ନୂଆଦିଲ୍ଲୀ, ୯।୩: ଆଇସିସି ଟି-୨୦ ବିଶ୍ୱକପ୍ ୨୦୨୬ର ଫାଇନାଲରେ ନ୍ୟୁଜିଲ୍ୟାଣ୍ଡକୁ ୯୬ ର ମାତ୍ ଦେଇ ଭାରତ ତୃତୀୟ ଥର ପାଇଁ ବିଶ୍ୱବିଜୟୀ ହୋଇଛି । ଏହି ଐତିହାସିକ ବିଜୟ ପରେ ସାରା ଦେଶରେ ଉତ୍ସବର ମାହୋଲ ଥିବାବେଳେ ସୋସିଆଲ ମିଡିଆରେ ଏବେ ଟିମ୍ ଇଣ୍ଡିଆର ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ ଏକ ଭିଡିଓ ବେଶ୍ ଚର୍ଚ୍ଚାରେ ରହିଛି । ଭାଇରାଲ ହେଉଥିବା ଭିଡିଓରେ ହାର୍ଦ୍ଦିକ ତାଙ୍କ ଗାର୍ଲଫ୍ରେଣ୍ଡ ମାହିକା ଶର୍ମାଙ୍କ ସହ ବିଜୟର ଖୁସି ମନାଉଥିବା ଦେଖିବାକୁ ମିଳିଛି । ଉଭୟ ମୈଦାନରେ ଜବରଦସ୍ତ ଡ୍ୟାନ୍ସ କରୁଥିବା ନଜର ଆସିଛନ୍ତି । ସୂଚନାଯୋଗ୍ୟ ଯେ, ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରେ ମାହିକା ଷ୍ଟାଣ୍ଡରେ ବସି ହାର୍ଦ୍ଦିକ ଓ ଟିମ୍ ଇଣ୍ଡିଆକୁ ଚିୟର କରୁଥିବାର ଦେଖାଯାଇଥିଲା । ଗତ କିଛି ସମୟ ଧରି ଉଭୟ ପରସ୍ପରକୁ ଡେଟ୍ କରୁଥିବା ନେଇ ଚର୍ଚ୍ଚା ହେଉଛି ।

ଏହା ବି ପଢ଼ନ୍ତୁ... ଭାରତର ବିଜୟରେ ନାଚିଲେ 'ଲିଟିଲ୍ ମାଷ୍ଟର': ୭୬ ବର୍ଷ ବୟସରେ କଲେ ଏମିତି ଡ୍ୟାନ୍ସ, ଭିଡିଓ ଦେଖିଲେ କହିବେ 'ୱାଓ' !​​​​​​​

୨୦୨୬ ଟି-୨୦ ବିଶ୍ୱକପ୍ ହାର୍ଦ୍ଦିକଙ୍କ ପାଇଁ ବେଶ୍ ସ୍ମରଣୀୟ ରହିଛି । ସେ ନିଜର ବ୍ୟାଟିଂ ଓ ବୋଲିଂ ମାଧ୍ୟମରେ ଦଳ ପାଇଁ ଗୁରୁତ୍ୱପୂର୍ଣ୍ଣ ଯୋଗଦାନ ଦେଇଛନ୍ତି । ୨ଟି ଅର୍ଦ୍ଧଶତକ ସହ ମୋଟ୍ ୨୧୭ ରନ୍ କରିଛନ୍ତି । ଏଥିସହ ୯ଟି ୱିକେଟ୍ ନେଇଛନ୍ତି । ଫାଇନାଲରେ ନ୍ୟୁଜିଲାଣ୍ଡ ବିପକ୍ଷରେ ହାର୍ଦ୍ଦିକ ୧୮ ରନ୍ କରିବା ସହ ୧ ୱିକେଟ୍ ହାସଲ କରିଛନ୍ତି । କହିରଖୁଛୁ ଯେ, ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯାଇଥିବା ଏହି ରୋମାଞ୍ଚକର ଫାଇନାଲରେ ଭାରତ ପ୍ରଥମେ ବ୍ୟାଟିଂ କରି ୨୦ ଓଭରରେ ୫ ୱିକେଟ୍ ହରାଇ ୨୫୫ ରନ୍‌ର ବିଶାଳ ସ୍କୋର ଛିଡ଼ା କରିଥିଲା । ନ୍ୟୁଜିଲ୍ୟାଣ୍ଡ ଦଳ ଭାରତୀୟ ବୋଲରଙ୍କ ଆଗରେ ଆତ୍ମସମର୍ପଣ କରିଥିଲା । କିୱି ଦଳ ୧୯ ଓଭରରେ ମାତ୍ର ୧୫୯ ରନ୍ କରି ଅଲଆଉଟ୍ ହୋଇଯାଇଥିଲା । ଭାରତର ଏହି ବିଜୟ ପରେ ଖେଳାଳିମାନେ ପଡ଼ିଆରେ ହିଁ ଭାବପ୍ରବଣ ହୋଇ ନାଚୁଥିବାର ଦେଖାଯାଇଥିଲା, ଯେଉଁଥିରେ ହାର୍ଦ୍ଦିକଙ୍କ ଡ୍ୟାନ୍ସ​​​​​​​ ସବୁଠୁ ଅଧିକ ଆକର୍ଷଣୀୟ ସାଜିଥିଲା ।​​​​​​​

