ନୂଆଦିଲ୍ଲୀ,୩୦।୬: ହିମାଚଳ ପ୍ରଦେଶରେ ଲଗାତାର ମୂଷଳଧାରରେ ବର୍ଷା ଲାଗି ରହିଛି। ମିଳିଥିବା ସୂଚନା ଅନୁସାରେ, ରାଜ୍ୟରେ ୨୨ ଭୂସ୍ଖଳନ ସମ୍ଭାବିତ ସ୍ଥାନକୁ ଚିହ୍ନଟ କରାଯାଇଛି। ତା ମଧ୍ୟରୁ ୧୭ଟିରେ ଭୂସ୍ଖଳନ ବିପଦ ଅଧିକ ରହିଛି। ସେଭଳି ଆଉ ଏକ ସ୍ଥାନକୁ ବହୁତ ଅଧିକ ବିପଦ ଶ୍ରେଣୀରେ ରଖାଯାଇଛି।
ଏହି ରିପୋର୍ଟ ରାଜ୍ୟର ବିଭିନ୍ନ ଜିଲ୍ଲାର ସମ୍ବେଦନଶୀଳ ଅଞ୍ଚଳରେ ୩୦ ଜୁନ୍ ପର୍ଯ୍ୟନ୍ତ ପ୍ରାପ୍ତ ସୂଚନା ଉପରେ ଆଧାରିତ। କାଙ୍ଗଡା ଜିଲ୍ଲା ସର୍ବାଧିକ ବିପଦ ଶ୍ରେଣୀରେ ରହିଛି। ଯାହାକି ବର୍ତ୍ତମାନ ସବୁଠାରୁ ସମ୍ବେଦନଶୀଳ ଜୋନ୍ ଘୋଷଣା କରାଯାଇଛି।
ମୋଟ ଭାବରେ ମଣ୍ଡି ଜିଲ୍ଲାର ୧୫ଟି ସ୍ଥାନ ରହିଛି। ଏଥିରେ ପ୍ରସିଦ୍ଧ ଟୁରିଷ୍ଟ ସ୍ପଷ୍ଟ ପରାଶର, ଗ୍ରିଫାନ୍ ପିକେ-୧ ରୁ ୧୦ ପର୍ଯ୍ୟନ୍ତ, ମନାଲି ଓ ବିଶ୍ବକର୍ମା ମନ୍ଦିର ମଧ୍ୟ ରହିଛି। ସେଭଳି କାଙ୍ଗଡା ଜିଲ୍ଲାର ୪, ଶିମଲାର ୨ ଓ ସୋଲାନର ଗୋଟିଏ ‘ଉଚ୍ଚ ବିପଦ’ ସ୍ଥାନ ରହିଛି। କାଙ୍ଗଡା ଜିଲ୍ଲା ମୁଖ୍ୟାଳୟ ଧର୍ମଶାଳା ଓ ଶିମଲା ଜିଲ୍ଲାର ଜତୋଙ୍ଗ ମଧ୍ୟ ଖୁବ୍ ବିପଦରେ ରହିଛି। ରାଜ୍ୟ ବିପର୍ଯ୍ୟୟ ମୁକାବିଲା ବିଭାଗ ଅନୁସାରେ ୨୦ ରୁ ୩୦ ଜୁନ୍ ଭିତରେ ରାଜ୍ୟରେ ୪୪ ଲୋକଙ୍କର ଜୀବନ ବର୍ଷା ଯାଇସାରିଲାଣି। ସେଭଳି ୮୨ ଜଣ ଆହତ ହୋଇଛନ୍ତି। ରାଜ୍ୟରେ ପ୍ରାୟ ୭୫ କୋଟି ଟଙ୍କାର କ୍ଷତି ହୋଇସାରିଛି।
