PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : ମେଲାଣି ନେବେ ମା’, ଟ୍ଵିନ୍ ସିଟିରେ ମୁତୟନ ହେବେ ୧୭ ପ୍ଲାଟୁନ ଫୋର୍ସ
  • ||
  • କୋଲକାତା : ଦୁର୍ଗା ଭସାଣି ବେଳେ ଫ୍ଲାସ ଫ୍ଲଡ୍, ୭ ମୃତ, ୪୦ ନିଖୋଜ
  • ||
  • ଭୁବନେଶ୍ଵର : ରାଜ୍ୟରେ ଖସୁଛି କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ୪୯ ପଜିଟିଭ୍ ଚିହ୍ନଟ
  • ||

ଇତିହାସ ରଚିଲେ ସମ୍ଭବ ସ୍ୱାଭିମାନ: ମାତ୍ର ୨ ମାସ ବୟସରେ ମାରାଥନରେ ଭାଗ ନେଲେ

ଭୁବନେଶ୍ୱର, ୯ ।୨ (ବ୍ୟୁରୋ): ଯେଉଁ ବୟସରେ ଶିଶୁଟିଏ ଦୁନିଆକୁ ଭଲ କରି ଦେଖିବା ଶିଖୁ ଥାଏ ସେହି ବୟସରେ କୌଣସି ମାରାଥନରେ ଭାଗ ନେବା ଅତି ବିରଳ ଘଟଣା । ମାତ୍ର ୭୨ ଦିନ (୨ ମାସ ୧୨ ଦିନ)ରେ ଭୁବନେଶ୍ୱର ଏସ୍‌ବିଆଇ ଗ୍ରୀନ ମାରାଥନରେ ଅଂଶ ଗ୍ରହଣ କରି ଇତିହାସ ରଚିଛନ୍ତି ସମ୍ଭବ ସ୍ୱାଭିମାନ ନନ୍ଦ । ଏହି ମାରାଥନରେ ସେ ଥିଲେ ସର୍ବକନିଷ୍ଠ ପ୍ରତିଯୋଗୀ । ପ୍ରତିଯୋଗିତାରେ ତାଙ୍କର ରେଜିଷ୍ଟ୍ରେସନ ନମ୍ବର ଥିଲା ୮୦୩୦୩ । ବାପା ଅଜୟ କୁମାର ନନ୍ଦ ଏକ ଷ୍ଟ୍ରୋଲରରେ ତାଙ୍କୁ ଧରି ୫ କି.ମି ଦୌଡ଼ିଥିଲେ ।
ଏସ୍‌ବିଆଇ ଗ୍ରୀନ ମାରାଥନରେ ୩୦୦୦ରୁ ଊଦ୍ଧ୍ୱର୍ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ମାତ୍ର ଅଜୟ ଓ ତାଙ୍କ ପୁତ୍ର ସମ୍ଭବ ସ୍ୱାଭିମାନ ଥିଲେ ସମସ୍ତଙ୍କ ଆକର୍ଷଣର କେନ୍ଦ୍ରବିନ୍ଦୁ । ଅଜୟ କହିଛନ୍ତି, ପିଲାଙ୍କୁ ନେଇ ‘ଷ୍ଟ୍ରୋଲର ରନ୍‌’ ଏବେ ସାରା ବିଶ୍ୱରେ ବେଶ ଲୋକପ୍ରିୟତା ହାସଲ କଲାଣି । ଭାରତୀୟମାନେ ମଧ୍ୟ ଏହାକୁ ବହୁ ମାତ୍ରାରେ ଗ୍ରହଣ କଲେଣି । ଦୁବାଇ, ବୋଷ୍ଟନ ପ୍ରଭୃତି ମାରାଥନରେ ନିଜ ପିଲାଙ୍କୁ ନେଇ ବାପା, ମା’ମାନେ ‘ଷ୍ଟ୍ରୋଲର ରନ୍‌’ କରିବା ଦେଖିଛି । ତାହା ହିଁ ମୋତେ ଏହି ମାରାଥନରେ ମୋ କୁନି ପୁଅକୁ ନେଇ ଦୌଡ଼ିବା ପାଇଁ ପ୍ରୋତ୍ସାହିତ କରିଥିଲା । ତେବେ ଏତେ ଛୋଟ ପିଲାଙ୍କୁ ନେଇ ଦୌଡ଼ିବା ଏକ ରେକର୍ଡ କହିଲେ ଠିକ୍‌ ହେବ । ଭାବୁଛି ଅନ୍ୟମାନେ ମଧ୍ୟ ଏହାକୁ ଗ୍ରହଣ କରିବେ ।’ ଅଜୟ ଓ ତାଙ୍କ ପୁତ୍ର ସମ୍ଭବ ସ୍ୱାଭିମାନ ୫ କି.ମି ଦୂରତାକୁ ୪୫.୩୨ ସେକେଣ୍ଡରେ ଅତିକ୍ରମ କରିଥିଲେ । ଯାହା ଏକ ରେକର୍ଡ ବୋଲି କୁହାଯାଇ ପାରିବ । ସମ୍ଭବ ସ୍ୱାଭିମାନ ହେଉଛନ୍ତି ଲୋପାମୁଦ୍ରା ପତି ନନ୍ଦ ଓ ଅଜୟଙ୍କ ପ୍ରଥମ ସନ୍ତାନ । ସେ ୨୦୧୮ ନଭେମ୍ବର ୨୧ ତାରିଖରେ ଜନ୍ମ ହୋଇଥିଲେ ।

ସମ୍ବନ୍ଧିତ ଖବର