ପ୍ରମୁଖ ଖବର
  • ଭୁବନେଶ୍ୱର : ବିଜେଡି ଛାଡ଼ିଲେ ଦେବାଶିଷ ନାୟକ । ପୂର୍ବତନ ବରୀ-ଡେରାବିସ୍ ବିଧାୟକ
  • ||
  • ୩୪ ନୂଆ ଏନ୍‌ଏସି ଘୋଷଣାରେ ଲୋଇସିଂହା ବାଦ୍, ୧୨ ଘଣ୍ଟିଆ ବନ୍ଦ ଡାକରା
  • ||
  • ମାଲକାନଗିିରି: ଛତିଶଗଡ଼ କାଙ୍କେରରେ ଏନ୍‌କାଉଣ୍ଟର, ଯବାନଙ୍କ ଗୁଳିରେ ୩ ମାଓବାଦୀ ନିହତ
  • ||
  • ବାଲିପାଟଣା ଥାନା ଭିତରେ ଯୁବକଙ୍କୁ ଛେଚିଲେ, ୨ ଅଭିଯୁକ୍ତଙ୍କୁ କାବୁ କଲା ପୋଲିସ
  • ||
  • ଚିଲିକା ମଝିରେ ଫସିଲା ଯାତ୍ରୀବାହୀ ଡଙ୍ଗା, ୧୦ ବାଇକ ସହ ୩୦ ଯାତ୍ରୀ ଫସିଲେ
  • ||
  • ଯୁକ୍ତ ୨ ପରୀକ୍ଷା ପଦାର୍ଥ ବିଜ୍ଞାନ ପ୍ରଶ୍ନପତ୍ରରେ ତ୍ରୁଟି: ୭୦ ମାର୍କର ପରୀକ୍ଷାରେ ୨୭ ମାର୍କର ସିଲାବସ୍‌ ବାହାର ପ୍ରଶ୍ନ
  • ||
  • ଡବ୍ଲ୍ୟୁପିଏଲ୍‌- ୨୦୨୪: ରୋମାଞ୍ଚକ ମୁକାବିଲା, ୟୁପି ୱାରିୟର୍ସଠୁ ୨ରନ୍‌ରେ ଜିତିଲା ରୟାଲ୍‌ ଚ୍ୟାଲେଞ୍ଜର୍ସ
  • ||
  • ‘ଦିଲ୍ଲୀ ଚଲୋ’ ସ୍ଥଗିତ ରହିବା ପରେ ଖୋଲିଲା ଦିଲ୍ଲୀ-ହରିଆଣା ସୀମା, ଶମ୍ଭୁ ସୀମାରେ ଚାଷୀଙ୍କ କ୍ୟାଣ୍ଡେଲ୍‌ ଶୋଭାଯାତ୍ରା
  • ||
  • ବାଙ୍ଖିଡି ଛକରେ ମର୍ମନ୍ତୁଦ ଦୁର୍ଘଟଣା, ଗଛରେ ପିଟି ହୋଇ ବାଇକ୍ ଚାଳକ ମୃତ
  • ||
  • ବର୍ଷିଲା ପରେ ଖସିଲା ତାତି: ୨୭ ଯାଏ ବର୍ଷା ସମ୍ଭାବନା, ୧୦ରୁ ଅଧିକ ଜିଲ୍ଲାରେ ପାଗ କୋହଲା
  • ||
  • ଗୁଜରାଟ ଗସ୍ତରେ ପ୍ରଧାନମନ୍ତ୍ରୀ: ଆଜି ‘ସୁଦର୍ଶନ ସେତୁ’ ଲୋକାର୍ପଣ, ସୌରାଷ୍ଟ୍ରକୁ ଦେବେ ୫୨,୨୫୦ କୋଟିର ପ୍ରକଳ୍ପ ଭେଟି
  • ||

