IPL Opening Ceremony: ଗ୍ଲାମର୍ର ତଡ୍କା ଲଗାଇବେ ତମନ୍ନା ଭାଟିଆ, ଅରିଜିତ ସିଂହ କରିବେ ପରଫର୍ମ
freepressjournal
ନୂଆଦିଲ୍ଲୀ ୩୦/୦୩ : ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ର ୧୬ ତମ ସିଜନ୍ ମାର୍ଚ୍ଚ ୩୧ରୁ ଆରମ୍ଭ ହେବ। ଟୁର୍ନାମେଣ୍ଟର ପ୍ରଥମ ମ୍ୟାଚ୍ ରେ ଗୁଜୁରାଟ ଟାଇଟାନ୍ସର ମୁକାବିଲା ଚେନ୍ନାଇ ସୁପର କିଙ୍ଗ୍ସ ସହ ହେବ। ଏହି ମ୍ୟାଚ୍ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ପ୍ରଥମ ମ୍ୟାଚ୍ରେ ଯୁବ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଭେଟେରାନ ଅଧିନାୟକ ମହେନ୍ଦ୍ର ସିଂହ ଧୋନିଙ୍କ ସମ୍ମୁଖରେ ରହିବେ। ଧୋନି ତାଙ୍କ ଅଧିନାୟକତ୍ୱରେ ଚେନ୍ନାଇକୁ ଚାରିଥର ଚାମ୍ପିୟନ କରିଛନ୍ତି। ଏଥି ସହିତ ହାର୍ଦ୍ଦିକ ଗତ ବର୍ଷ ଗୁଜୁରାଟକୁ ଚାମ୍ପିୟନ କରିଥିଲେ। ତେବେ ମ୍ୟାଚ୍ ପୂର୍ବରୁ ଉଦଘାଟନୀ ସମାରୋହ ଅନୁଷ୍ଠିତ ହେବ। ଏହି ସମୟରେ ଅନେକ ବଲିଉଡ ତାରକା ଗ୍ଲାମରର ତଡ୍କା ଲଗାଇବେ। ଏହି କାର୍ଯ୍ୟକ୍ରମରେ ଗାୟକ ଅରିଜିତ ସିଂହ ଏବଂ ଅଭିନେତ୍ରୀ ତମନ୍ନା ଭାଟିଆଙ୍କୁ ଦେଖିବାକୁ ମିଳିବ ବୋଲି ଆଇପିଏଲ ନିଶ୍ଚିତ କରିଛି।
Join @tamannaahspeaks in the incredible #TATAIPL Opening Ceremony as we celebrate the biggest cricket festival at the biggest cricket stadium in the world – Narendra Modi Stadium! 🏟️ 🙌
— IndianPremierLeague (@IPL) March 29, 2023
31st March, 2023 – 6 PM IST on @StarSportsIndia & @JioCinema
Make sure to tune in & join! 👌 pic.twitter.com/u9HtOcD9tm
ଉଦଘାଟନୀ ସମାରୋହରେ ତମନ୍ନା ଭାଟିଆଙ୍କ ଅଂଶଗ୍ରହଣ ବିଷୟରେ ସୂଚନା ଦେଇ ଆଇପିଏଲ୍ ଏକ ଟ୍ୱିଟ୍ କରିଛି। ଆଇପିଏଲ୍ ଲେଖିଛି, ‘ଟାଟା ଆଇପିଏଲ୍ ଉଦଘାଟନୀ ସମାରୋହରେ ତମନ୍ନାଙ୍କ ସହ ଯୋଗ ଦିଅନ୍ତୁ। ଆମେ ବିଶ୍ୱର ସର୍ବବୃହତ କ୍ରିକେଟ୍ ଷ୍ଟାଡିୟମ୍ – ନରେନ୍ଦ୍ର ମୋଦୀ ଷ୍ଟାଡିୟମରେ ସବୁଠାରୁ ବଡ କ୍ରିକେଟ୍ ମହୋତ୍ସବ ପାଳନ କରୁଛୁ।’
ମାର୍ଚ୍ଚ ୩୧ ସନ୍ଧ୍ୟା ୬ ଟାରେ ଉଦଘାଟନୀ ସମାରୋହ ଅନୁଷ୍ଠିତ ହେବ ବୋଲି ଆଇପିଏଲ୍ ସୂଚନା ଦେଇଛି। ଏହା ପରେ ସାତଟା ବେଳେ ଟସ୍ ହେବ ଏବଂ ତା’ପରେ ପ୍ରଥମ ମ୍ୟାଚ୍ ୭:୩୦ ରୁ ଖେଳାଯିବ। ଉଦଘାଟନୀ ସମାରୋହ ଏବଂ ମ୍ୟାଚ୍ ଷ୍ଟାର୍ ସ୍ପୋର୍ଟସ୍ ଇଣ୍ଡିଆରେ ସିଧା ପ୍ରସାରଣ ହେବ। ଏହି ସମୟରେ, ଜିଓ ସିନେମା ଆପ୍ ଏବଂ ୱେବସାଇଟରେ ଅନଲାଇନ୍ ଲାଇଭ୍ ଷ୍ଟ୍ରିମିଂ ହେବ।
