ପୁତୁରା ଆକ୍ରମଣରେ ଖୁଡ଼ୀ ଓ ଭାଇ ଗୁରୁତର
ଜଳେଶ୍ଵର, ୦୯/୦୩ : ପୁତୁରା ଆକ୍ରମଣରେ ଖୁଡ଼ୀ ଓ ଭାଇ ଗୁରୁତର। ବାଲେଶ୍ଵର ଜିଲ୍ଲା ବସ୍ତା ଥାନା ଅନ୍ତର୍ଗତ ଧୁବାଚକୁରି ଗ୍ରାମରେ ଆଜି ସକାଳେ ଜମିଜମା ବିବାଦକୁ କେନ୍ଦ୍ରକରି ଏହି ଘଟଣା ଘଟିଥିବା କୁହାଯାଉଛି।
ସୂଚନା ଅନୁଯାୟୀ, ଧୁବାଚକୁରି ଗ୍ରାମର ଆଜି ସକାଳେ କାହ୍ନୁଚରଣ ଜମିଜମାକୁ ନେଇ ବନ୍ଧୁଙ୍କ ସହ କୌଣସି କଥା ଆଲୋଚନା କରୁଥିବା ବେଳେ ଖୁଡୀ ଉଷାବତୀ କାମିଳା ପ୍ରତିବାଦ କରିଥିଲେ। ଫଳରେ ପୁତୁରା କାହ୍ନୁଚରଣ ଉତ୍କ୍ଷିପ୍ତ ହୋଇ ଖୁଡୀ ଉପରକୁ ଆକ୍ରମଣ କରିଥିଲା। ଉଷାବତୀଙ୍କ ଚିତ୍କାର ଶୁଣି ତାଙ୍କ ପୁଅ ଉଦ୍ଧାର କରିବାକୁ ଯାଇଥିବା ବେଳେ ଆକ୍ରମଣର ଶୀକାର ହୋଇଥିଲା। କାହ୍ନୁଙ୍କ ଆକ୍ରମଣରେ ଉଭୟ ମାଆ ଓ ପୁଅ ଗୁରୁତର ହୋଇଥିବା ବେଳେ ନ୍ୟାୟ ପାଇଁ ବସ୍ତା ଥାନାର ଦ୍ଵାରସ୍ଥ ହୋଇଛନ୍ତି। ପୋଲିସ ଅଭିଯୋଗ ପାଇ ତଦନ୍ତ ଜାରି ରଖିଛି।
