ନୂଆଦିଲ୍ଲୀ,୧୫/୧୧: କେଉଁଠି ହେବ ଚମ୍ପିଆନ୍ସ ଟ୍ରଫି ୨୦୨୫ । ଏହାକୁ ନେଇ ବାଦ ବିବାଦ ଚାଲିଛି । ହାଇବ୍ରିଡ ଫର୍ମୁଲାରେ ହେବ ନା ଭାରତ ପାକିସ୍ତାନ ଯିବ ତାର କୌଣସି ସଠିକ ଖବର ଆସିନାହିଁ । ଏହାରି ଭିତରେ ଚମ୍ପିଆନ୍ସ ଟ୍ରଫିକୁ ନେଇ ଆସିଲା ବଡ ଖବର । ଭାରତକୁ ଚମ୍ପିଆନ୍ସ ଟ୍ରଫି ଖେଳିବା ପାଇଁ ପାକିସ୍ତାନକୁ କାହିଁକି ଛାଡିବାକୁ ଅମଙ୍ଗ ବିସିସିଆଇ । ଏହା ପଛର କାରଣ କଣ । ଏ ନେଇ ବିସିସିଆଇକୁ ଲିଖିତ ଭାବେ ବର୍ଣ୍ଣନା କରିବାକୁ କହିଛି ଅନ୍ତର୍ଜାତୀୟ କ୍ରିକେଟ କାଉନସିଲ ।
ପାକିସ୍ତାନ କ୍ରିକେଟ କାଉନସିଲ ଅନୁରୋଧ କ୍ରମେ ଭାରତକୁ ଚମ୍ପିଆନ୍ସ ଟ୍ରଫି ଖେଳିବା ପାଇଁ ପାକିସ୍ତାନକୁ କାହିଁକି ଛାଡିବାକୁ ଅମଙ୍ଗ ବିସିସିଆଇ ତାର ଲିଖିତ ବର୍ଣ୍ଣନା କରିବାକୁ କହିଛି ଆଇସିସି । ଲିଖିତ ଉତ୍ତରରେ ପାକିସ୍ତାନକୁ ପ୍ରମାଣ ମିଳିବ ବୋଲି କୁହାଯାଉଛି । ଯଦି ଭାରତ ଆସିବାକୁ ମନା କରେ ତେବେ ଅନ୍ୟ ଏକ ଦଳକୁ ମେଗା ଟୁ୍ର୍ଣ୍ଣାମେଣ୍ଟରେ ସାମିଲ କରାଯିବ ବୋଲି ବିଶେଷ ସୁତ୍ରରୁ ଜଣାପଡିଛି ।
ଭାରତକୁ ଚମ୍ପିଆନ୍ସ ଟ୍ରଫି ଖେଳିବା ପାଇଁ ପାକିସ୍ତାନକୁ ଛାଡିବାକୁ ଚାହୁଁନାହିଁ ବିସିସିଆଇ । ସେପଟେ ପାକିସ୍ତାନ ହାଇବ୍ରି ମଡେଲରେ ଟୁର୍ଣ୍ଣାମେଣ୍ଟ ଚାହୁଁନାହିଁ । କୁହାଯାଉଛି କି ଯଦି ପାକିସ୍ତାନରେ ପୁରା ଟୁର୍ଣ୍ଣାମେଣ୍ଟ ଖେଳା ନ ଯାଏ ତେବେ ପାକିସ୍ତାନ ଓହରିଯାଇପାରେ । ତେବେ କଣ ନିଷ୍ପତ୍ତି ହେବ ସେ ବିଷୟରେ ବୈଠକ ଚାଲିଛି । ପୂର୍ବରୁ ପାକିସ୍ତାନ ଏସିଆନ ଟ୍ରଫି ଆୟୋଜନ କରିଥିଲା ମାତ୍ର ତାହା ହାଇବ୍ରିଡ ମଡେଲରେ ହୋଇଥିଲା ।