ଦିନକ ପରେ ବିଶ୍ୱପ୍ରସିଦ୍ଧ ଯୋରନ୍ଦା ମାଘ ମେଳା, ସାଧୁସନ୍ଥଙ୍କ ଆଗମନରେ ମହିମାଗାଦି ଚଳଚଞ୍ଚଳ

ଢେଙ୍କାନାଳ,୦୩/୦୨: ବିଶ୍ୱପ୍ରସିଦ୍ଧ ଯୋରନ୍ଦା ମାଘମେଳା ୪ ତାରିଖ ଶନିବାର ଠାରୁ ଆରମ୍ଭ ହେବାକୁ ଯାଉଛି । ଏଥିପାଇଁ ମହିମାଗାଦିର ବିଭିନ୍ନ ମଠ ଓ ମହିମା ସମାଜ ପକ୍ଷରୁ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚି ଥିବା ବେଳେ ପ୍ରଶାସନ ପକ୍ଷରୁ ମଧ୍ୟ ବ୍ୟାପକ ପ୍ରସ୍ତୁତି ଜାରି ରହିଛି । ଦେଶର ବିଭିନ୍ନ ପ୍ରାନ୍ତରୁ ମହିମା ସାଧୁସନ୍ଥମାନେ ମହିମାଗାଦିରେ ପହଞ୍ଚିବାରେ ଲାଗିଛନ୍ତି । ସାଧୁସନ୍ଥ ଓ ମହିମା ଭକ୍ତଙ୍କ ଆଗମନରେ ମହିମାଗାଦି ଚଳଚଞ୍ଚଳ ହୋଇଉଠିଛି । ଚଳିତ ବର୍ଷ ୧୫୦ତମ ପ୍ରଭୁ ପୂର୍ଣ୍ଣିମା ଉତ୍ସବ ତଥା ମାଘମେଳା ପାଳନ ହେଉଥିବାରୁ ଏହାକୁ ଆକର୍ଷଣୀୟ କରିବା ପାଇଁ ପ୍ରସ୍ତୁତି ଚାଲିଛି । ଗୁରୁଗାଦିରେ ନୀତିକାନ୍ତି ପାଇଁ ମହିମା ସାଧୁସନ୍ୟାସୀ ପ୍ରସ୍ତୁତି ଚଳାଇଥିବା ବେଳେ ବ୍ୟବସାୟୀମାନେ ପସରା ମେଳାଇବାକୁ ତମ୍ବୁ ଟାଣିବା ଆରମ୍ଭ କରିଦଲେଣି । ଯାହାକୁ ନେଇ ଯୋରନ୍ଦା ଏବେଠାରୁ ଉତ୍ସବ ମୁଖର ହୋଇ ଉଠିଲାଣି ।

{"id":529929,"width":763,"height":530,"sizeSlug":"full","linkDestination":"none"}

