ନୂଆଦିଲ୍ଲୀ,୩୦/୧୧: ବଲିଉଡର ଜଣାଶୁଣା ଅଭିନେତା ଶରଦ କପୁରଙ୍କ ବିରୋଧର ସଙ୍ଗୀନ ଅଭିଯୋଗ । କାମ ବାହାନାରେ ଅଶ୍ଳୀଳ ବ୍ୟବହାର କରିଥିବା ନେଇ ତାଙ୍କ ବିରୋଧରେ ଅଭିଯୋଗ କରିଛନ୍ତି ଜଣେ ଯୁବତୀ । ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ପୋଲିସ ।
ତେବେ ଅଭିଯୋଗ ଅନୁଯାୟୀ, ଫେସବୁକ ଜରିଆରେ ଶରଦ କପୁରଙ୍କୁ କାମ କରିବା ପାଇଁ ଯୁବତୀ ଜଣକ ଯୋଗାଯୋଗ କରିଥିଲେ। ଯାହା ପରେ ଦୁହିଁଙ୍କର ଭିଡିଓ କଲ ମାଧ୍ୟମରେ ସାକ୍ଷାତ ହୋଇଥିଲା। ଏନେଇ ଅଭିନେତା କହିଥିଲେ ଯେ, ସେ ତାଙ୍କ ସହ ସାକ୍ଷାତ କରିବାକୁ ଚାହୁଁଛନ୍ତି। ଏହା ପରେ ସେ ଫୋନ୍ ମାଧ୍ୟମରେ ତାଙ୍କ ଠିକଣା ଦେଇ ଅଫିସକୁ ଆସିବାକୁ କହିଥିଲେ। କିନ୍ତୁ ସେଠାକୁ ଯିବାପରେ ତାହା ତାଙ୍କ କାର୍ଯ୍ୟାଳୟ ନୁହେଁ ବରଂ ତାଙ୍କ ଘର ବୋଲି ଜଣାପଡିଥିଲା। ସେଠାରେ ଯୁବତୀଙ୍କୁ ଦୁଷ୍କର୍ମ କରିବାକୁ ଉଦ୍ୟମ କରିଥିଲେ ।ଏନେଇ ଯୁବତୀ ଜଣକ ଅଭିନେତାଙ୍କ ବିରୋଧରେ ଥାନାରେ ଅଭିଯୋଗ କରିଥିବା ବେଳେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଶରଦ କପୁରଙ୍କ ବିରୁଦ୍ଧରେ ଭାରତୀୟ ନ୍ୟାୟିକ ସଂହିତା ଧାରା ୭୪ , ଧାରା ୭୫ ଏବଂ ଧାରା ୭୯ ଅନୁଯାୟୀ ମାମଲା ରୁଜୁ ହୋଇଛି ।
