ବେଙ୍ଗାଲୁରୁ,୧୯/୦୨: ଶାଶୂ-ବୋହୂ ଏମିତି ଏକ ସମ୍ପର୍କ ଯାହା ଖଟାମିଠା ଭରା ହୋଇଥାଏ । ମାତ୍ର ଆମେ ଆପଣଙ୍କୁ ଏମିତି ଏକ ଘଟଣା ବିଷୟରେ କହିବୁ ଯାହା ଜାଣି ଆଶ୍ଚର୍ଯ୍ୟ ହୋଇଯିବେ । ଜଣେ ବୋହୂ ତାଙ୍କ ଶାଶୂଙ୍କୁ ଏତେ ଘୃଣା କରନ୍ତି ଯେ ହତ୍ୟା କରିବାକୁ ଡାକ୍ତରଙ୍କଠୁ ପରାମର୍ଶ ନେଇଥିବା ଖବର ସମ୍ନାକୁ ଆସିଛି । କର୍ଣ୍ଣାଟକ ବେଙ୍ଗାଲୁରୁର ଜଣେ ମହିଳା ତାଙ୍କ ଶାଶୂଙ୍କୁ ହତ୍ୟା କରିବାକୁ ଡାକ୍ତରଙ୍କୁ ହ୍ବାର୍ଟ୍ସଅପରେ ମେସେଜ କରି ଟିପ୍ସ ମାଗିଥିବା ଜଣାପଡିଛି । କିଛି ଏମିତି ଔଷଧ ଅଛି କି ଯାହାକୁ ଖାଇଲେ ତାଙ୍କର ମୃତ୍ୟୁ ହେବ ବୋଲି ଡାକ୍ତରଙ୍କୁ ପଚାଲିଥିଲେ ମହିଳା ଜଣଙ୍କ । ଏହା ପରେ ଡାକ୍ତର ତୁରନ୍ତ ପୋଲିସକୁ ଖବର ଦେଇଥିବା ଜଣାପଡିଛି ।
ମେସେଜ ଆସିଥିବା ଡାକ୍ତର ସୁଶୀଳ କୁମାର ପୋଲିସକୁ କହିଛନ୍ତି, କିଛି ଦିନ ତଳେ ମୋତେ ଇନଷ୍ଟାଗ୍ରାମରେ ସହାନା ନାମକ ଜଣେ ମହିଳା ଫଲୋ ରିକ୍ୟୁଏଷ୍ଟ ପଠାଇଥିଲେ । ସେ ପ୍ରଥମେ ରୋଗୀ ହୋଇ ମୋ ସହ ଚାର୍ଟରେ କଥା ହୋଇଥିଲେ । ଏହା ପରେ ସେ ମୋ ନମ୍ବର ମାଗିଥିଲେ । ମୁଁ ବି ତାଙ୍କୁ ନମ୍ବର ଦେଇଥିଲି । ଏହାପରେ ଫେବୃଆରୀ ୧୭ ତାରିଖରେ ଯେଉଁ ମେସେଜ ଆସିଲା ତାହା ମୁଁ ପଢି ଆଶ୍ଚର୍ଯ୍ୟ ହୋଇଗଲି । ସେ ମେତେ ମେସଜରେ କହିଲେ କି, ସାହାନା-''ହ୍ୟାଲୋ ସାର୍ । ମୁଁ ଆପଣଙ୍କୁ କିଛି କହିବାକୁ ଚାହୁଁଛି ମାତ୍ର ଡର ମାଡୁଛି କି ଆପଣ ମୋ ଉପରେ କାଳେ ଚିତ୍କାର କରିବେ । ଡାକ୍ତର-କୁହନ୍ତୁ କଣ କହିବେ ? ସାହାନା-ମୋତେ ଡର ଲାଗୁଛି । ଡାକ୍ତର- ଆରେ ନା ଡରନ୍ତୁ ନାହିଁ କୁହନ୍ତୁ । ସାହାନା- ମୋତେ ଏମିତି ଏକ ଔଷଧ ଦିଅନ୍ତୁ ମୋ ଶାଶୂଙ୍କୁ ହତ୍ୟା କରିପାରିବି । ଡାକ୍ତର- ହତ୍ୟା ? ସାହାନା- ମୋ ଶାଶୂ ମୋତେ ବହୁତ ନିର୍ଯ୍ୟାତନା ଦେଉଛନ୍ତି । ମୁଁ ଆଉ ସହି ପାରୁନାହିଁ । ଡାକ୍ତର-ମୁଁ ଜଣେ ଡାକ୍ତର ଆମ କାମ ଲୋକଙ୍କ ଜୀବନ ବଞ୍ଚାଇବା ନେବା ନୁହେଁ ।
ଅଧିକ ପଢନ୍ତୁ...ଭାରସାମ୍ୟ ହରାଇ ବାଇକ୍କୁ ଧକ୍କା ଦେଲା ସ୍କର୍ପିଓ, ୬ ମୃତ
ମହିଳା ଜଣଙ୍କ କରିଥିବା ମେସେଜର ସ୍କ୍ରିନସଟ ନେଇଥିଲେ ଡାକ୍ତର । ଏହି ସ୍କ୍ରିନସଟ୍ ସୋସିଆଲ ମିଡିଆରେ ଭାଇରାଲ ହେଉଛି । ମହିଳାଙ୍କ ମେସେଜ ପଢି ଡାକ୍ତରଙ୍କ ହୋସ୍ ଉଡିଯାଇଥିଲା । ଏହାପରେ ସେ ପୋଲିସକୁ ସୂଚନା ଦେଇଥିଲେ । ମହିଳା ଜଣକ କିଏ ତାହା ଡାକ୍ତରଙ୍କୁ ଜଣାନାହିଁ । କାରଣ ମହିଳା ଜଣଙ୍କ ମେସେଜକୁ ଡିଲିଟ କରି ଡାକ୍ତରଙ୍କ ନମ୍ବରକୁ ବ୍ଲକ କରି ଦେଇଛନ୍ତି । ସଞ୍ଜୟ ନଗର ଥାନା ପୋଲିସ ମାମଲା ରୁଜ୍ଜୁ କରି ତଦନ୍ତ ଆରମ୍ଭ କରିଛି ।
