପାଣିପାଗ ବିଭାଗ ପାକିସ୍ତାନ ନିକଟ ରାଜସ୍ଥାନର ସବୁ ଜିଲ୍ଲା ପାଇଁ ରେଡ୍ ଆଲର୍ଟ ଜାରି କରି ଦେଇଛି । ଜୋରରେ ପବନ ବହିବା କାରଣରୁ ନାଗୌରରେ ଆଜି ଅପରାହ୍ନ ୩ଟାରେ ଆସିଥିବା ଝଡ଼ ତୋଫାନରେ ଅନେକ ଗଛ , ବିଜୁଳି ପୋଲ ,ହୋର୍ଡିଂ ଏବଂ ଟିଣ ଶେଡ୍ ଧରାଶାୟୀ ହୋଇ ଯାଇଛି। ନାଗୌର ସହରରେ ପବନର ଗତି ଏତେ ପ୍ରବଳ ଥିଲା କି ସହରର ଖତ୍ରିପୁରା ଅଞ୍ଚଳରେ ଏକ ମୋବାଇଲ ଟାୱାର ଭାଙ୍ଗି ଖସି ପଡ଼ିଥିଲା।
ଟାୱର କୋଠା ଘର ଉପରେ ଖସି ପଡ଼ିବାରୁ କୋଠାକୁ ବି ଖୁବ୍ କ୍ଷତି ହୋଇଛି। ଅନ୍ୟପଟେ ରାଜସ୍ଥାନ ବିପର୍ଯ୍ୟୟ ପ୍ରବନ୍ଧନ ବିଭାଗ ଆଗାମୀ ୨୪ ଘଣ୍ଟାରେ ଜୟପୁର , ଅଲୱର , ଝୁନଝୁନ, ଦୌସା ଆଦି ଜିଲ୍ଲାରେ ପବନର ବେଗ ଘଣ୍ଟାକୁ ୬୦-୮୦ କି.ମି ବହିବା ସହ ଖୁବ୍ ଜୋରରେ ବର୍ଷା ହେବାର ସମ୍ଭାବନା ଥିବା ସତର୍କ ସୂଚନା ଜାରି କରିଛି। ଡୁଙ୍ଗରପୁର ଜିଲ୍ଲାରେ ଜଣେ ବ୍ୟକ୍ତିଙ୍କର ମୃତ୍ୟୁ ବି ହୋଇ ଯାଇଛି ।
ଖରାପ ପାଗ ପ୍ରଭାବରେ ଆଜି ବିକାନେରରେ ମଧ୍ୟ ପ୍ରବଳ ବର୍ଷା ହେଉଛି। ପଶ୍ଚିମୀ ରାଜସ୍ଥାନର ଯୋଧପୁର ଓ ବିକାନେର ଅଞ୍ଚଳର ଅଧିକାଂଶ ଭାଗରେ ଆଗାମୀ ୩ଦିନରେ ଘଣ୍ଟା ପ୍ରତି ୭୦-୮୦ କିଲୋମିଟର ବେଗରେ ପବନ ବହି ପାରେ । ଏହାସହ ପ୍ରବଳ ବର୍ଷା ସହ ଘଡ଼ଘ଼ଡ଼ି ଓ କୁଆପଥର ବୃଷ୍ଟିର ସମ୍ଭାବନା ମଧ୍ୟ ରହିଛି।
ପାଣିପାଗ ବିଭାଗ ସୂଚନା ଅନୁସାରେ, ଏହି ସମୟରେ ବିକାନେର ଓ ନାଗୌର ସହ ଆଖପାଖର ଜିଲ୍ଲାରେ ପ୍ରତିଘଣ୍ଟା ୧୧୦ କିଲୋମିଟର ବେଗରେ ପବନ ବହୁଛି। ଫଳରେ ଏହି ସବୁ ଅଞ୍ଚଳରେ ଖୁବ୍ କ୍ଷତି ଘଟିଛି । କୋଠା ଘର ଭାଙ୍ଗି ଯାଇଛି।
wp:heading {"level":1}