ମହିମାଗାଦିରେ ବିଶ୍ୱ ପ୍ରସିଦ୍ଧ ମାଘମେଳା ବେଶ୍‌ ଆଡ଼ମ୍ବର ସହକାରେ ହୋଇଥାଏ । ବିଭିନ୍ନ ପ୍ରାନ୍ତରୁ ଲକ୍ଷାଧିକ ଶ୍ରଦ୍ଧାଳୁଙ୍କ ଭିଡ଼ ଲାଗିଥାଏ । ଜଗତ ଭକତର ମଙ୍ଗଳ କାମନା କରି ଝାଡ଼ଦୀପ ପ୍ରଜ୍ୱଳନ କରାଯାଇଥାଏ । ତେବେ ଗତ ଦୁଇ ବର୍ଷ ହେଲା କରୋନା କଟକଣା ପାଇଁ ମେଳା ଫିକା ପଡ଼ିଥିଲା । ସୀମିତ ଭକ୍ତଙ୍କ ମଧ୍ୟରେ ନୀତିକାନ୍ତି ହୋଇଥିଲା । ଚଳିତଥର ବିନା କଟକଣାରେ ମେଳା ହେବାକୁ ଥିବା ବେଳେ କୌପିନଧାରୀ ମହିମା ସମାଜର ବତୀ ମନ୍ଦିର, ଧ୍ୱନୀ ମନ୍ଦିର ଆଦି ଉଚ୍ଛେଦକୁ ନେଇ ପ୍ରାରମ୍ଭରୁ ବିବାଦ ଉପୁଜିଥିଲା । ବହୁବାର ବୈଠକ ପରେ ବିବାଦ ଥମିବା ସହ ମେଳା ପାଇଁ ବାଟ ଫିଟିଛି । ତେଣୁ ଚଳିତ ବର୍ଷ ଜାକଜକମରେ ମେଳା ପାଇଁ ପ୍ରସ୍ତୁତି ଚାଲିଛି । ମାଘ ଶୁକ୍ଲପକ୍ଷ ଦଶମୀ ତିଥିଠାରୁ ଠାରୁ ପ୍ରସ୍ତୁତି ଆରମ୍ଭ ହୋଇଯାଇଛି । ଧୁନୀ ଏବଂ ଝାଡ଼ଦୀପ ପ୍ରଜ୍ୱଳନ ପାଇଁ ସମସ୍ତ ପ୍ରକାର ଉପକରଣ ମହିମାଗାଦିରେ ମହଜୁଦ ରହିଛି । ଅହ୍ମୋଣିଆ ପ୍ରସାଦ ପାଇଁ ଭଣ୍ଡାର ଘରେ ସମସ୍ତ ସାମଗ୍ରୀକୁ ରଖାଯାଇଛି ।

ଗାଦି ମନ୍ଦିର ଚାରିପାଶ୍ୱର୍ରେ ଧୁନି ପ୍ରଜ୍ୱଳନ ପାଇଁ ପିଣ୍ଡି ତିଆରି ସରିଛି । ଝାଡ଼ଦୀପ ଜାଳିବା ପାଇଁ ମଧ୍ୟ ଚାରିଦିଗରେ ଘୋଡ଼ିଆ ବା ଷ୍ଟାଣ୍ଡ ଆଜି ଖଞ୍ଜା ଯାଇଛି । ସବୁଦିନ ଭଳି ୪ ତାରିଖରେ ଭୋର୍‌ ୩ଟାରୁ ପହଡ଼ ଫିଟାଯାଇ ନୀତିକାନ୍ତି ହେବ । ପରେ ଦିନ ସାଢ଼େ ୧୧ଟା ଏବଂ ଅପରାହ୍ନ ସାଢ଼େ ୪ଟାରେ ନୀତି ହେବ । ମାଘମେଳା ପାଇଁ ସ୍ୱତନ୍ତ୍ର ନୀତି ଭାବେ ସନ୍ଧ୍ୟା ସାଢ଼େ ୫ଟାରେ ଝାଡ଼ଦୀପ ପ୍ରଜ୍ୱଳନ ହେବ । ଯାହାକୁ ସମସ୍ତେ ଚାହିଁ ରହିଥାନ୍ତି । ସେହିପରି କେଉଁ ବାବା କେଉଁ ମନ୍ଦିର ବା ସ୍ଥାନରେ ରହି ନୀତିକାନ୍ତି ପରିଚାଳନା କରିବେ ତାହା ଆଜି ସ୍ଥିର ହୋଇଛି ବୋଲି ସତ୍ୟ ମହିମା ଧର୍ମଧାମ ପରିଚାଳନା ସମିତିର ସଂପାଦକ ନିତ୍ୟାନନ୍ଦ ବାବା ପ୍ରକାଶ କରିଛନ୍ତି । ଅନ୍ୟପକ୍ଷରେ କୌପୀନଧାରୀ ମହିମା ସମାଜ ମଧ୍ୟ ପ୍ରସ୍ତୁତି ଚଳାଇଛି । ଜ୍ୟୋତି ମନ୍ଦିରରେ କୌପୀନଧାରୀ ମହିମା ସନ୍ୟାସୀମାନେ ଝାଡ଼ ଜାଳିବେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.