ନୂଆଦିଲ୍ଲୀ,୧୭/୦୬: ଇରାନ୍ ଏବଂ ଇସ୍ରାଏଲ୍ ମଧ୍ୟରେ ଉତ୍ତେଜନା ଭୟଙ୍କର ରୂପ ନେଇଛି । ଏହାରି ଭିତରେ ଜି-୭ ସମ୍ମିଳନୀରେ ଇରାନ୍କୁ ଚେତାବନୀ ଦିଆଯାଇଛି । କାନାଡ଼ାରେ ୫୧ତମ ଜି-୭ ଶିଖର ସମ୍ମିଳନୀ ଆରମ୍ଭ ହୋଇଛି । ଜି-୭ର ଶୀର୍ଷ ନେତାଙ୍କ ପକ୍ଷରୁ ଜାରି ହୋଇଥିବା ବୟାନରେ ତେହରାନକୁ ଚେତାବନୀ ଦେଇଛନ୍ତି । ଇସ୍ରାଏଲ୍କୁ ସମର୍ଥନ କରିବା ସହିତ ଇରାନ୍ କେବେ ବି ପରମାଣୁ ଅସ୍ତ୍ର ବନାଇ ପାରିବ ନାହିଁ ବୋଲି କହିଛନ୍ତି ଜି-୭ ନେତା । ସମ୍ମିଳନୀରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ମଧ୍ୟ ସାମିଲ ହୋଇଛନ୍ତି ।
ଜି ୭ ସମ୍ମିଳନୀର ଶୀର୍ଷ ନେତା ବୟାନରେ କହିଛନ୍ତି, ଇସ୍ରାଏଲ୍ ନିଜକୁ ରକ୍ଷା କରିବାର ଅଧିକାର ରହିଛି । ଆମେ ଇସ୍ରାଏଲ ସୁରକ୍ଷା ପାଇଁ ତାର ସମର୍ଥନ କରଛୁ । ନାଗରିକଙ୍କ ସୁରକ୍ଷା ବି ଗୁରୁତ୍ୱପୂର୍ଣ୍ଣ । ଇରାନ୍ କ୍ଷେତ୍ରୀୟ ଅସ୍ଥିରତା ଏବଂ ଆତଙ୍କ ବଡ଼ କାରଣ । ଆମେ ଲଗାତାର କହି ଆସୁଛୁ କି ଇରାନ୍ ପାଖରେ କେବେ ବି ପରମାଣୁ ଅସ୍ତ୍ର ରହିବା କଥା ନୁହେଁ ।''
ଇରାନ୍ ମାମଲାର ସମାଧାନ ହେଲେ ଶାନ୍ତି ଆସିବ- ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମେତ ଜି ୭ ନେତା ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନାକୁ ନେଇ ପ୍ରତିକ୍ରିୟା ଦେଇଛନ୍ତି । ଯଦି ଇରାନ୍ ମାମଲାର ସମାଧାନ ହେବ ତେବେ ସେ କ୍ଷେତ୍ରରେ ଉତ୍ତେଜନା ଶାନ୍ତ ପଡିବ । ଏଥିରେ ଗାଜା ଯୁଦ୍ଧରେ ବିରାମ ବି ସାମିଲ ଅଛି । ଜି ୭ ଦେଶ ଇସ୍ରାଏଲର ସମର୍ଥନ କରି ତାକୁ ତାର ଆତ୍ମରକ୍ଷା କରିବାର ଅଧିକାର ଅଛି ବୋଲି କହିଛନ୍ତି ।
