ଜେଏନୟୁରେ ବିରୋଧ ପ୍ରଦର୍ଶନରେ ଚିନ୍ତିତ ସ୍ଥାନୀୟ ନିବାସୀ : ପ୍ରଧାନମନ୍ତ୍ରୀଙ୍କୁ ଲେଖିଲେ ଚିଠି , କହିଲେ … 

ନୂଆଦିଲ୍ଲୀ : ଜେଏନୟୁରେ ବିରୋଧ ପ୍ରଦର୍ଶନ ଓ ଏହାକୁ ଦେଖି ପୁଲିସ କର୍ମୀଙ୍କୁ ମୁତୟନ ଏକ ସାଧାରଣ ଘଟଣା ହୋଇ ଯାଇଛି। ଏଥିଯୋଗୁଁ ଏହି ଅଞ୍ଚଳର ଲୋକଙ୍କୁ ବହୁତ ଅସୁବିଧାର ସମ୍ମୁଖୀନ ହେବାକୁ ପଡ଼ୁଛି । ଏହି ବିଷୟରେ ସିନିୟର ସିଟିଜେନ ଫୋରମ୍‌ ପିଏମ୍‌ ମୋଦିଙ୍କୁ ଏକ ଚିଠି ଲେଖିଛନ୍ତି। ଏଥିରେ ଶୌଚାଳୟର ନିର୍ମାଣ ଓ ସିସିଟିଭି କ୍ୟାମେରା ଲଗାଯିବାକୁ ଦାବି କରି କରିଛନ୍ତି।

ସ୍ଥାନୀୟ ଲୋକଙ୍କ କହିବାନୁସାରେ, ଜେଏନୟୁରେ ହେବାକୁ ଥିବା ବିରୋଧ ପ୍ରଦର୍ଶନ ମୁନିରକା ବିହାରରେ ସମସ୍ୟା ସାଜିଛି। ଲୋକେ ଶୌଚାଳୟ ବ୍ୟବହାର କରିବାକୁ ଡୋର ଠକଠକ୍‌ କରୁଛନ୍ତି। ଏଥିରେ ମିଡ଼ିଆକର୍ମୀ ଓ ପୁଲିସକର୍ମୀ ଅଛନ୍ତି। ଲୋକଙ୍କର କହିବା ହେଲା, କିଛି ଲୋକ ତ ଖୋଲା ସ୍ଥାନରେ ଶୌଚ କରୁଛନ୍ତି। ଏଥିରେ ପୂରା ଅଞ୍ଚଳରେ ଦୁର୍ଗନ୍ଧ ବ୍ୟାପୁଛି। ସ୍ଥାନୀୟ ଲୋକଙ୍କର ଅଭିଯୋଗ କି, ଏହି ମାମଲାରେ ଅଧିକାରୀ ଅଣଦେଖା କରୁଛନ୍ତି।

ସ୍ଥାନୀୟ ଲୋକଙ୍କ କହିବା ହେଲା କି, ମୁନିରକା ବିହାରରେ ଡିଡିଏର ଫ୍ଲାଟ ଅଧିକାଂଶ କେନ୍ଦ୍ର ସରକାରଙ୍କର କର୍ମଚାରୀଙ୍କୁ ବଣ୍ଟନ କରାଯାଇ ଥିଲା । ଏଥିରେ ଅଧିକାଂଶ ନିବାସୀ ବରିଷ୍ଠ ନାଗରିକ। ବିଶ୍ୱବିଦ୍ୟାଳୟରେ ବିରୋଧ ପ୍ରଦର୍ଶନ ବେଳେ ସ୍ଥିତି ବହୁତ ଖରାପ ହୋଇ ଯାଇଛି। ଅଭିଯୋଗ କି ସାର୍ବଜନିକ ସୁବିଧା ବୁଥ୍‌ (ଶୌଚାଳୟ) ନଥିବା କାରଣରୁ ବିଶ୍ୱବିଦ୍ୟାଳର ବାହାରେ ମୁତୟନ ପୁଲିସକର୍ମୀ ଓ ମିଡ଼ିଆକର୍ମୀ ଅନେକ ସମୟରେ ଶୌଚ କରିବାକୁ ତାଙ୍କର କବାଟ ଠକ୍‌ଠକ୍‌ କରୁଛନ୍ତି। ଖାଲି ଏତିକି ନୁହେଁ , କିଛି ଲୋକ ତ ଖୋଲାରେ ଶୌଚ କରିଛନ୍ତି। ଏକ ନ୍ୟୁଜ୍‌ ଏଜେନ୍ସି ସହ କଥା ହୋଇ ସିନିୟର ସିଟିଜେନ ଫୋରମ୍‌ର ସଦସ୍ୟ ପିଏନ୍‌ ମାଲହୋତ୍ରା କହିଛନ୍ତି କି ଅନେକ ଥର ଏହି ବିଷୟରେ ଅଧିକାରୀଙ୍କୁ ଅନୁରୋଧ କରାଯାଇଛି , କିନ୍ତୁ ଏବେସୁଦ୍ଧା କୌଣସି ସମାଧାନ ହୋଇ ନାହିଁ ।