PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସ୍ୱାସ୍ଥ୍ୟ ମନ୍ତ୍ରୀ ନବ ଦାସଙ୍କ ପରଲୋକ , ଗୁଳିମାଡ଼ ପରେ ତାଙ୍କୁ ଭୁବନେଶ୍ୱରରେ ହସ୍ପିଟାଲରେ ଭର୍ତ୍ତି କରାଯାଇ ଥିଲା
  • ||
  • ମାଲକାନଗିରି : ମାଓଗଡ଼ରେ ସରକାରଙ୍କ ପକ୍ଷରୁ ୨୦୦ ଗରିବ ଆଦିବାସୀଙ୍କୁ ମୋବାଇଲ ଫୋନ ବଣ୍ଟନ
  • ||
  • ପାକିସ୍ତାନରେ ପୁଣି ମହଙ୍ଗା ମାଡ଼, ପେଟ୍ରୋଲ-ଡିଜେଲ ଦାମରେ ୩୫ ଟଙ୍କା ବୃଦ୍ଧି
  • ||
  • ଝାରସୁଗୁଡ଼ା: ମନ୍ତ୍ରୀ ନବ ଦାସଙ୍କୁ ଗୁଳି ମାଡ଼: ଛାତିରେ ବାଜିଛି ଗୁଳି, ଗୁରୁତର ଅବସ୍ଥାରେ ନିଆଯାଉଛି ହସ୍ପିଟାଲ
  • ||
  • ହକି ବିଶ୍ୱକପ୍‌: ସୁପର ସଣ୍ଡେରେ ଫାଇନାଲ୍ ଫାଇଟ୍, ବେଲଜିୟମ-ଜର୍ମାନୀ ମଧ୍ୟରେ ଟାଇଟଲ ଟକ୍କର
  • ||
  • ଭୂକମ୍ପରେ ଥରିଲା ଇରାନ୍, ୭ ମୃତ, ୪୦୦ରୁ ଅଧିକ ଆହତ
  • ||
  • ମୟୂରଭଞ୍ଜ: ହାତୀମୃତ ଦେହ ମିଳିବା ଘଟଣାରେ ୪ ଶିକାରୀ ଗିରଫ, ୨ ହାତୀଦାନ୍ତ ଜବତ…
  • ||
  • ଆଜି ଦ୍ୱିତୀୟ ଟି-ଟ୍ୱେଣ୍ଟି: ଭାରତ ପାଇଁ ‘କର ବା ମର’, ସିରିଜ ଜିତି ସ୍ୱଦେଶ ଫେରିବା ଲକ୍ଷ୍ୟରେ ନ୍ୟୁଜିଲାଣ୍ଡ
  • ||
  • ଭୁବନେଶ୍ୱର: ଫେବ୍ରୁଆରୀ ୧୦ରେ ଓଡ଼ିଶା ଆସିବେ ରାଷ୍ଟ୍ରପତି ! ସଜେଇ ହେଉଛି ରମାଦେବୀ ମହିଳା ବିଶ୍ୱବିଦ୍ୟାଳୟ
  • ||
  • ଭୁବନେଶ୍ୱର: ଚିନାବାଦାମ ଚାଷର ନୂତନ ଜ୍ଞାନକୌଶଳ ଶିଖିବେ ଓଡ଼ିଆ କୃଷକ, ୮୦ ଚାଷୀଙ୍କୁ ଗୁଜରାଟ ପଠାଇଲା ସୋଆ
  • ||

୪ମାସ ତଳେ ନିର୍ମାଣ ହୋଇଥିଲା ; ଧୋଇଗଲା ବର୍ଷାଜଳ ଅମଳ ପ୍ରକଳ୍ପ

ଭୁବନେଶ୍ୱର,୩୦/୧୧ : ବର୍ଷା ଜଳ ନଷ୍ଟ ହେବନି । ପୁଣି ଭୂତଳ ଜଳରେ  ମିଶିବ । ଭୂତଳ ଜଳସ୍ତରକୁ ସ୍ଥିର ରଖିବ । ଏହି ଉଦ୍ଦେଶ୍ୟରେ ବର୍ଷା ଜଳ ଅମଳ ପ୍ରକଳ୍ପ ଆରମ୍ଭ ହେଲା । ଜଳ ଅମଳ ପାଇଁ ହୋଇଥିବା ଏହି ପ୍ରକଳ୍ପ ଏବେ ଖୋଦ୍‌ ପାଣିରେ ମିଶିଗଲାଣି ।  ଚକମକିଆ ଫଳକ ଠିଆ ହୋଇଛି, ହେଲେ ପ୍ରକଳ୍ପ ମାଟିରେ ମିଶିଯାଇଛି । ମାଟିରେ ମିଶିବା ପ୍ରକ୍ରିୟା ବର୍ଷେ କି ଦୁଇ ବର୍ଷର ନୁହେଁ, ଏସବୁ ମାତ୍ର ୪ ମାସରେ  ପୋତି ହୋଇଯାଇଛି । ଭାତହାଣ୍ଡିରୁ ଗୋଟିଏ ଚିପିଲା ଭଳି ରାଜଧାନୀ ସାରା ଏପରି ଅବସ୍ଥା ।

