ମୁମ୍ବାଇ,୦୧/୧୨: ପ୍ରସିଦ୍ଧ ଅଭିନେତ୍ରୀ ତଥା କ୍ରିକେଟ ହୋଷ୍ଟ ମନ୍ଦିରା ବେଦୀ । ଆକ୍ଟିଙ୍ଗ୍ ହେଉ କି ଉପସ୍ଥାପନା ସବୁ ଥିଲେ ଚାରଚାନ୍ଦ ଲଗାଇ ଦିଅନ୍ତି । ନିକଟରେ ସେ ତାଙ୍କ ଜୀବନକୁ ନେଇ ଚକିତ କରିଦେବା ଭଳି କଥାର ଖୁଲାସା କରିଛନ୍ତି । ୨୦୦୩ ମସିହାରେ କ୍ରିକେଟ ବିଶ୍ବକପ ସମୟରେ ସେ ଭେଦଭାବର ଶିକାର ହୋଇଥିବା କହିଛନ୍ତି ।
ଟେଲିଭିଜନ ଓ ବଲିଉଡର ଜଣାଶୁଣା ଚେହେରା ମନ୍ଦିରା ବେଦୀ ଅଭିନୟ ସହିତ କ୍ରିକେଟ ହୋଷ୍ଟ ଭାବେ ବେଶ୍ ପ୍ରସିଦ୍ଧି ଲାଭ କରିଛନ୍ତି । ଟିଭି ସିରିଏଲ ସହ ଅନେକ ବଲିଉଡ ଫିଲ୍ମରେ ସାନଦାର ଭୂମିକା ନିଭାଇଥିବା ମନ୍ଦିରା ବେଦୀ ପରବର୍ତ୍ତୀ ସମୟରେ ଜଣେ ଦକ୍ଷ କ୍ରିକେଟ ଉପସ୍ଥାପକ ଭାବେ ସାମ୍ନାକୁ ଆସିଥିଲେ । ଯାହା ସମସ୍ତଙ୍କୁ ଚମକାଇ ଦେଇଥିଲା । ବର୍ତ୍ତମାନ ତୁଳନାରେ ପୂର୍ବରୁ ଖୁବ କମ୍ ମହିଳା କ୍ରିକେଟ ହୋଷ୍ଟ ଦେଖିବାକୁ ମିଳୁଥିଲେ । ମନ୍ଦିରା ବେଦୀ କେବଳ କ୍ରିକେଟ ହୋଷ୍ଟ କରୁନଥିଲେ ବରଂ ଏକ୍ସପର୍ଟ କାମ ମଧ୍ୟ ତୁଲାଉଥିଲେ । ମାତ୍ର ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ମନ୍ଦିରା ବେଦୀଙ୍କୁ ପ୍ରଥମେ ଖେଳ ଜଗତରେ ଭେଦଭାବର ଶିକାର ହେବାକୁ ପଡିଥିଲା । ନିକଟରେ ମନ୍ଦିରା ବେଦୀ ଏକ ସାକ୍ଷାତକାର ଦେଇଥଲେ ଯେଉଁଥିରେ ଏହି ଖୁଲାସା କରିଛନ୍ତି ।
ଆକ୍ଟିଂରୁ ହୋଷ୍ଟିଂ ଯାତ୍ରା...
ମନ୍ଦିରାଙ୍କୁ ପିଲାଦିନୁ କ୍ରିକେଟ ସଉକ ଥିଲା । ସାଙ୍ଗଙ୍କ ସହିତ କ୍ରିକେଟ ବିଷୟରେ କଥା ହେଉଥିଲେ । ୨୦୦୨ରେ ଭାରତ- ଇଲଣ୍ଡକୁ ହରାଇ ଚମ୍ପିଆନ୍ସ ଟ୍ରଫି ସେମିଫାଇନାଲରେ ପ୍ରବେଶ କରିଥିଲା । ଏହି ମ୍ୟାଚ ଦେଖିବାକୁ ମନ୍ଦିରା ତାଙ୍କ ବନ୍ଧୁଙ୍କୁ ଟିକେଟ ମାଗିଥିଲେ ଏବଂ ଶ୍ରୀଲଙ୍କାର କଲୋମ୍ବୋ ମ୍ୟାଚ ଦେଖିବାକୁ ପହଞ୍ଚି ଯାଇଥିଲେ । ଏହି ସମୟରେ ଏକ ଘରୋଇ ଟିଭି ଚ୍ୟାନେଲର ମୁଖ୍ୟ ତାଙ୍କୁ ଦେଖିଥିଲେ । ଦୁହିଁଙ୍କ ମଧ୍ୟରେ କ୍ରିକେଟକୁ ନେଇ ଦୀର୍ଘ ସମୟ ଆଲୋଚନା ହୋଇଥିଲା । ଏହା ପରେ ମନ୍ଦିରାଙ୍କୁ ୨୦୦୩ କ୍ରିକେଟ ବିଶ୍ବକପ ହୋଷ୍ଟ କରିବାକୁ କଲ୍ ଆସିଥିଲା ।
ହଜାର ହଜାର ଝିଅ ଏ ନେଇ ଅଡିସନ ଦେଇଥିଲେ । ମାତ୍ର ମନ୍ଦିରା ବେଦୀଙ୍କୁ ହୋଷ୍ଟ କରିବାର ସୁଯୋଗ ମିଳିଥିଲା । କ୍ରିକେଟ ହୋଷ୍ଟ କରିବା ସହିତ ପ୍ୟାନେଲ ଆଲୋଚନାରେ ସାମିଲ ହେଉଥିଲେ ମନ୍ଦିରା । ପ୍ୟାନେଲେର ବସୁଥିବା ବଡ ବଡ ଲୋକଙ୍କୁ ଏହା ହଜମ ହେଲା ନାହିଁ । ସେ କିଛି ପ୍ରଶ୍ନ କରୁଥିଲେ ତାଙ୍କ ପ୍ରଶ୍ନକୁ ଅଣଦେଖା କରାଯାଉଥିଲା । ଜଣେ ମହିଳା ହୋଷ୍ଟ ଭାବରେ ତାଙ୍କୁ ସ୍ବାକୀର କରି ପାରିନଥିଲେ । ଏହାକୁ ନେଇ ମୁଁ ବହୁତ ଚିନ୍ତିତ ଥିଲି । ମୋତେ କୌଣସି ସମର୍ଥନ ମିଳିନଥିଲା । କ୍ରିକେଟ ସହ ଜଡିତ ସାଧାରଣ ପ୍ରଶ୍ନ କରିବାକୁ କୁହାଯାଇଥିଲା ବୋଲି କହିଛନ୍ତି ମନ୍ଦିରା ବେଦୀ ।
୨୦୦୩ରେ କ୍ରିକେଟ ବିଶ୍ବକପ ହୋଷ୍ଟ କରିଥିଲେ ମନ୍ଦିରା ବେଦୀ । ଏହାସହିତ ୨୦୦୪ ଓ ୨୦୦୬ରେ ଚମ୍ପିଆନ୍ସ ଟ୍ରଫି ଏବଂ ଆଇପିଏଲର ଦ୍ବିତୀୟ ସଂସ୍କରଣ କଭର କରିଥିଲେ ।
