ନୂଆଦିଲ୍ଲୀ,୦୪/୦୮: କ'ଣ ହେବ ଇଣ୍ଡିଆ-ଇଂଲଣ୍ଡ ଟେଷ୍ଟ ରେଜଲ୍ଟ ? ଘରୋଇ ଦଳ ବାଜିମାରିବ ନା ଭାରତ ମ୍ୟାଚ ଡ୍ର କରିବାରେ ସଫଳ ହେବ । ୫ଟି ଟେଷ୍ଟ ମ୍ୟାଚ ଓ ୨୫ ଦିନର ପରିଶ୍ରମ ୩୫ ରନ୍ରେ ଅଟକି ରହିଛି । କଣ ଭାରତ ଏହି ଶେଷ ପରୀକ୍ଷାରେ ପାସ୍ କରିବ କି ? ତାହା ଉପରେ ସମସ୍ତଙ୍କ ନଜର ରହିଛି । ବିଜୟ ପାଇଁ ଇଂଲଣ୍ଡ ୩୫ରନ୍ ଦୂରରେ ଅଛି । ଭାରତକୁ ମ୍ୟାଚ ଡ୍ର କରିବାକୁ ହେଲେ ୪ ୱିକେଟ ହାସଲ କରିବାକୁ ପଡିବ ।
ନିର୍ଣ୍ଣାୟକ ସ୍ଥିତିରେ ଭାରତ-ଇଂଲଣ୍ଡ ଅନ୍ତିମ ଟେଷ୍ଟ । ଆଜି ଶେଷ ଦିନରେ ଆସିବ ଓଭାଲ୍ ଟେଷ୍ଟ ନିଷ୍ପତ୍ତି । ଟାର୍ଗେଟଠୁ ୩୫ ରନ୍ ଦୂରରେ ରହିଛି ଇଂଲଣ୍ଡ । ଡ୍ର ପାଇଁ ଭାରତକୁ ଦରକାର ୪ଟି ୱିକେଟ । ୨-୧ରେ ସିରିଜ ଆଗୁଆ ଅଛି ଘରୋଇ ଦଳ । ୨-୧ରେ ସିରିଜ ଆଗୁଆ ଅଛି ଘରୋଇ ଦଳ । ବିଜୟ ପାଇଁ ଇଂଲଣ୍ଡ ଆବଶ୍ୟକ କରୁଥିଲା ୩୨୪ ରନ । ହାତରେ ଥିଲା ୨ ଦିନ ଓ ୯ ୱିକେଟ୍ । କ୍ରିସ ୱକ୍ସ ଆହତ ହୋଇଥିବାରୁ ବ୍ୟାଟିଂ କରିବାକୁ ଓହ୍ଲାଇବାର ସମ୍ଭାବନା ମଧ୍ୟ ନଥିଲା । ଭାରତୀୟ ବୋଲର ୫୬ ରନ ପ୍ରଦାନ କରି ଆଉ ୨ଟି ୱିକେଟ୍ ନେଇ ବିଜୟ ପାଇଁ ବାଟ ସଫା କରିଥିଲେ । ହେଲେ ଭାଗ୍ୟ ଭାରତୀୟ ଦଳର ସାଥ୍ ଦେଇ ନଥିଲା । ଗୋଟିଏ କ୍ୟାଚ ଛଡ଼ାଇ ନେଇଥିଲା ମ୍ୟାଚ । ବ୍ୟକ୍ତିଗତ ୧୯ ରନ କରିଥିବାବେଳେ ପ୍ରସିଦ୍ଧ କ୍ରିଷ୍ଣାଙ୍କ ବଲ୍କୁ ଛକା ମାରିବାକୁ ପ୍ରୟାସ କରିଥିଲେ ବ୍ରୁକ୍ । ଯଦି ଭାରତକୁ ୪ ୱିକେଟ୍ ଇଂଲଣ୍ଡର ଲକ୍ଷ୍ୟ ପୂର୍ବରୁ ମିଳିଯାଉଛି ତେବେ ସିରିଜ ୨-୨ରେ ସମାପ୍ତ ହେବ । ଯଦି ଇଂଲଣ୍ଡ ୩୫ରନ କରୁଛି ତେବେ ସିରିଜ କବଜା କରିନେବ । ଏହା ସହିତ ନୂଆ ଅଧିନାୟକ ଓ ଯୁବ ଭାରତୀୟ ଟିମ୍ ପାଇଁ ଇଂଲଣ୍ଡରେ ସିରିଜ ଡ୍ର କରିବା କୌଣସି ଉପଲବ୍ଧିଠୁ କମ୍ ନୁହେଁ ।
ଖେଳିପାରନ୍ତି ଆହତ କ୍ରିସ୍ ୱକ୍ସ- ପଞ୍ଚମ ଟେଷ୍ଟ ମ୍ୟାଚରେ, ଇଂଲଣ୍ଡର ଦ୍ରୁତ ବୋଲର କ୍ରିସ୍ ୱକ୍ସ ଫିଲ୍ଡିଂ କରୁଥିବା ସମୟରେ ଆହତ ହୋଇଥିଲେ । ବଲକୁ ଅଟକାଇ ସମୟରେ ସେ ବ୍ରାଉଣ୍ଡାରୀ ବାହାରକୁ ଟାଣି ହୋଇଯାଇଥିଲେ । ତା'ପରେ ଡାକ୍ତରୀ ଦଳ ତାଙ୍କର ଚିକିତ୍ସା କରିଥିଲେ ଏବଂ ତାଙ୍କୁ ଗ୍ରାଉଣ୍ଡ ବାହାରକୁ ନିଆଯାଇଥିଲା । ପରେ, ଇଂଲଣ୍ଡ କ୍ରିକେଟ୍ ବୋର୍ଡ ନିଶ୍ଚିତ କରିଥିଲା ଯେ ସେ ଓଭାଲ୍ ଟେଷ୍ଟରେ ଅଂଶଗ୍ରହଣ କରିବେ ନାହିଁ । ଏହା ପରେ, ଯେତେବେଳେ ଇଂଲଣ୍ଡ ପ୍ରଥମ ଇନିଂସରେ ଖେଳିବାକୁ ଆସିଥିଲା, କ୍ରିସ୍ ୱକ୍ସ ବ୍ୟାଟିଂ କରିବାକୁ ଆସି ନଥିଲେ ଏବଂ ୯ଟି ୱିକେଟ ପଡ଼ିବା ମାତ୍ରେ ଇଂଲଣ୍ଡର ଇନିଂସ ଶେଷ ହୋଇଯାଇଥିଲା। ପ୍ରଥମ ଇନିଂସରେ ଇଂଲଣ୍ଡ ୨୪୭ ରନ କରିଥିଲା । ଆଜି ସେ ଖେଳିପାରନ୍ତି ବୋଲି ଆକଳନ କରାଯାଉଛି ।