ପୁରୁଣା ଭୁବନେଶ୍ୱର ଗରାବଡୁ ମଶାଣି ପଡ଼ିଆରେ ମୁଖ୍ୟମନ୍ତ୍ରୀ କର୍ମତତ୍ପର ଯୋଜନା(ମୁକ୍ତା)ରେ ବର୍ଷାଜଳ ଅମଳ ପ୍ରକଳ୍ପ ନିର୍ମାଣ ହୋଇଥିଲା । ୪ ମାସ ବିତିନି ଏହି ପ୍ରକଳ୍ପ ବର୍ଷାରେ ଧୋଇଗଲା । ପୁରା ପ୍ରକଳ୍ପ ମାଟିରେ ପୋତି ହୋଇଗଲାଣି । ମଞ୍ଚେଶ୍ୱର ଅଞ୍ଚଳରେ ଥିବା ଏକ ପଡିଆରେ ବର୍ଷାଜଳ ଅମଳ ପ୍ରକଳ୍ପ ନିର୍ମାଣ ହୋଇଥିଲା । ହେଲେ ଏବେ ତାର ପତ୍ତା ମିଳୁନି । ଖାଲି ଏହି ଦୁଇଟି ସ୍ଥାନ ନୁହେଁ,  ରାଜଧାନୀରେ ନିର୍ମାଣ ହୋଇଥିବା ଏପରି ଶହ ଶହ ବର୍ଷା ଜଳ ଅମଳ ପ୍ରକଳ୍ପ ଧୋଇଗଲାଣି ।

 ଭୂ-ତଳ ଜଳସ୍ତର ବୃଦ୍ଧି ପାଇଁ ସହର ଏକାଧିକ ଖୋଲା ସ୍ଥାନ, ପାର୍କ, ପଡିଆ, ସ୍କୁଲରେ ମୁକ୍ତା ପକ୍ଷରୁ ବର୍ଷାଜଳ ଅମଳ ପ୍ରକଳ୍ପ ତିଆରି ହୋଇଛି । ପୁରୁଣା ଭୁବନେଶ୍ୱର ଗରାବଡୁ ମଶାଣୀରେ ୪ ମାସ ତଳେ ପ୍ରାୟ ୧,୭୯,୫୭୦ ଟଙ୍କା ବିନିମୟରେ ଏହି ପ୍ରକଳ୍ପ ନିର୍ମାଣ ହୋଇଥିଲା । ଏଥିରେ ମୋଟ ୫ଟି ପିଟ୍‌ ରହିଥିଲା । କିନ୍ତୁ ବର୍ତ୍ତମାନ ଏହି   ବର୍ଷାଜଳ ଅମଳ ପ୍ରକଳ୍ପ ପୋତି ହେବାକୁ ବସିଲାଣି ।

ରାଜଧାନୀରେ ଖୋଲା ସ୍ଥାନରେ ନର୍ମାଣ ହୋଇଥିବା ଏକାଧିକ ପ୍ରକଳ୍ପର ଏପରି ଅବସ୍ଥା । ସବୁ ପ୍ରକଳ୍ପ ପୋତି ହେବାକୁ ବସିଲାଣି । ଖାଲି ସେତିକି ନୁହେଁ, ଏପରି ଗଣ୍ଡା ଗଣ୍ଡା ପ୍ରକଳ୍ପର ପତ୍ତା ବି ନାହିଁ । ନିର୍ମାଣ ହୋଇଥିବା ଏହି ପ୍ରକଳ୍ପ ଗଲା କୁଆଡେ ? ପ୍ରକଳ୍ପ ନିର୍ମାଣ ହୋଇଛି ତ?  ନା ମିଥ୍ୟା ବିଲ୍‌ରେ ବାଟମାରଣା ହୋଇଛି,  ତାକୁ ନେଇ ପ୍ରଶ୍ନ ସୃଷ୍ଟି ହୋଇଛି । ମୁକ୍ତା ପକ୍ଷରୁ ପ୍ରତି ପିଟ୍‌ ପାଇଁ ୩୫ ହଜାର ଟଙ୍କା ଖର୍ଚ୍ଚ ହେଉଛି । ସ୍ୱୟଂ ସହାୟକ ଗୋଷ୍ଠୀ (ଏସ୍‌ଏସ୍‌ଜି)ଙ୍କ ଦ୍ୱାରା ଏହି ପ୍ରକଳ୍ପ ନିର୍ମାଣ ହେଉଛି । ସହରରେ ମୋଟ ୨୬ ଶହ ପ୍ରକଳ୍ପ ନିର୍ମାଣ ହୋଇଛି । ଏଥି ପାଇଁ ମୁକ୍ତାରେ ପ୍ରାୟ ୯ କୋଟିରୁ ଅଧିକ ଟଙ୍କା ଖର୍ଚ୍ଚ ହୋଇଛି । ହେଲେ ଏହି ସବୁ ପ୍ରକଳ୍ପର ଉଯଯୁକ୍ତ ରକ୍ଷଣବେକ୍ଷଣ ଅଭାବ ଯୋଗୁଁ ନଷ୍ଟ ହେବାକୁ ବସିଲାଣି ।  ବିଏମ୍‌ସି କମିଶନର ବିଜୟ ଅମୃତା କୁଲାଙ୍ଗେ କହିଛନ୍ତି । ପ୍ରକଳ୍ପ ନିର୍ମାଣ ପରେ ସଂସ୍ଥାକୁ ହସ୍ତାନ୍ତର କରାଯାଇଛି । ଏହାର ରକ୍ଷଣବେକ୍ଷଣ କରିବା ସେମାନଙ୍କ ଦାୟିତ୍ୱ । ଏହା ଉପରେ ଅନୁଧ୍ୟାନ କରାଯିବ ।