ଅହମ୍ମଦାବାଦ,୩୧/୦୫: ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯାଉଥିବା ଆଇପିଏଲ୍ ୨୦୨୬ ଫାଇନାଲରେ, ଗୁଜରାଟ ଟାଇଟାନ୍ସ ପ୍ରଥମେ ବ୍ୟାଟିଂ କରି ୨୦ ଓଭରରେ ୮ ୱିକେଟ୍ ହରାଇ ୧୫୫ ରନ କରିଛି। ଦଳ ପକ୍ଷରୁ ୱାଶିଂଟନ୍ ସୁନ୍ଦର ସର୍ବାଧିକ ୩୭ ବଲରୁ ୫ ଚୌକା ସହାୟତାରେ ୫୦ ରନର ଅର୍ଦ୍ଧଶତକୀୟ ପାଳି ଖେଳିଥିଲେ। ଷ୍ଟାର ବ୍ୟାଟର ଶୁଭମନ ଗିଲ୍, ଜୋସ୍ ବଟଲର୍ ଏବଂ ସାଇ ସୁଦର୍ଶନ ସମ୍ପୂର୍ଣ୍ଣ ଫ୍ଲପ୍ ହୋଇଥିଲେ। ଏହି ସମୟରେ, ବେଙ୍ଗାଲୁରୁ ପକ୍ଷରୁ ରସିଖ ସଲାମ ଦାର ସର୍ବାଧିକ ୩ ୱିକେଟ୍ ନେଇଥିଲେ।
ମ୍ୟାଚ୍ରେ ବେଙ୍ଗାଲୁରୁର ଅଧିନାୟକ ରଜତ ପାଟିଦାର ଟସ୍ ଜିତି ବୋଲିଂ ନିଷ୍ପତ୍ତି ନେଇଥିଲେ। ପ୍ରଥମେ ବ୍ୟାଟିଂ କରିବାକୁ ମଇଦାନକୁ ଓହ୍ଲାଇଥିବା ଗୁଜରାଟ ଆରମ୍ଭରୁ ଅସୁବିଧାରେ ପଡ଼ିଥିଲା। ଦଳ ୨୨ ରନ୍ରେ ପ୍ରଥମ ୱିକେଟ୍ ହରାଇଥିଲା। ଅଧିନାୟକ ଶୁଭମନ ଗିଲ୍ ମାତ୍ର ୧୦ ରନ୍ କରି ଆଉଟ୍ ହୋଇଥିଲେ।
ଅଧିକ ପଢ଼ନ୍ତୁ: ଆଇପିଏଲର ଆରମ୍ଭରୁ ଏ ପର୍ଯ୍ୟନ୍ତ ପୁରସ୍କାର ରାଶି କିପରି ରହିଛି, ଆସନ୍ତୁ ଜାଣିବା …
ଏହା ପରେ, ଦଳକୁ ୨୬ ରନରେ ଦ୍ୱିତୀୟ ଝଟକା ଲାଗିଥିଲା। ତୃତୀୟ ଓ୍ବିକେଟ ୫୫ ରନରେ, ଚତୁର୍ଥ ଓ୍ବିକେଟ ୭୩ ରନରେ, ପଞ୍ଚମ ବିପର୍ଯ୍ୟୟ ୯୯ ରନରେ, ଷଷ୍ଠ ଓ୍ବିକେଟ ୧୧୫ ରନରେ, ସପ୍ତମ ବିଫଳତା ୪୨ ରନରେ ଏବଂ ଅଷ୍ଟମ ଓ୍ବିକେଟ ୧୫୧ ରନରେ ପଡ଼ିଥିଲା। ସବୁଠାରୁ ବଡ଼ ଇନିଂସ ଖେଳିଥିବା ସୁନ୍ଦରଙ୍କ ବ୍ୟତୀତ, ସାଇ ସୁଦର୍ଶନ ଦଳ ପାଇଁ ୧୨ ରନ, ଅଧିନାୟକ ଶୁଭମନ ଗିଲ ୧୦ ରନ, ନିଶାନ୍ତ ସିନ୍ଧୁ ୨୦ ରନ, ଜୋସ୍ ବଟଲର୍ ୧୯ ରନ, ଅର୍ଶଦ ଖାନ ୧୫ ରନ୍, ରାହୁଲ ତେୱତିଆ ୭ ରନ୍, ରସିଦ୍ ଖାନ୍ ୭ ରନ୍ ଏବଂ କାଗିସୋ ରାବାଡା ୩ ରନ କରି ପାଭିଲିୟନ ଫେରିଥିଲେ।
ଲଗାତାର ଦ୍ୱିତୀୟ ଟାଇଟଲ ଉପରେ RCB ର ନଜର:
ବେଙ୍ଗାଲୁରୁ ନିଶ୍ଚିତ ଭାବରେ ଲଗାତାର ଦ୍ୱିତୀୟ ଟାଇଟଲ ଜିତିବାକୁ ଚେଷ୍ଟା କରିବ। ଦଳ ଗତ ସିଜନରେ, ୨୦୨୫ରେ ପ୍ରଥମ ଟାଇଟଲ ଜିତିଥିଲା। ବର୍ତ୍ତମାନ, ଅଧିନାୟକ ରଜତ ପାଟିଦାରଙ୍କ ନେତୃତ୍ୱରେ, ବେଙ୍ଗାଲୁରୁ ଲଗାତାର ଦ୍ୱିତୀୟ ଟାଇଟଲ ହାସଲ କରିପାରିବ। ବେଙ୍ଗାଲୁରୁକୁ ଦ୍ୱିତୀୟ ଟ୍ରଫି ଉଠାଇବା ପାଇଁ ୧୫୬ ରନ କରିବାକୁ ପଡ଼ିବ। ଦଳ ଚେଜ୍ କରିବାରେ କିପରି ପ୍ରଦର୍ଶନ କରୁଛି ତାହା ଦେଖିବା ଆକର୍ଷଣୀୟ ହେବ। ବେଙ୍ଗାଲୁରୁ ପାଖରେ ଚେନ୍ନାଇ ସୁପର କିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ ପରେ ତୃତୀୟ ଦଳ ହେବାର ସୁଯୋଗ ଅଛି, ଯିଏକି ଲଗାତାର ଦୁଇଟି ଟ୍ରଫି ଜିତିଛି। ଚେନ୍ନାଇ ୨୦୧୦ ଏବଂ ୨୦୧୧ ରେ ଲଗାତର ଟ୍ରଫି ଜିତିଥିବା ବେଳେ ମୁମ୍ବାଇ ୨୦୧୯ ଏବଂ ୨୦୨୦ ଲଗାତର ଟ୍ରଫି ଜିତିଥିଲା।
କ୍ରିଡ଼ା ସମ୍ପର୍କିତ ଖବର ପଢ଼ନ୍ତୁ: IPL ୨୦୨୬ର ଫାଇନାଲ ପୂର୍ବରୁ କାହିଁକି ହେଲାନି ଉଦଯାପନୀ ଉତ୍ସବ ?
