ନୁଆଦିଲ୍ଲୀ ୨୬/୭: ଏଚଇଜି ଲିମିଟେଡର ଚେୟାରମ୍ଯାନ୍ ତଥା ଚିଫ୍ ମ୍ୟାନେଜିଂ ଡାଇରେକ୍ଟର ରବି ଝୁନଝୁନୱାଲାଙ୍କୁ ଆର୍ଥିକ ବର୍ଷ ୨୦୧୮-୧୯ରେ ୧୨୧.୩୭ କୋଟି ଟଙ୍କାର ଦରମା ମିଳିଛି । ମିଡିଆ ରିପୋର୍ଟ୍ସ ଅନୁସାରେ କମ୍ପାନୀର ଆର୍ଥିକ ବର୍ଷରେ ସମସ୍ତ କର୍ମଚାରୀଙ୍କୁ ଦିଆଯାଇଥିବା ଦରମାର ମୂଲ୍ଯ ୧୯୮ କୋଟି ଟଙ୍କା । ଏବଂ ଏଥିରୁ କେବଳ ୧୨୧ କୋଟି ଟଙ୍କା କେବଳ ଝୁନଝୁନୱାଲାଙ୍କର ।

ଇକୋନୋମିକ୍ସ ଟାଇମ୍ସରେ ଛପାଯାଇଥିବା ଖବର ଅନୁସାରେ ଅନେକ କର୍ପୋରେଟର ଗଭର୍ନେନ୍ସ ଫର୍ମ, ଏଚଇଜି ପ୍ରମୁଖଙ୍କ ଏତେ ଟଙ୍କା ଦରମା ନେଇ ପ୍ରଶ୍ନ ଉଠାଇଛନ୍ତି । ପ୍ରମୋଟର୍ସ ଓ ସେୟାରହୋଲ୍ଡରଙ୍କ ସାଲାଲୀ ବହୁତ ଅଧିକ ହେବା ଉଚିତ୍ ନୁହେଁ ଏବଂ ଲାଭାଶଂକୁ ସବୁ ସେୟାରହୋଲ୍ଡରଙ୍କ ମଧ୍ୟରେ ଡେବିଣ୍ଡେଣ୍ଡ ରୂପେ ବାଣ୍ଟିବା ଉଚିତ୍ । କମ୍ପାନୀ ଅଧିନିୟମ ୨୦୧୩ ଅନୁସାରେ କୌଣସି କମ୍ପାନୀର ମ୍ଯନେଜର ଶୁଦ୍ଧ ଲାଭାଶଂର ୫ ପ୍ରତିଶତରୁ ଅଧିକ ବେତନ ନେଇପାରିବ ନାହିଁ ।

ଗତ ଆର୍ଥିକ ବର୍ଷରେ ଗ୍ରାଫାଇଟର ମୂଲ୍ୟ ବୃଦ୍ଧି ପାଇବା ଫଳରେ କମ୍ପାନୀର ଲାଭାଶଂରେ ମଧ୍ୟ ଅନେକ ବୃଦ୍ଧି ପାଇଥିଲା । ମାର୍ଚ୍ଚରେ ଶେଷ ଆର୍ଥିକ ବର୍,ରେ ଏଚଇଜିର ବିକ୍ରି ୧୪୦ ପ୍ରତିଶତ ବୃଦ୍ଧି ପାଇଁ ୬୫୯୩ କୋଟି ଟଙ୍କା ହୋଇଯାଇଛି । ଅନ୍ଯପଟେ କମ୍ପାନୀର ମୁନାଫା ୧୭୫ ପ୍ରତିଶତ ବଢି ୩୦୨୬ କୋଟି ଟଙ୍କାରେ ପହଞ୍ଚିଯାଇଛି ।

କଣ କରେ ଏଚଇଜି ?
ଏଲଏନଜି ଭୀଲୱାଡା ସମୁହର କମ୍ପାନୀ ଏଚଇଜି ଲିମିଟେଡ୍ ଗ୍ରାଫାଇଟ୍ ଇଲେକ୍ଟ୍ରୋଡର ଉତ୍ପାଦନ କରିଥାଏ । ଝୁନଝୁନୱାଲାଙ୍କୁ କମ୍ପାନୀର ନିୟମାନୁସାରେ ମୁନାଫାର ୨.୫ ପ୍ରତିଶତ ପର୍ଯ୍ୟନ୍ତ କମିଶନ ଦିଆଯାଇଥାଏ । ସେଥିପାଇଁ ତାଙ୍କ ଦରମାରେ ପ୍ରାୟ ୧୧୯ କୋଟି ଟଙ୍କା କେବଳ କମିଶନ୍ ରୂପେ ଦିଆଯାଏ ।

ଇକୋନୋମିକ୍ ଟାଇମ୍ସ ଅନୁସାରେ ୨୦୧୭-୧୮ରେ ଝୁନଝୁନୱାଲାଙ୍କ ବାର୍ଷିକ ଦରମା କେବଳ ୪୩.୩୩ କୋଟି ଟଙ୍କା ଥିଲା । କିନ୍ତୁ ଝୁନଝୁନୱାଲାଙ୍କ ଏହି ଦରମାକୁ ନେଇ ସେୟାରହୋଲ୍ଡର ଓ କର୍ପୋରେଟ୍ ଗଭର୍ନାନ୍ସ ଫର୍ମଙ୍କ ମଧ୍ଯରେ ଚିନ୍ତା ବଢିଯାଇଛି ।