ଟି-୨୦ ବିଶ୍ୱକପ୍‌ରେ ହାର୍ଦ୍ଦିକଙ୍କ ଜବରଦସ୍ତ 'ଅଲରାଉଣ୍ଡ' ପ୍ରଦର୍ଶନ:

୨୦୨୬ ଟି-୨୦ ବିଶ୍ୱକପ୍‌ରେ ଭାରତର ବିଜୟ ପଛରେ ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କର ରହିଛି ବଡ଼ ହାତ । ବ୍ୟାଟିଂ ହେଉ କି ବୋଲିଂ, ପ୍ରତିଟି ଗୁରୁତ୍ୱପୂର୍ଣ୍ଣ ମୋଡ଼ରେ ସେ ଦଳ ପାଇଁ ସଙ୍କଟମୋଚକ ସାଜିଛନ୍ତି । ନଜର ପକାନ୍ତୁ ଚଳିତ ବିଶ୍ୱକପ୍‌ରେ ତାଙ୍କର ମ୍ୟାଚ୍ ୱାଇଜ୍ ପ୍ରଦର୍ଶନ ଉପରେ:

ତାରିଖ

ପ୍ରତିପକ୍ଷ

ଦଳବ୍ୟାଟିଂ

ବୋଲିଂ ପ୍ରଦର୍ଶନ

୮ ତାରିଖ (ଫାଇନାଲ​​​​​​​)

ନ୍ୟୁଜିଲାଣ୍ଡ

୧୮ ରନ୍

୩୨ ରନ୍ ଦେଇ ୧ ୱିକେଟ୍

୫ ମାର୍ଚ୍ଚ (ସେମିଫାଇନାଲ)

ଇଂଲଣ୍ଡ

୨୭ ରନ୍

୩୮ ରନ୍ ଦେଇ ୨ ୱିକେଟ୍

(ସହ ଏକ ରନ୍ ଆଉଟ୍ )

୧ ମାର୍ଚ୍ଚ

ୱେଷ୍ଟଇଣ୍ଡିଜ୍

୧୭ ରନ୍

୪୦ ରନ୍ ଦେଇ ୧ ନିକେଟ୍

୨୬ ଫେବୃଆରୀ

ଜିମ୍ୱାୱେ

୫୦ ରନ୍

୨୧ ରନ୍ (୦ ୱିକେଟ୍)

୨୨ ଫେବୃଆରୀ

ସାଉଥ୍ ଆଫ୍ରିକା

୧୮ ରନ୍

୪୫ ରନ୍ (୦ ୱିକେଟ୍)

୧୮ ଫେବୃଆରୀ

ନେଦରଲ୍ୟାଣ୍ଡ

୩୦ ରନ୍

୪୦ ରନ୍ ଦେଇ ୧ ୱିକେଟ୍

୧୫ ଫେବୃଆରୀ

ପାକିସ୍ତାନ

୦ ରନ୍

୧୬ ରନ୍ ଦେଇ ୨ ୱିକେଟ୍

୭ ଫେବୃଆରୀ

ୟୁଏଏସ୍

୫ ରନ୍

୩୪ ରନ୍ (୦ ୱିକେଟ୍)