ପ୍ରମୂଖ ଖବର
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ସୌରାଷ୍ଟ୍ର-କର୍ଣ୍ଣାଟକ, ବିଦର୍ଭ-କେରଳ ସେମି ଫାଇନାଲ୍‌

ମୁମ୍ବାଇ, ୧୯ା୧(ଏଜେନ୍ସି): ଚଳିତ ରଣଜୀ ଟ୍ରଫିର ସେମି ଫାଇନାଲ୍‌ ଲାଇନ ଅପ୍‌ ଚୂଡ଼ାନ୍ତ ହୋଇଛି । ପୂର୍ବରୁ କେରଳ ଓ କର୍ଣ୍ଣାଟକ ସେମି ଫାଇନାଲକୁ ଉନ୍ନୀତ ହୋଇ ସାରିଥିଲେ । ପଞ୍ଚମ ଦିବସରେ ସୌରାଷ୍ଟ୍ର ଓ ବିଦର୍ଭ ଯଥାକ୍ରମେ ଉତ୍ତର ପ୍ରଦେଶ ଓ ଉତ୍ତରାଖଣ୍ଡକୁ ହରାଇ ସେମିରେ ସ୍ଥାନ ପକ୍କା କରିଛନ୍ତି । ରଣଜୀ ଟ୍ରଫି ଇତିହାସରେ ସୌରାଷ୍ଟ୍ର ସର୍ବ ବୃହତ୍‌ ବିଜୟ ଲକ୍ଷ୍ୟର ପିଛା କରି ଜିତିବାରେ ରେକର୍ଡ ସ୍ଥାପନ କରିଛି ।
ଦେଶାଇଙ୍କ ମ୍ୟାଚ୍‌ ବିଜୟୀ ଶତକ : ଉତ୍ତର ପ୍ରଦେଶ ବିପକ୍ଷରେ ସୌରାଷ୍ଟ୍ର ୬ ୱିକେଟ୍‌ରେ ବିଜୟ ହାସଲ କରିଥିଲା । ହାର୍ଭିକ ଦେଶାଇଙ୍କ ଶତକ, ଚେତେଶ୍ୱର ପୂଜାରା ଓ ସେଲଡନ୍‌ ଜାକ୍‌ସନଙ୍କ ଅପରାଜିତ ଅର୍ଦ୍ଧଶତକ ବଳରେ ସୌରାଷ୍ଟ୍ର ୩୭୨ ରନ୍‌ର ବିଶାଳ ବିଜୟ ଲକ୍ଷ୍ୟ ହାସଲ କରି ୧୦ବର୍ଷ ତଳର ରେକର୍ଡ ଭାଙ୍ଗିଥିଲା । ଶେଷ ଥର ପାଇଁ ୨୦୦୮/୦୯ ସିଜିନ୍‌ରେ ସର୍ଭିସେସ୍‌ ବିପକ୍ଷରେ ଆସାମ ୩୭୧ ରନ୍‌ର ବିଜୟ ଲକ୍ଷ୍ୟର ପିଛା କରି ବିଜୟୀ ହୋଇଥିଲା । ଉତ୍ତର ପ୍ରଦେଶ ପ୍ରଥମ ଇନିଂସରେ ୩୮୫ ରନ୍‌ ସଂଗ୍ରହ କରିଥିଲା । ଜବାବରେ ସୌରାଷ୍ଟ୍ର ପ୍ରଥମ ଇନିଂସରେ ୨୦୮ ରନ୍‌ କରି ଅଲ୍‌ ଆଉଟ୍‌ ହୋଇ ଯାଇଥିଲା । ୧୭୭ ରନ୍‌ରେ ପ୍ରଥମ ଇନିଂସ ଆଗୁଆ ଥାଇ ଉତ୍ତର ପ୍ରଦେଶ ଦ୍ୱିତୀୟ ଇନିଂସରେ ୧୯୪ ରନ୍‌ ସଂଗ୍ରହ କରିବା ସହ ମୋଟ୍‌ ୩୭୧ରନ୍‌ରେ ଅଗ୍ରଣୀ ହାସଲ କରିଥିଲା । ୩୭୨ ରନ୍‌ର ବିଜୟ ଲକ୍ଷ୍ୟକୁ ସୌରାଷ୍ଟ୍ର ୪ ୱିକେଟ୍‌ ହରାଇ ହାସଲ କରି ନେଇଥିଲା । ଦେଶାଇ ୧୧୬, ଏସଏସ ପଟେଏ ୭୨, ପୂଜାରା ଅପରାଜିତ ୬୭ ଓ ଜାକ୍‌ସନ ଅପରାଜିତ ୭୩ ରନ୍‌ କରିଥିଲେ ।
ବିଦର୍ଭର ଇନିଂସ ବିଜୟ: ଉତ୍ତରାଖଣ୍ଡ ବିପକ୍ଷରେ ଡିଫେଣ୍ଡିଂ ଚାମ୍ପିଅନ୍‌ ବିଦର୍ଭ ଇନିଂସ ଓ ୧୧୫ ରନ୍‌ରେ ବିଜୟ ହାସଲ କରିଥିଲା । ଉତ୍ତରାଖଣ୍ଡର ପ୍ରଥମ ଇନିଂସ ୩୫୫ ରନ ଜବାବରେ ବିଦର୍ଭ ପ୍ରଥମ ଇନିଂସରେ ୬୨୯ ରନ୍‌ ସଂଗ୍ରହ କରିଥିଲା । ୨୭୪ ରନ୍‌ ପଛରେ ଥାଇ ଉତ୍ତରାଖଣ୍ଡ ଦ୍ୱିତୀୟ ଇନିଂସ ବ୍ୟାଟିଂ କରି ଉମେଶ ଯାଦବଙ୍କ ଘାତକ ବୋଲିଂର ସାମ୍ନା କରିପାରି ନଥିଲା । ଦଳ ମାତ୍ର ୧୫୯ ରନ୍‌ କରି ଅଲଆଉଟ୍‌ ହୋଇ ଯାଇଥିଲା । ଉମେଶ ୯(୪୍ମ୫)ଟି ୱିକେଟ୍‌ ନେଇ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.