କରାଚୀ, ୨୧/୦୨: ଚଳିତ ଚାମ୍ପିଅନ୍ସ ଟ୍ରଫି ଗ୍ରୁପ୍ ବି’ରେ ଶୁକ୍ରବାର ଆଫଗାନିସ୍ତାନ ଓ ଦକ୍ଷିଣ ଆଫ୍ରିକା ପରସ୍ପରକୁ ଭେଟିବେ । ଏହି ମ୍ୟାଚ ଜରିଆରେ ଗତ ଦିନିକିଆ ବିଶ୍ୱକପ୍ ଓ ୨୦୨୪ ଟି-ଟ୍ୱେଣ୍ଟି ବିଶ୍ୱକପ୍ ପରାଜୟର ପ୍ରତିଶୋଧ ନେବାକୁ ଆଫଗାନିସ୍ତାନ ଅପେକ୍ଷା କରି ରହିଛି।
ଆଫଗାନିସ୍ତାନ ଆଉ ଦୁର୍ବଳ ଦଳ ଭାବେ ଗଣା ହେଉନି । ଗତ ବର୍ଷ ଦଳ ୪ଟି ଦିନିକିଆ ସିରିଜ ଜିତିଥିଲା । ଦକ୍ଷିଣ ଆଫ୍ରିକା ବିପକ୍ଷରେ ମଧ୍ୟ ଏକ ସିରିଜ ଏଥିରେ ଅନ୍ତର୍ଭୁକ୍ତ । ଦଳ ବେଶ ସନ୍ତୁଳିତ । ବୋଲିଂ ବିଭାଗ ବେଶ ଶକ୍ତିଶାଳୀ । ରସିଦ ଖାନ, ନୂର ଅହମ୍ମଦ ପ୍ରମୁଖ ବିଶ୍ୱର ଶ୍ରେଷ୍ଠ ଲେଗ ସ୍ପିନରମାନଙ୍କ ମଧ୍ୟରେ ଗଣା ହେଉଛନ୍ତି ।
ଦକ୍ଷିଣ ଆଫ୍ରିକା ଅନ୍ୟତମ ଟାଇଟଲ ଦାବିଦାର । ଦଳରେ ଅନେକ ଯୁବ ଖେଳାଳି ରହିଥିଲେ ହେଁ ଦକ୍ଷିଣ ଆଫ୍ରିକା ବେଶ୍ ସନ୍ତୁଳିତ । ଆଡେନ ମାରକ୍ରମ, ହେନରିକ କ୍ଲାସେନ ଓ ଡେଭିଡ ମିଲରଙ୍କ ଭଳି ଦୁର୍ଦ୍ଧର୍ଷ ବ୍ୟାଟର ଏକୁଟିଆ ମ୍ୟାଚ୍ ଜିତାଇବାର କ୍ଷମତା ରଖିଛନ୍ତି । ସେହିପରି କାଗିସୋ ରାବାଡା, ମାର୍କୋ ଜାନସେନ ପ୍ରତିପକ୍ଷ ବ୍ୟାଟିଂ ବିଭାଗ ଧ୍ୱଂସ କରିବାର କ୍ଷମତା ରଖିଛନ୍ତି ।
ଟସ୍ ଜିତିଲେ ଫିଲ୍ଡିଂ: କରାଚୀ ଷ୍ଟାଡ଼ିୟମ୍ର ପିଚ୍ ବ୍ୟାଟିଂ ପାଇଁ ଅନୁକୂଳ । ମାତ୍ର ଟସ୍ ବିଜୟୀ ଦଳ ଫିଲ୍ଡିଂ କରିବା ନିଶ୍ଚିତ । ଦ୍ୱିତୀୟ ଭାଗରେ ବ୍ୟାଟିଂ ସହଜ ହେବ ।
-: ସମ୍ଭାବ୍ୟ ଦଳ :-
ଆଫଗାନିସ୍ତାନ: ଇବ୍ରାହିମ ଜାଡ୍ରାନ, ରହମନୁଲ୍ଲା ଗୁରବାଜ, ରହମତ ଶାହ, ହସମତୁଲ୍ଲା ସାହିଦି (ଅଧିନାୟକ), ଅଜମତୁଲ୍ଲା ଓମାରଜାଇ, ଗୁଲବଦିନ ନାଇବ, ମହମ୍ମଦ ନବି, ରସିଦ ଖାନ, ନୂର ଅହମ୍ମଦ, ନଭିଦ ଜାଡ୍ରାନ, ଫଜଲହକ୍ ଫାରୁକି ।
ଦକ୍ଷିଣ ଆଫ୍ରିକା: ତେମ୍ବା ବଭୁମା (ଅଧିନାୟକ), ଟୋନି ଡି ଜର୍ଜି, ରାଶି ଭାନ ଡର ଡୁସେନ, ଆଡେନ ମାରକ୍ରମ, ହେନରିକ କ୍ଲାସେନ, ଡେଭିଡ୍ ମିଲର, ୱିଆନ ମୋଲ୍ଡର, ମାର୍କୋ ଜାନସେନ, କର୍ବିନ ବସ୍କ, କେଶବ ମହାରାଜ, କାଗିସୋ ରାବାଡା ।
