ନୂଆଦିଲ୍ଲୀ – ଭାରତ ନିଜର ଶତ୍ରୁଙ୍କୁ ପୁଣି ଥରେ ଚେତାବନୀ ଦେଇଛି। ଶୁକ୍ରବାର ଭାରତ ମଧ୍ୟମ ଦୂରତ୍ୱର ବାଲିଷ୍ଟିକ୍ ମିସାଇଲ ‘ଅଗ୍ନି-୩’ର ସଫଳ ପରୀକ୍ଷଣ କରିଛି। ପ୍ରତିରକ୍ଷା ମନ୍ତ୍ରଣାଳୟ ଏହି କଥାର ସୂଚନା ପ୍ରଦାନ କରିଛି। ଅଧିକାରୀମାନେ କହିଛନ୍ତି ଯେ, ଏହି ମିସାଇଲର ପରୀକ୍ଷଣ ଓଡ଼ିଶାର ଚାନ୍ଦିପୁର ସ୍ଥିତ ସମନ୍ୱିତ ପରୀକ୍ଷଣ କେନ୍ଦ୍ରରୁ ସଫଳତା ପୂର୍ବକ କରାଯାଇଛି। ପ୍ରକ୍ଷେପଣ ବେଳେ ସବୁ ପରିଚାଳନା ଓ ଟେକ୍ନକାଲ ମାନକର ସଫଳତାପୂର୍ବକ ସତ୍ୟାପନ କରାଯାଇ ଥିଲା। ଏହି ପରୀକ୍ଷଣ ଷ୍ଟ୍ରାଟେଜିକ୍ ଫୋର୍ସେସ୍ କମାଣ୍ଡର ତତ୍ତ୍ୱାବଧାନରେ କରାଯାଇ ଥିଲା।
ଟ୍ରମ୍ପ ପ୍ରସ୍ତୁତ କଲେ ଦୁର୍ଦ୍ଦାନ୍ତ ଅପରାଧିଙ୍କ ତାଲିକା ; ୮୯ ଭାରତୀୟଙ୍କ ନାଁ ରହିଛି ଏହି ଲିଷ୍ଟରେ
ସୂଚନା ମୁତାବିକ, ଅଗ୍ନି-୩ ଏକ ପରମାଣୁ କ୍ଷମତାସଂପନ୍ନ ଇଣ୍ଟରମିଡିଏଟ୍ ରେଞ୍ଜ ବାଲିଷ୍ଟିକ୍ ମିସାଇଲ। ପ୍ରତିରକ୍ଷା ସୂତ୍ରାନୁସାରେ , ଏହାର ସଫଳ ପରୀକ୍ଷଣ ମିସାଇଲ ସିଷ୍ଟମର ବିଶ୍ୱସନୀୟତାକୁ ସ୍ପଷ୍ଟ କରିଛି। ଏହି ମିସାଇଲ ଏକ ଦୁଇ-ଷ୍ଟେଜ୍ ଯୁକ୍ତ ସିଷ୍ଟମ , ଯାହା ସଲିଡ୍ ଫୁଏଲରେ ଚାଲି ଥାଏ। ପ୍ରଥମ ଷ୍ଟେଜର ଇନ୍ଧନ ଶେଷ ହେବା ପରେ, ଦ୍ୱିତୀୟ ଷ୍ଟେଜ୍ ସକ୍ରିୟ ହୋଇଥାଏ ଏବଂ ମିସାଇଲ ସ୍ଥିର ରାସ୍ତାରେ ଲକ୍ଷ୍ୟ ଆଡ଼କୁ ବଢୁଛି। ଏଥିରେ ମିସାଇଲର ସ୍ଥିରତା ଓ ସଠିକତା ସୁନିଶ୍ଚିତ ହୋଇଥାଏ। ସେପଟେ ଏହାର ରେଞ୍ଜ ପରିସର ପାଖାପାଖି ୩,୦୦୦ରୁ ୩,୫୦୦ କିଲୋମିଟର।
