ଆମେରିକାର ବାଣିଜ୍ୟ ସଚିବ ଖେଳିଲେ ହୋଲି, ରାଜନାଥ ସିଂହଙ୍କ ସହ ନାଚି ଲୋକଙ୍କ ମନ ଜିଣିଲେ
ନୂଆଦିଲ୍ଲୀ,୮।୩: ପୁରା ଦେଶରେ ପର୍ବ ଖୁବ୍ ଧୂମଧାମ୍ରେ ପାଳନ କରାଯାଉଛି। ଦେଶ ପୁରା ହୋଲିର ରଙ୍ଗରେ ବୁଡି ରହିଛି। ସେଭଳି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ନୂଆଦିଲ୍ଲୀ ସ୍ଥିତ ବାସଭବନରେ ଜୋରଦାର ହୋଲି ପର୍ବ ପାଳନ କରିଛନ୍ତି। ଏହି ଉତ୍ସବରେ ଆମେରିକାର ବାଣିଜ୍ୟ ସଚିବ ଜିନା ରାୟମୋଣ୍ଡୋ ମଧ୍ୟ ସାମିଲ ହୋଇଥିଲେ। ପ୍ରତିରକ୍ଷାମନ୍ତ୍ରୀଙ୍କ ଦ୍ବାରା ଇନଷ୍ଟାଗ୍ରାମ୍ରେ ସେୟାର କରାଯାଇଥିବା ଏକ ଭିଡିଓରେ ସେ ତାଙ୍କ ସହ ଖୁବ୍ ସୁନ୍ଦର ଡ୍ୟାନ୍ସ କରୁଥିବାର ଦେଖାଯାଉଛନ୍ତି। ଦୁହିଁଙ୍କ ଡ୍ୟାନ୍ସ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି। ଏହି ଭିଡିଓକୁ ଏପର୍ଯ୍ୟନ୍ତ ୫ ହଜାରରୁ ଅଧିକ ଲୋକଙ୍କ ଦେଖିବା ସହ ତାଙ୍କୁ ପ୍ରଶଂସା ମଧ୍ୟ କରିଛନ୍ତି।
ଦିଲ୍ଲୀରେ ପ୍ରତିରକ୍ଷା ମନ୍ତ୍ରୀ ଓ ବିଜେପିର ବରିଷ୍ଠ ନେତା ରାଜନାଥ ସିଂହଙ୍କ ସରକାରୀ ବାସଭବନରେ ହୋଲି ପର୍ବ ପାଳନ କରାଯାଇଥିଲା। ଏଥିରେ ଆମେରିକାର ଶୀର୍ଷ ଅଧିକାରୀ ମଧ୍ୟ ସାମିଲ ହୋଇଥିଲେ। ଏହି ଅବସରରେ ଦେଶର ବୈଦେଶିକ ମନ୍ତ୍ରୀ, ଖେଳମନ୍ତ୍ରୀ, ଆଇନମନ୍ତ୍ରୀଙ୍କ ସହିତ ବହୁ ନେତା ମଧ୍ୟ ଉପସ୍ଥିତ ଥିଲେ। ଆମେରିକାର ବାଣିଜ୍ୟ ସଚିବ ଜିନା ରାମମୋଣ୍ଡୋଙ୍କୁ ଅତିଥୀ ଭାବରେ ନିମନ୍ତ୍ରଣ କରାଯାଇଥିଲା।
Delighted to host the United States Secretary of Commerce, Ms. Gina Raimondo on the auspicious occasion of Holi at my official residence. pic.twitter.com/O9B0WX5sE8
— Rajnath Singh (@rajnathsingh) March 8, 2023
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ନିଜର ଅଫିସିଆଲ ଇନଷ୍ଟାଗ୍ରାମ୍ ଆକାଉଣ୍ଟରେ ହୋଲିର ଭିଡିଓ ସେୟାର କରି ଲେଖିଛନ୍ତି, ହୋଲିର ଶୁଭ ଅବସରରେ ନିଜରସରକାରୀ ବାସଭବନରେ ଆମେରିକାର ବାଣିଜ୍ୟ ସଚିବ ସୁଶ୍ରୀ ଜିନ୍ନା ରାୟମୋଣ୍ଡୋଙ୍କୁ ନିମନ୍ତ୍ରଣ କରିଥିବାରୁ ଖୁସି ଲାଗୁଛି। ସେଭଳି ପ୍ରତିରକ୍ଷାମନ୍ତ୍ରୀ ହୋଲି ଅବସରରେ ଡକାଇଥିବା ଓ ଉତ୍ସବରେ ସାମିଲ ହେବାପରେ ଆମେରିକା ସଚିବ ଏଏନ୍ଆଇ ସହିତ କଥା ହୋଇ କହିଛନ୍ତି, ଏଭଳି ଛୁଟିରେ ଏଠାକୁ ବସିବା ମୋ ପାଇଁ ସମ୍ମାନର କଥା। ମନ୍ତ୍ରୀ ମୋର ବହୁତ ସ୍ବାଗତ/ ସମ୍ମାନ କଲେ, ଏହା ଖୁବ୍ ସୁନ୍ଦର। ହୋଲିର ଅଭିନନ୍ଦନ !
