ଏହି ସେଲିବ୍ରିଟି କପଲଙ୍କ ନାଁରେ ଅଭିଯୋଗ ଆଣିଲେ କଙ୍ଗନା, କହିଲେ-‘ମୋ ଉପରେ ନଜର ରଖାଯାଉଛି’
mensxp
ନୂଆଦିଲ୍ଲୀ ୦୬/୦୨: ବଲିଉଡ୍ ଅଭିନେତ୍ରୀ କଙ୍ଗନା ରାଣାୱତ୍ଙ୍କ ଏକ ଟ୍ୱିଟ୍ ପୁଣି ଚର୍ଚ୍ଚାକୁ ଆସିଛି । ବଲିଉଡ୍ର ଏକ ଦମ୍ପତି ତାଙ୍କ ଉପରେ ନଜର ରଖୁଥିବା ଏବଂ ତାଙ୍କ ବ୍ୟକ୍ତିଗତ ତଥ୍ୟ ଲିକ୍ ହେଉଥିବା କଙ୍ଗନା ଅଭିଯୋଗ କରିଛନ୍ତି । ପୋଷ୍ଟରେ କଙ୍ଗନା କାହା ନାଁ ନେଇନାହାନ୍ତି । ତେବେ ଏହି ଯୋଡ଼ିଙ୍କ ଝିଅ କଥା ମଧ୍ୟ ସେ ଉଠାଇଛନ୍ତି ।
କ୍ରିପ୍ଟିକ୍ ପୋଷ୍ଟରେ କଙ୍ଗନା ଲେଖିଛନ୍ତି, ‘ମୁଁ ଯୁଆଡ଼େ ଯାଉଛି ମୋର ପିଛା କରାଯାଉଛି । କେବଳ ରାସ୍ତାରେ ନୁହେଁ ଏପରିକି ମୋ ବିଲ୍ଡିଂ, ପାର୍କିଂ ଏବଂ ଘର ଛାତ ଉପରେ ନଜର ରଖବା ପାଇଁ ଜମ୍ ଲେନ୍ସ ବ୍ୟବହାର କରାଯାଉଛି । ସମସ୍ତେ ଜାଣିଛନ୍ତି ମିଡିଆ କେବଳ ସେହି ଷ୍ଟାରଙ୍କୁ ଭେଟିଥାନ୍ତି ଯେଉଁମାନେ ଏପରି କରିବା ପାଇଁ ପଇସା ଦେଇଥାନ୍ତି । କିନ୍ତୁ ମୋତେ ସ୍ପଟ୍ କରିବା ପାଇଁ କାହାରିକୁ ଅର୍ଥ ଦେଇନାହିଁ । ତେଣୁ ମୋ ଉପରେ ନଜର ରଖିବା ପାଇଁ କିଏ ସେମାନଙ୍କୁ ଅର୍ଥ ଦେଉଛି । ସକାଳ ସାଢ଼େ ୬ଟାରେ ମୋର ଫଟୋ ଉଠାଯାଉଛି । ସେମାନଙ୍କୁ ମୋ କାର୍ଯ୍ୟକ୍ରମ ବାବଦରେ କିଏ ତଥ୍ୟ ଦେଉଛି । ସକାଳେ କୋରିଓଗ୍ରାଫି ପ୍ରାକ୍ଟିସ୍ ସେସନ୍ସ ପାଇଁ ଷ୍ଟୁଡିଓ ଯିବା କଥା ମଧ୍ୟ ଲିକ୍ ହୋଇଛି । ଏ କଥା ସେ କାହାରିକୁ ବି ଜଣାଇ ନ ଥିଲେ । ଏହା ସତ୍ତ୍ୱେ ସେଠାରେ ଭିଡ଼ ଲାଗିଥିଲା’ ବୋଲି କଙ୍ଗନା କହିଛନ୍ତି । ଏପରିକି ତାଙ୍କ ହ୍ୱାଟ୍ସ୍ଆପ୍ ଡାଟା ମଧ୍ୟ ଲିକ୍ ହେଉଛି ବୋଲି ସେ ଅଭିଯୋଗ ଆଣିଛନ୍ତି । ଏହା ପଛରେ ବଲିଉଡ୍ର ଏକ ‘କାସାନୋଭା’ ଥାଇପାରନ୍ତି ବୋଲି କଙ୍ଗନା କହିଛନ୍ତି । ତେବେ କଙ୍ଗନା ବଲିଉଡ୍ କପଲ ରଣବୀର-ଆଲିଆଙ୍କୁ ଟାର୍ଗେଟ କରିଥିବା ଚର୍ଚ୍ଚା ହେଉଛି।
