ଭୁବନେଶ୍ୱର,୦୩/୧୧: ସୋନି ଟିଭିରେ ପ୍ରସାରିତ ଲୋକପ୍ରିୟ ରିଆଲିଟି ସୋ’ ଇଣ୍ଡିଆଜ୍ ବେଷ୍ଟ ଡ୍ୟାନ୍ସର୍-୪ ଫାଇନାଲ୍ରେ ପହଞ୍ଚିଛନ୍ତି ନିକ୍ସନ୍ ନାଁରେ ପରିଚିତ ଓଡ଼ିଆ ପୁଅ ସ୍ମୃତି ସ୍ୱରୂପ ପାତ୍ର । ୬ ଜଣଙ୍କ ମଧ୍ୟରେ ସେ ନିଜ ସ୍ଥାନ ପକ୍କା କରିଛନ୍ତି । ଏବେ ତାଙ୍କୁ ବିଜୟୀ ହେବାକୁ ହେଲେ ଏକମାତ୍ର ଭରସା ଭୋଟିଂ । ତେଣୁ ଫାଇନାଲ୍ ପୂର୍ବରୁ ସେ ଆଜି ଏକ ଭିଡିଓ କରି ଅଧିକରୁ ଅଧିକ ଭୋଟିଂ କରିବାକୁ ଏକ ଭିଡିଓ ମାଧ୍ୟମରେ ଜନସାଧାରଣଙ୍କୁ ନିବେଦନ କରିଛନ୍ତି । ଏହି ସପ୍ତାହ ହେଉଛି ଶେଷ ଭୋଟିଂ ସପ୍ତାହ । ତେଣୁ ଶନିବାର ରାତି ସାଢ଼େ ୭ଟାରୁ ରବିବାର ଦିନ ୧୨ଟା ପର୍ଯ୍ୟନ୍ତ ଭୋଟ୍ ଦେଇପାରିବେ ବୋଲି ସେ କହିଛନ୍ତି । ଭୁବନେଶ୍ୱରର ବାସିନ୍ଦା ନିକ୍ସନ୍ ସ୍ୱର୍ଗତ ନିଳେନ୍ଦ୍ର ନାଥ ଓ ଜୟନ୍ତୀ ପାତ୍ରଙ୍କ ସୁପୁତ୍ର । ବହୁ ସମସ୍ୟା ଭିତରେ ପ୍ରଥମେ ଆଦର୍ଶ ମିଶ୍ରଙ୍କଠାରୁ କଳିଙ୍ଗ ଷ୍ଟାଡିୟମ୍ରେ ମାଗଣା ଶିକ୍ଷା ଗ୍ରହଣ କରନ୍ତି, ପରେ ଉତ୍ତରାଖଣ୍ଡର ଦୀପକ ସାଇନିଙ୍କ ମାର୍ଗଦର୍ଶନ ପାଇ ଆଗେଇ ଚାଲନ୍ତି । ସୋ’ରେ ତାଙ୍କ କୋରିଓଗ୍ରାଫର ରହିଛନ୍ତି ବିପୁଲ କାଣ୍ଡପାଲ୍ । ଏହି ସୋ’ରେ ବଲିଉଡ୍ ଅଭିନେତ୍ରୀ କରିସ୍ମା କପୁର୍ ବି ତାଙ୍କର ଭୂୟସୀ ପ୍ରଶଂସା କରିଛନ୍ତି ଏବଂ ସେ ତାଙ୍କର ସବୁଠୁ ପସନ୍ଦର ଡ୍ୟାନ୍ସର୍ ବୋଲି କହିଛ
