ନୂଆଦିଲ୍ଲୀ,୧୬/୦୯: ଆୟକର ରିଟର୍ଣ୍ଣ ଦାଖଲ କରିବାକୁ ନେଇ ବଡ଼ ଖବର । ସୋମବାର ଦିନ ଆୟକର ବିଭାଗ ଆୟକର ରିଟର୍ଣ୍ଣ ଦାଖଲ କରିବାର ଶେଷ ତାରିଖକୁ ବୃଦ୍ଧି କରିଛି ଗୋଟିଏ ଦିନ। ସେପ୍ଟେମ୍ବର ୧୬ ତାରିଖରେ କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ ଏକ ବିବୃତ୍ତିରେ କହିଛି ଯେ ୨୦୨୫-୨୬ ବର୍ଷ ପାଇଁ ଆଇଟିଆର ଦାଖଲ କରିବାର ଶେଷ ତାରିଖ ୧୫ ସେପ୍ଟେମ୍ବର ରୁ ୧୬ସେପ୍ଟେମ୍ବରକୁ ବୃଦ୍ଧି କରାଯାଇଛି।
ତେବେ ବିବୃତ୍ତି ଅନୁଯାୟୀ, ସିବିଡ଼ିଟି କହିଛି ଯେ ଉପଯୋଗିତାରେ ପରିବର୍ତ୍ତନ ଆଣିବା ପାଇଁ, ଇ-ଫାଇଲିଂ ପୋର୍ଟାଲ ୧୬ ସେପ୍ଟେମ୍ବର ଦିନ ୧ ୨ ଟାରୁ ଅପରାହ୍ନ ୨ଟା ୩୦ ପର୍ଯ୍ୟନ୍ତ ମେଣ୍ଟେନାନ୍ସ ମୋଡ୍ ରେ ରହିବ। ଚାଟାର୍ଡ ଆକାଉଣ୍ଟାଣ୍ଟ ଏବଂ ସାଧାରଣ ଲୋକମାନେ ସୋସିଆଲ ମିଡିଆରେ ଇ-ଫାଇଲିଂ ପୋର୍ଟାଲରେ ତ୍ରୁଟି ବିଷୟରେ ଅଭିଯୋଗ କରିବା ପରେ ଆଇଟିଆର ସମୟସୀମା ବୃଦ୍ଧି କରାଯାଇଥିଲା। ସୋମବାର ଦିନ ଆୟକର ବିଭାଗ କହିଛି ଯେ, ଏପର୍ଯ୍ୟନ୍ତ ସାତ କୋଟିରୁ ଅଧିକ ଆୟକର ରିଟର୍ଣ୍ଣ ଦାଖଲ କରାଯାଇଛି। ଇଣ୍ଟରନେଟ୍ ବ୍ୟବହାରକାରୀଙ୍କ ଦ୍ୱାରା ପୋର୍ଟାଲରେ ତ୍ରୁଟି ଅଭିଯୋଗ ଏବଂ ସମୟସୀମା ବୃଦ୍ଧି ପାଇଁ ଦାବି ମଧ୍ୟରେ ଏହା କୁହାଯାଇଛି। ସମୟସୀମା ବୃଦ୍ଧି ପାଇଁ ଦାବି ପରେ ବିଭାଗ ଆର୍ଥିକ ବର୍ଷ ୨୦୨୪-୨୫ ପାଇଁ ଆୟକର ରିଟର୍ଣ୍ଣ ଦାଖଲ କରିବାର ସମୟସୀମା ବୃଦ୍ଧି କରିଛି।
ବିଭାଗ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛି, ଏପର୍ଯ୍ୟନ୍ତ ସାତ କୋଟିରୁ ଅଧିକ ITR ଦାଖଲ କରାଯାଇଛି ଏବଂ ଗଣନା ଜାରି ରହିଛି। ଯେଉଁମାନେ ଏପର୍ଯ୍ୟନ୍ତ ୨୦୨୫-୨୬ ମୂଲ୍ୟାଙ୍କନ ବର୍ଷ ପାଇଁ ITR ଦାଖଲ କରିନାହାଁନ୍ତି ସେମାନଙ୍କୁ ସେମାନଙ୍କର ରିଟର୍ଣ୍ଣ ଦାଖଲ କରିବାକୁ ବିଭାଗ ଅନୁରୋଧ କରିଛି। ଗତ ବର୍ଷ, ୩୧ ଜୁଲାଇ ସୁଦ୍ଧା ୭.୨୮କୋଟି ଆଇଟିଆର ଦାଖଲ କରାଯାଇଥିଲା।
ଗତ କିଛି ଦିନ ମଧ୍ୟରେ, ଅନେକ ଚାର୍ଟାର୍ଡ ଆକାଉଣ୍ଟାଣ୍ଟ ଏବଂ ଅନ୍ୟମାନେ ସୋସିଆଲ ମିଡିଆରେ ଦାବି କରିଛନ୍ତି ଯେ ଆୟକର ପୋର୍ଟାଲରେ ଟିକସ ପେମେଣ୍ଟ କରିବା ଏବଂ AIS ଉନଲୋଡ୍ କରିବା ସମୟରେ କିଛି ତ୍ରୁଟି ରହିଛି। ସୋମବାର ଇଣ୍ଟରନେଟ୍ ବ୍ୟବହାରକାରୀମାନେ ମଧ୍ୟ ଅଭିଯୋଗ କରିଛନ୍ତି ଯେ ସେମାନେ ଇ-ଫାଇଲିଂ ପୋର୍ଟାଲରେ ଲଗ୍ ଇନ୍ କରିପାରି ନାହାଁନ୍ତି।
ସେହିପରି ଆଇଟିଆର୍ ଅପଲୋଡ୍ ଏବଂ ଟିକସ ପ୍ରଦାନ କରିବାରେ ସମସ୍ୟା ସମ୍ପର୍କରେ ଅଭିଯୋଗ ଉପରେ, ସୋମବାର ସକାଳେ ଆୟକର ବିଭାଗ କହିଥିଲା ଯେ ଇ-ଫାଇଲିଂ ପୋର୍ଟାଲ ଠିକ୍ ଭାବରେ କାମ କରୁଛି।
