ନୂଆଦିଲ୍ଲୀ,୧୨/୧୧: ଆଇପିଏଲରେ ଲକ୍ଷ୍ନୌ ସୁପରଜାଏଣ୍ଟସର ଅଧିନାୟକ ନିଯୁକ୍ତ ଥିବା କେଏଲ ରାହୁଲ ଆସନ୍ତା ଆଇପିଏଲ ୨୦୨୫ରେ ଲକ୍ଷ୍ନୌ ପାଇଁ ଖେଳିବେ ନାହିଁ ବୋଲି ନିଶ୍ଚିନ୍ତ ହୋଇଛି । ସୁପରଜାଏଣ୍ଟସ ଜାରି କରିଥିବା ରିଟେନ ତାଲିକାରେ ରାହୁଲଙ୍କ ନାମ ନଥିଲା । ପୂର୍ବ ସିଜନରେ ଦଳର ନୈରାଶ୍ୟଜନକ ପ୍ରଦର୍ଶନ ନେଇ ତାଙ୍କୁ ଫ୍ରାଞ୍ଚାଇଜ ବାଦ ଦେଇଥିବା ଆଲୋଚନା ହୋଇଥିଲା । ମାତ୍ର ରାହୁଲ ନିଜେ ଓହରି ଯାଇଥିବା ପରବର୍ତ୍ତୀ ସମୟରେ ଜଣାପଡିଥିଲା । ତେବେ ଏ ବାବଦରେ ମୁହଁ ଖୋଲିଛନ୍ତି କେଏଲ ରାହୁଲ ।
ସାକ୍ଷାତକାରରେ କେଏଲ ରାହୁଲ କହିଛନ୍ତି, ନୂଆ ଦଳରେ ନିଜକୁ ସାମିଲ କରିବାକୁ ଚାହୁଁଛି । ପୂର୍ବ ଘଟଣାକୁ ଭୁଲି ନୂଆ ଆରମ୍ଭ କରିବାକୁ ଚାହୁଁଛି । ଏମିତି ଏକ ଦଳରେ ଯୋଗ ଦେବାକୁ ଚାହୁଁଛି ଯେଉଁଠି ମୋତେ ସ୍ବାଧୀନତା ମିଳିବ । ଯେଉଁଠି ମୋତେ ମାନସିକ ଶାନ୍ତି ମିଳିବ । ଯେଉଁଠି ନିଜ ପାଇଁ ଭଲ ହେବ ସେହି ଦଳ ପାଇଁ ଖେଳିବାକୁ ଆଶା ରଖିଛି ।
ସୂଚନାଅନୁସାରେ, ଗତ ଆଇପିଏଲରେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଏକ ମ୍ୟାଚରେ କ୍ୟାଚ ସମୟରେ ରାହୁଲ ଓ ଏଲଏସଜି ମାଲିକ ସଞ୍ଜୀବ ଗୋଏଙ୍ଗାଙ୍କ ମଧ୍ୟରେ କଥା କଟାକଟି ହୋଇଥିଲା । ଏହାସହିତ ରାହୁଲ ଓ ସଞ୍ଜୟଙ୍କ ମଧ୍ୟରେ ଯୁକ୍ତିତର୍କ ହେଉଥିବାର ଏକ ଭିଡିଓ ମଧ୍ୟ ସାମ୍ନାକୁ ଆସିଥିଲା । କେଏଲ ରାହୁଲ ଲକ୍ଷ୍ନୌ ସୁପରଜାଏଣ୍ଟସ ପାଇଁ ୨୦୨୪ ଆଇପିଏଲ ସଂସ୍କରଣରେ ୧୪ଟି ମ୍ୟାଚ ଖେଳିଥିଲେ । ରାହୁଲଙ୍କ ଆଇପିଏଲ ସ୍କୋର ୫୨୦ ରହିଛି ।
